KOLOSSAI 3:9 - KA BAIBL

⁹ To wat ïalamler paralok, haba phi la loit noh ïa u briew batymmen bad ïa ki jingleh jong u,

Khasi CL Bible (BSI)

⁹ Wat ïa-lamler iwei ïa iwei pat, naba phi la loit noh ïa ka jinglong barim lem bad ki jingmlien jong ka bad ba phi la kup ïa ka jinglong bathymmai.

KOLOSSAI 3:9 ပူးပေါင်းရင်းမြစ်များ

PROBERB 13:5

U briew u bahok u isih ïa kaba lamler: hynrei, u briew bymman u long uba isih, bad un poi sha kaba lehrain.

ISAÏAH 63:8

Namar u la ong, “Shisha, ki long ki briew jong nga, ki khun ki ban ym leh shukor:” kumta u la long U Nongpynim jong ki.

LEBITIKOS 19:11

“ ‘Phin ym tuh; lymne leh buit shukor, lymne ïalamler paralok hi.

SEPHANAÏAH 3:13

Kita kiba sah jong u Israel kin ym leh bymhok, lymne kren ïa ka lamler; lymne ïa u thylliej uba shukor yn ym shem ha ka shyntur jong ki: naba kin bam bad kin thiah, te ym don shuh u ban pynsheptieng ïa ki.”

SEKHARAÏAH 8:16

Kiei kiei kiba phin leh ki long kine: ‘To kren ïa kaba shisha uwei uwei ïa la u paramarjan; to bishar ïa ka jingbishar jong ka jingshisha bad ka jingsuk ha la ki khyrdop:

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

Ka Shithi U Paul Sha Ki Nong Rom 6:6

ba ngi da tip ïa kane, ba la sahnarphna lem bad u, ïa u briew batymmen jong ngi, ba yn da ïoh pynjot noh ïa ka met ka jong ka pop, khnang ba ngin ym long mraw shuh ha kata ka pop.

EPHESOS 4:22

ba phin buh noh, shaphang kata ka jinglong jong phi kaba mynshuwa, ïa uta u briew batymmen keiñ, uba nang pyut katba kum kita ki jingikwah ka jingshukor,

EPHESOS 4:25

Naba kumta, da kaba buh noh ïa ka jinglamler, to kren ïa kaba shisha uwei pa uwei bad la u paramarjan; naba ngi ïalong ki dkhot jong ki paralok.

KOLOSSAI 3:8

Hynrei, mynta, to phin bred noh ruh ïa kine baroh; ka jingbitar, ka jingbitar shla, ka jingbishni, ka jingkrenbeiñ, ka jingkren sih, na ka shyntur jong phi.

1 TIMOTHI 1:10

ïa kiba ïakai kynthei, ïa kiba ïaleh sang para shynrang, ïa ki nongtuh briew, ïa ki nonglamler, ïa ki nongsmai lamler, bad lada don kaei kaei kawei pat kaba ïaleh pyrshah ïa kata ka jinghikai bajanai;

JINGPYNPAW 21:27

Bad da lei lei kan ym ïoh leit bsut sha ka kaei kaei ruh ka bymkhuid, lane uta uba leh ïa ka jingijli bad ka jinglamler: hynrei, tang kita keiñ ïa kiba la thoh ha kata ka kitab ka jingim jong uta U Khun langbrot.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

JINGPYNPAW 22:15

Shabar ki long kita ki ksew, bad kita kiba ai ksuid, bad kita kiba kyr-eit bad kita kiba pynïap, bad kita kiba mane bleithaw, bad baroh kat kiba ieit bad bathaw ïa ka lamler.