LOUKAS 1:15 - KA BAIBL

¹⁵ naba un long uba khraw ha khmat U Trai, bad un ym dih ïa ka Waiñ lane ka kyiad; bad yn pyndap ïa u da U Mynsiem Bakhuid, wat naduh ka kpoh ka kmie jong u:

Khasi CL Bible (BSI)

¹⁵ Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

LOUKAS 1:15 ပူးပေါင်းရင်းမြစ်များ

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

JENESIS 48:19

Te u kpa jong u, u la kyrngah bad u la ong, “Nga tip ma nga, ko khun, nga tip ma nga: une ruh un long u paidbah, bad un long u bakhraw une ruh de: hynrei, shisha u para uba hadien jong u un long uba kham khraw ïa u, bad u symbai jong u un long ka jingpyndap ki jaid bynriew.”

1 KHRONIKL 17:8

bad nga la long lem bad me, kat shaba me la leit, bad nga la ot noh ïa ki nongshun jong me baroh na khmat jong me; bad ngan pynlong ha me ka nam, kaba kum ka nam jong ki bakhraw batri kiba don ha ka khyndew.

1 KHRONIKL 29:12

Bad ka spah bad ka burom ki wan na me, bad me synshar halor baroh; bad ha ka kti jong me long ka bor bad ka jingskhem; bad ha ka kti jong me ka long ban pynkhraw, bad ban ai bor ha baroh.

SALM 22:9

Hynrei, me, me long uta uba la shim noh ïa nga na ka kpoh: me la pynshaniah ïa nga mynba nga dang ha ki jymbuiñ ka kmie jong nga.

JEREMAÏAH 1:5

“Haba ngam pat pynlong ïa me ha ka kpoh nga la ithuh ïa me, bad haba mem pat mih na ka kpoh nga la pynkyntang ïa me; nga la thung ïa me ban long u nongïathuhlypa ïa ki jaid bynriew.”

JEREMAÏAH 35:6

Hynrei, ki la ong, “Ngin ym dih Waiñ: namar u Jonadab u khun u Rekhab u kpa jong ngi, u la hukum ïa ngi, u da ong, ‘Phin ym dih Waiñ lano lano ruh, ma phi, lymne ki khun shynrang jong phi:

LEBITIKOS 10:9

“Me, ïa ka Waiñ bad ïa ka kyiad wat dih, bad ki khun shynrang jong me ruh, haba phi rung sha Ka Tabernakl ka jingïaseng, ba phin ym ïap noh: kane kan long ka hukum ba-neh junom ïa phi pateng la pateng:

SEKHARAÏAH 9:15

U Trai ki paid un da ïa ki; bad kin bam duh, bad kin ïuh roit ïa ki maw kawang; bad kin dih, bad kin kynha kum namar ka Waiñ: te yn pyndap ïa ki kum ïa ki khuri heh, kum ki dong jong ka duwan.

LOUKAS 1:14

te men ïoh ka jingsngewbha bad ka jingkmen; shibun ruh kin ïashadkmen namar ka jingkha jong u;

LOUKAS 7:28

“Naba nga ong ha phi, ‘Na kiba la kha na ki kynthei, ym don u nongïathuhlypa uba kham khraw ban ïa u Ïoannis u Nongpynbaptis: pynban, uba kham rit ha ka hima U Blei, u long uba kham khraw ïa u.’ ”

LOUKAS 7:33

“Naba u Ïoannis u Nongpynbaptis u la wan, um da bam kpu lymne um da dih Waiñ; te phi ong, ‘Uba shong ksuid’ ïa u.

ÏOANNIS 5:35

Uta u la long ka sharak ba la thang bad batyngshaiñ; phi te phi la ïasngewbha ban ïashadkmen tang shibit ar bit ha ka jingshai jong u.

KI KAM 2:4

Bad la pyndap ïa ki baroh da U Mynsiem Bakhuid, bad ki la ïasdang ban kren ha kiwei pat ki thylliej, kat kumba U Mynsiem u la ai bor ïa ki ban kren.

GALATIA 1:15

Hynrei, haba U Blei u la sngewbha, uba la pynkyntang ïa nga naduh ka kpoh ka kmie jong nga, bad uba la khot ïa nga da ka jingaiei jong u,

EPHESOS 5:18

Bad to wat long phi kiba buaid da ka Waiñ, ha kaba don ka jingkhynwin, hynrei, to long kiba la dap da U Mynsiem;

JOSHUA 3:7

Bad U Trai u la ong ha u Joshua, “Ha kane ka sngi, ngan sdang ban pynkhraw ïa me ha khmat ki Israel baroh, ba kin ïoh tip ba, kumba nga la don ryngkat bad u Moses, kumta, ngan don ryngkat bad me.

JOSHUA 4:14

Ha kata ka sngi, U Trai u la pyndonburom ïa u Joshua ha khmat ki Israel baroh; te ki la sheptieng ïa u, kumba ki la ju sheptieng ïa u Moses, baroh ki sngi ka rta jong u.