KOLOSSAI 4:1 - KA BAIBL

¹ Ko ki kynrad, to leh ha la ki shakri ïa kata ka bahok bad ïa kaba biang; haba phi tip ba phi ruh phi don U Kynrad ha bneng.

Khasi CL Bible (BSI)

¹ Ko ki kynrad, to long kiba beit bad kiba hok ha ka rukom kaba phi leh ïa ki mraw jong phi. Kynmaw ba ma phi ruh phi don U Kynrad ha bneng.

KOLOSSAI 4:1 ပူးပေါင်းရင်းမြစ်များ

EKLESIASTIS 5:8

Lada men ïohi ïa ka jingbanbeiñ ïa u baduk, bad ïa ka jingpynduh ïa ka jingbishar bad ïa ka hok ha ka ilaka, wat sngewkyndit shaphang kata: namar uta uwei uba kham ha khlieh ban ïa uba ha khlieh u khmih; bad don uba kham ha khlieh ban ïa ki.

ISAÏAH 58:3

‘Ngi la shah jingit balei,’ ki ong, ‘me ruh mem ïohi? Ngi la pynshitom ïa la ka mynsiem, me ruh mem tip?’ Ha khmih, ha ka sngi ka jingshah jingit jong phi, phi ïoh la ka jingsngewbha, bad phi shim jubor ïa ki jingtrei jong phi baroh.

LEBITIKOS 19:13

“ ‘Men ym leh klop ïa la u paramarjan, lymne lute ïa u: wat ai ba ka bainong u nongbylla kan sah bad me wat shi miet ruh haduh mynstep.

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

MATHAÏOS 20:4

u la ong te ha ki, ‘To khie leit ma phi ruh sha kata ka brisoh, kat kaba biang ruh ngan ai ha phi.’ Ki ruh ki la leit.

LOUKAS 19:15

Te ka la jia haba u la wan phai pat, ynda u la ïoh diang ïa kata ka hima, ba u la hukum ba yn khot ha u ïa kita ki shakri, ha kiba u la ai ïa kita ki sbai rupa, ba un ïoh tip katno ba uwei pa uwei u la myntoi da kaba khaïi.

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.

JAKOB 5:4

Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 19:16

Bad u don halor ka jaiñkup, bad halor ka lbong jong u, ka kyrteng ba la thoh, “U Syiem Ki Syiem bad U Trai Ki Trai”.