LOUKAS 1:30 - KA BAIBL

³⁰ Uta u angel u la ong te ha ka, “To wat sheptieng, ko Mari; naba pha la shem ka jingaiei bad U Blei:

Khasi CL Bible (BSI)

³⁰ U angel u la ong ha ka, “To wat sheptieng, ko Mari; U Blei u la sngewbha ïa pha.

LOUKAS 1:30 ပူးပေါင်းရင်းမြစ်များ

JENESIS 6:8

Hynrei, u Noah u la shem ka jingieit isynei ha khmat U Trai.

ISAÏAH 41:10

to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 41:14

Wat sheptieng, me u Jakob uba kum u khñiang, bad phi ki rangbah Israel; nga ngan ïarap ïa me, ong U Trai, U Nongsiewspah jong me, uta U Bakhuid jong ki Israel.

ISAÏAH 44:2

kumne ong U Trai uba la thaw ïa me, bad uba la pynlong ïa me naduh ka kpoh, u ban ïarap ïa me: “Wat sheptieng, ko Jakob u shakri jong nga; bad me, u Jeshurun, ïa uba nga la jied.

MATHAÏOS 14:27

Hynrei, U Jisu kumne kumne ruh u la kren ha ki, u da ong, “To sngewshlur; dei ma nga; to wat sheptieng.”

MATHAÏOS 28:5

Hynrei, uta u angel u da ïathuh u la ong ha kita ki kynthei, “To wat sheptieng phi; naba nga tip ba phi ïawad ïa U Jisu ïa uba la sahnarphna:

LOUKAS 1:13

Hynrei, uta u angel u la ong ha u, “Wat sheptieng, ko Sakharaïa: naba la shahshkor ïa ka jingduwai jong me; te ka tnga jong me ka Elisabet kan kha khun shynrang ïa me, bad men khot ïa ka kyrteng jong u, ‘u Ïoannis’:

LOUKAS 12:32

“To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

KI KAM 27:24

u da ong, ‘Ko Paul, wat sheptieng; ka dei ïa me ban ïeng ha khmat u Kaisar. Ha khmih ruh U Blei u la ai ha me ïa kito baroh kiba ïaid lieng lem bad me.’

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

HEBRU 13:6

Ba kumta, da ka jingsngewshlur bha ngi ong, “U Trai u long u nongïarap jong nga, ngan ym sheptieng: u briew un leh aïu ïa nga?”