LOUKAS 1:28 - KA BAIBL

²⁸ Uta u angel te haba u la leit hapoh sha ka, u la ong, “Khublei, pha kaba la ïoh ka jingaiei bakhraw! U Trai u don lem bad pha; la kyrkhu ïa pha hapdeng ki kynthei.”

Khasi CL Bible (BSI)

²⁸ U angel u la wan sha ka bad u la ong, “To ka jingsuk kan long lem bad pha! U Trai u long ryngkat bad pha bad u la kyrkhu eh ïa pha!”

LOUKAS 1:28 ပူးပေါင်းရင်းမြစ်များ

ISAÏAH 43:5

Wat sheptieng; naba nga long lem bad me: nga ngan wallam noh ïa u symbai jong me na mihngi, bad ngan lum ïa me na sepngi;

DANIEL 10:19

Bad u la ong, “A u briew ïa uba la ieit eh, to wat sheptieng: to long ka jingsuk ïa me, to long uba khlaiñ, shisha, to long uba khlaiñ.” Te ynda u la kren ha nga, la pynkhlaiñ ïa nga, bad nga la ong, “To u kynrad jong nga un kren; namar me la pynkhlaiñ ïa nga.”

HOSIA 14:2

Shim ki ktien bad phi, to phai ruh sha U Trai: ong ha u, “To shim noh ïa ka jingbymhok baroh, bad to pdiang ïa kata ka babha: te ngin ai kum ki masi kyrtong ïa ki jingainguh ki rmiang shyntur jong ngi.

MATHAÏOS 12:48

U te U da ïathuh U la ong ha uta uba la ïathuh ha U, “Kano kaba long ka kmie jong nga? bad kino kiba long ki hynmen hynbew jong nga?”

LOUKAS 1:27

sha ka theisotti kaba la ïatehktien bad u briew, uba kyrteng “u Joseph”, na ka ïing u Dabid; ka kyrteng kata ka theisotti te ka long “ka Mari”.

LOUKAS 1:29

Ka te ka la sngewkhuslai eh na ka jingong jong u, bad ka la puson ha lade hato kaba kumno ka lah ban long kane ka jingkhublei.

LOUKAS 1:30

Uta u angel u la ong te ha ka, “To wat sheptieng, ko Mari; naba pha la shem ka jingaiei bad U Blei:

LOUKAS 1:42

Ka la pyrta te da ka ktien bajam, bad ka la ong, “La kyrkhu ïa pha hapdeng ki kynthei, bad la kyrkhu ruh ïa u soh ka kpoh jong pha!

KI KAM 18:10

naba nga long ryngkat bad me, bad ym don u briew u ban ïaleh ïa me ïa ka ban pynsniew ïa me; naba nga don bun briew ha kane ka nongbah.”

EPHESOS 1:6

ïa ka ban ïaroh ïa ka burom ka jingaiei jong u, kaba u la ai ei ha ngi ha uta U Ba-ieit,

NONGBISHAR 5:24

“Kan long kaba suk ka Jael, ka tnga u Heber u nong Ken, nalor ki kynthei, kan long kaba suk ma ka nalor ki kynthei ha ka ïingjaiñ.

NONGBISHAR 6:12

Te u angel U Trai u la paw ha u, bad u la ong ha u, “U Trai u don ryngkat bad me, me u briew uba shynrang.”

RUTH 2:4

Te, ha khmih, u Boas u la wan na Bethlehem, bad u la ong ha kita ki nongot, “To U Trai un long ryngkat bad phi.” Ki ruh ki la ïathuh ha u, “To U Trai un kyrkhu ïa me.”