LOUKAS 1:25 - KA BAIBL

²⁵ “Kumne U Trai u la leh ha nga ha ki sngi ha kiba u la khmih ïa nga, ban weng noh ïa ka jinglongbeiñ jong nga hapdeng ki briew.”

Khasi CL Bible (BSI)

²⁵ “Mynta khatduh U Trai u la ïarap ïa nga,” ka la ong. “U la shim noh ïa ka jahburom jong nga hapdeng ki briew!”

LOUKAS 1:25 ပူးပေါင်းရင်းမြစ်များ

JENESIS 25:21

Bad u Isaak u la ïai-duwai ha U Trai na ka bynta ka tnga jong u, namar ba ka long kaba lyngki: bad U Trai u la shahshkor ïa u, te ka Rebekka ka tnga jong u ka la punkhun.

2 SAMUEL 6:23

Te ka Mikhal ka khun u Saul kam shym la ïoh khun haduh ka sngi ka jingïap jong ka.

ISAÏAH 25:8

U la nguid tylli ïa ka jingïap junom; te U Trai U Blei un ñiad noh ïa ki ummat na ki khmat baroh; bad ka jingkrenbeiñ ïa u paidlang jong u, un shim noh na ka khyndew baroh: namar U Trai u la kren ïa ka.

ISAÏAH 4:1

Te hynñiew ngut ki kynthei kin bat ïa uwei u rangbah ha kata ka sngi, kin ïa-ong, “Ngin bam la ka bam hi, bad ngin kup la ki jong ki jaiñ: tang ba yn khot ïa ngi da ka kyrteng jong me; shim noh ïa ka jinglongbeiñ jong ngi.”

LOUKAS 1:13

Hynrei, uta u angel u la ong ha u, “Wat sheptieng, ko Sakharaïa: naba la shahshkor ïa ka jingduwai jong me; te ka tnga jong me ka Elisabet kan kha khun shynrang ïa me, bad men khot ïa ka kyrteng jong u, ‘u Ïoannis’:

LOUKAS 1:24

Hadien kita ki sngi te, ka Elisabet ka tnga jong u ka la punkhun, bad ka la buhrieh ïa lade san bnai, ka da ong,

HEBRU 11:11

Da ka jingngeit, wat ka Sara hi ka la ïoh bor ïa ka ban punkhun haba ka la palat aïom, naba ka la ñiew uba lah ban shaniah ïa uta uba la kular.

NONGBISHAR 11:37

Ka la ong te ha la u kpa, “To leh ïa kane na ka bynta jong nga; to shah ïa nga ar bnai, ba ngan ïaid arsut artet shalor ki lum, bad ban ïam ïa ka jinglong sotti jong nga, ma nga bad ki lok jong nga.”

1 SAMUEL 1:6

Te ka nongïaleh pyrshah jong ka, ka la pynkhih bitar khait ïa ka, khnang ban pynkhuslai ïa ka, naba U Trai u la pynlyngki ïa ka.