LEBITIKOS 7:1 - KA BAIBL

¹ “ ‘Kane ruh ka hukum ka jingkñia namar ka jingpalat: ka long ka bakyntang tam eh.

Khasi CL Bible (BSI)

¹ Kine harum ki long ki jingbuhbeit ryntih kiba ïadei bad ki jingkñia namar ki jingleh palat, kiba khuid bha.

LEBITIKOS 7:1 ပူးပေါင်းရင်းမြစ်များ

2 KHRONIKL 31:14

Bad u Kore u khun u Imnah u kynja Lebi, u nongap Ka Khyrdop Mihngi, u la long halor ki jingainguh ka mon sngewbha jong U Blei, ban ïasam ïa ki jingkñia jong U Trai, bad ïa kiei kiei ki bakyntang tam.

ESEKIEL 40:39

Bad ha ka batsha jong ka khyrdop la don ar tylli ki miej ha kane ka liang, bad ar tylli ki miej ha katai ka liang, ban pynïap halor jong ki, ïa ka jingainguh thang bad ïa ka jingkñia namar ka pop bad ïa ka jingkñia namar ka jingpalat.

ESEKIEL 44:29

Kin bam ïa ka jingainguh bam, bad ïa ka jingkñia namar ka pop, bad ïa ka jingkñia namar ka jingpalat, bad kata baroh ïa kaba la pynkyntang ha Israel kan long ka jong ki.

ESEKIEL 46:20

Te u la ong ha nga, “Kane ka long ka jaka ha kaba ki lyngdoh kin shet ïa ka jingkñia namar ka jingpalat bad ïa ka jingkñia namar ka pop, ha kaba kin syang ïa ka jingainguh bam, khnang ba kin ym wallam shabar ïa ki ha ka phyllaw kaba shabar, ïa ka ban pynkyntang ïa u paidbah.”

LEBITIKOS 21:22

Un ïoh bam ïa ka jingbam ka jong U Blei jong u, na kita ki jong ki bakyntang tam, bad na ki jong ki bakyntang.

LEBITIKOS 5:11

“ ‘Hynrei, lada ka kti jong u kam lah kot haduh ar tylli ki sohlyngngem, lane ar tylli ki khun lyngdkhur, ynda kumta, ka dei ïa uta uba la leh pop ban wallam ïa la ka jingkñia da kumba ar ser shiteng u 'purew bani, ïa ka ban long ka jingkñia namar ka pop; un ym theh umphniang ha ka, lymne buh ka jingiwbih halor jong ka: naba ka long ka jingkñia namar ka pop.

LEBITIKOS 5:14

Bad U Trai u la kren ha u Moses, u da ong,

LEBITIKOS 5:15

“Lada uno uno ruh u leh palat, bad u da leh pop da kaba khlem pyrkhat, shaphang kita kiei kiei ruh ba la pynkyntang ha U Trai; te ka dei ba un wallam ha U Trai namar la ka jingpalat, da u langbrot bajanai bha na ki kynhun, lem bad ka jingkheiñ dor jong me ha ki shekel rupa, kumba ka shong ka shekel ka jaka kyntang, ïa ka ban long ka jingkñia namar ka jingpalat.

LEBITIKOS 5:7

“ ‘Te lada ka kti jong u kam lah kot haduh i khun langbrot, ka dei ba un wan ai ha U Trai namar ka jingpalat jong u ba u la leh, da ar tylli ki lyngdkhur, lane ar tylli ki sohlyngngem; kawei ïa ka ban long ka jingkñia namar ka pop, bad kawei pat ïa ka ban long ka jingkñia ainguh thang.

LEBITIKOS 5:8

Bad un wallam ïa ki ha u lyngdoh, u ban kñia shuwa ïa kata kaba long namar ka pop, bad da khyrwait noh ïa la ka khlieh na ka ryndang, hynrei, khlem da pyndkut ïa ka,

LEBITIKOS 6:17

Wat shet ïa ka bad u thiat. Nga la ai ïa kane ha ki, kum ka bynta jong ki na ki jingkñia da ka ding jong nga; kane ka long ka bakyntang tam, kumjuh kumba long ka jingkñia namar ka pop, bad ka jingkñia namar ka jingpalat.

LEBITIKOS 6:25

“To kren ha u Aaron bad ha ki khun shynrang jong u, da ong, ‘Kane ka long ka niam ka rukom jong ka jingkñia namar ka pop: ha kata ka jaka ba ki ju pynïap ïa ka jingkñia ainguh thang yn pynïap ïa ka jingkñia namar ka pop ruh ha khmat U Trai: ka long kaba la kyntang tam.

JINGKHEIÑ 6:12

Bad un pynkyntang ha U Trai ïa ki sngi ka jinglong Nasar jong u, bad un wallam ïa uwei u khun langbrot uba shi snem, ban long ka jingkñia namar ka jingpalat: te yn sa pynlehnohei ïa kita ki sngi kiba mynshuwa, namar ba la pyntngit sang ïa ka jinglong Nasar jong u.’