LOUKAS 1:32 - KA BAIBL

³² une un long U Bakhraw, bad yn khot ïa u, ‘U Khun U Bahakhlieh Tam Eh’: bad U Trai uba U Blei un ai ha u ïa ka khet u Dabid u kpa jong u;

Khasi CL Bible (BSI)

³² Un long uba khraw, bad yn khot ïa u, U Khun jong U Blei Bahakhlieh Tam Eh. U Trai Uba U Blei un pynlong syiem ïa u, kumba u Dabid u kpa tymmen jong u, u la long,

LOUKAS 1:32 ပူးပေါင်းရင်းမြစ်များ

2 SAMUEL 7:16

Bad ïa ka ïing jong me bad ïa ka jinglong syiem jong me yn pynskhem ha khmat jong me junom: yn pynskhem keiñ ïa ka khet jong me junom.’ ”

SALM 132:11

U Trai u la smai ha kaba shisha ha u Dabid; un ym kiar noh na kata: “Na u soh ka met jong me ngan buh halor ka khet jong me.

SALM 132:12

Lada ki khun jong me kin sumar ïa ka jutang jong nga bad ïa ka jingphla jong nga kaba ngan hikai ïa ki, ki khun jong ki ruh kin ïoh shong halor ka khet jong me junom.”

ISAÏAH 16:5

Te ïa ka khet yn sa pynskhem ha ka jingisynei, bad uwei un shong halor jong ka ha ka jingshisha, ha ka ïingjaiñ u Dabid; u da bishar, bad u da wad ïa ka jingbishar, bad uba kloi ban leh ïa ka hok.”

JEREMAÏAH 17:25

ynda kumta, kin rung na ki khyrdop kane ka nongbah ki syiem bad ki bakhraw batri kiba shong halor ka khet u Dabid, ki da shong ha ki kali bad ha ki kulai, kita, bad ki bakhraw batri jong ki, ki rangbah Judah, bad kiba shong ha Jerusalem: bad kane ka nongbah kan neh junom.

JEREMAÏAH 22:2

bad to ong, ‘To sngew ïa ka ktien U Trai, ko syiem ka Judah, uba shong ha ka khet u Dabid, ma me, bad ki shakri jong me, bad ki briew jong me kiba rung na kine ki khyrdop.’ ”

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

MATHAÏOS 1:1

Ka kitab ka jingkha ïa U Jisu Khrist, uba u khun u Dabid, uba u khun u Abraham.

MATHAÏOS 12:42

Ka syiem na shathie kan ïamih lem bad kane ka pateng bynriew ha ka jingbishar, bad kan pynrem ïa ka: naba ka la wan na sha ki bakut ka pyrthei ban ïohsngew ïa ka jingstad u Solomon; te ha khmih, hangne uba kham khraw ïa u Solomon.

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

MATHAÏOS 3:11

“Nga shisha nga pynbaptis ïa phi da ka um ïa ka ban kylla-ka-bamut: hynrei, uta uba wan nadien jong nga u long uba kham khraw bor ïa nga, uba kam dei ïa nga ban rah wat tang ïa ki juti jong u: uta keiñ, un pynbaptis ïa phi da U Mynsiem Bakhuid bad da ka ding:

MARKOS 14:61

U te U la shu sngap, bad um ïathuh ei ei ruh em. Uta u rangbah lyngdoh u la kylli pat ïa U, bad u ong ha U, “Me long uta U Khrist, U Khun jong Uba la kyrkhu?”

MARKOS 5:7

bad u la lynñiar da ka ktien bajam bad u la ong, “Me donkam aïu bad nga, ko Jisu, U Khun U Blei U Bahakhlieh Tam Eh? Nga pynsmai ïa me da U Blei, ba men ym pynshitom ïa nga.”

LOUKAS 1:15

naba un long uba khraw ha khmat U Trai, bad un ym dih ïa ka Waiñ lane ka kyiad; bad yn pyndap ïa u da U Mynsiem Bakhuid, wat naduh ka kpoh ka kmie jong u:

LOUKAS 1:35

Uta u angel te u da ïathuh u la ong ha ka, “U Mynsiem Bakhuid un wan ha pha, bad ka bor U Bahakhlieh Tam Eh kan kah halor jong pha; namar kata ruh, ïa ita i bakhuid ïa iba yn kha, yn khot ‘U Khun U Blei’;

LOUKAS 1:76

Me ruh, ko khun, yn khot ‘u nongïathuhlypa jong U Bahakhlieh Tam Eh’; naba men leit ha shuwa ka khmat U Trai, ban pynkhreh ïa ki lynti bah jong U;

LOUKAS 3:16

u Ïoannis u la ïathuh ha ki baroh, u da ong, “Nga shisha nga pynbaptis ïa phi da ka um; hynrei, un sa wan uba kham khraw ïa nga, uba kam dei ïa nga ban loit noh wat ïa ka jingteh ki juti jong u; uta keiñ un pynbaptis ïa phi da U Mynsiem Bakhuid bad da ka ding:

LOUKAS 6:35

Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman.

ÏOANNIS 12:34

Uta u paidbah u la ïathuh ha U, “Ngi, ngi la ïohsngew na Ka Hukum, ba uta U Khrist u ïaisah sha ka bymjukut; te kumno ba ong ma me, ka dei ba yn kyntiew ïa U Khun u briew? uei une U Khun u briew?”

ÏOANNIS 6:69

bad ngi la ngeit, bad ngi tip skhem, ba me, me long uta U Khrist U Khun jong U Blei U Ba-im.”

KI KAM 16:17

Kane, haba ka bud jan ïa u Paul bad ïa ngi, ka la pyrta, ka da ong, “Kine ki briew ki long ki shakri jong U Blei U Bahakhlieh Tam Eh, kiba pynbna ha phi ïa ka lynti ka jingpynim!”

KI KAM 2:30

Namar kata, ba u long u nongïathuhlypa, bad ba u tip ba U Blei u la lah kular da ka jingsmai ha u, ba na u soh ka syngkai jong u, un pynmih ïa uwei u ban shong ha ka khet jong u;

KI KAM 2:36

“To ka ïing Israel baroh kawei, namar kata, kan tip skhem, ba U Blei u la pynlong U Trai bad U Khrist ïa une ujuh U Jisu, ïa uba la sahnarphna ma phi.”

KI KAM 7:48

Te uta U Bahakhlieh Tam Eh um ju shong keiñ ha ki ïing ba la thaw da ki kti; kumba ong u nongïathuhlypa,

Ka Shithi U Paul Sha Ki Nong Rom 1:4

ïa uba la pynithuh shynna ba u long U Khun U Blei da ka bor, katba kum U Mynsiem ka jingkhuid, da ka jingmihpat na ki baïap, U Jisu Khrist keiñ uba U Trai jong ngi,

JINGPYNPAW 3:7

“Bad ha uta u angel jong ka balang kaba ha Philadelphia to thoh: Ïa kine kiei kiei ruh u ong uta U Bakhuid, uta U Bashisha, uta uba don u shabi jong u Dabid, uta uba plie, te uno uno ruh um khang, bad u khang te uno uno ruh um plie: