KOLOSSAI 3:4 - KA BAIBL

⁴ Ynda la paw U Khrist, uba ka jingim jong ngi, ynda kumta, phi ruh, phin paw lem bad u ha ka burom.

Khasi CL Bible (BSI)

⁴ Ka jingim bashisha jong phi ka long U Khrist, bad haba u mihpaw, te ma phi ruh phin mihpaw lem bad u bad ïoh bynta ïa ka burom jong u!

KOLOSSAI 3:4 ပူးပေါင်းရင်းမြစ်များ

SALM 17:15

Nga te, ngan ïoh khmih ïa ka khmat jong me ha ka hok: yn pynhun ïa nga, ynda nga la peit, da ka dur jong me.

SALM 73:24

Men ïalam ïa nga da ka jingpyrkhat jong me, hadien kata, men diang'ti ïa nga sha ka burom.

MATHAÏOS 13:43

Ynda kumta, ki bahok kin ïatyngshaiñ noh kum ka sngi ha ka hima U Kpa jong ki. Uba don ki shkor ban sngew, to un sngew.

LOUKAS 17:30

Kumta ruh kan long ha kata ka sngi ha kaba yn pynpaw ïa U Khun u briew.

ÏOANNIS 11:25

U Jisu u la ong ha ka, “Nga long kata ka jingmihpat bad kata ka jingim: uta uba ngeit ha nga, la u la ïap, un ïoh im:

ÏOANNIS 14:3

Ynda nga la leit noh, bad ba nga la khreh ïa phi ka jaka, ngan wan pat, bad ngan shimti ïa phi ha lade hi, ba ha kaba nga long ma nga, phi ruh phi lah ban long.

ÏOANNIS 14:6

U Jisu u ïathuh ha u, “Nga uba long kata ka lynti, bad ka jingshisha, bad ka jingim de: ym don uba wan ha U Kpa, hynrei, tang da nga.

ÏOANNIS 17:24

Ko Kpa, ïa kita kiba me la ai ha nga, nga kwah ba ha kaba nga don ma nga ba kita ruh kin ïadon ryngkat bad nga; ba kin ïoh khmih ïa kata ka burom jong nga kaba me la ai ha nga: naba me la ieit ïa nga mynshuwa kaba pynshong nongrim ïa ka pyrthei.

ÏOANNIS 20:31

hynrei, la thoh ïa kine kiei kiei ruh, ba phin ïoh ngeit ba U Jisu u long uta U Khrist, U Khun U Blei; bad ba haba da ngeit, phin ïoh ka jingim ha ka kyrteng jong u.

KI KAM 3:15

bad ïa U Syiem ka jingim, phi la pynïap noh; ïa uba U Blei u la pynmih pat na ki baïap; shaphang kata, ngi, ngi long ki nongphla.

Ka Shithi U Paul Sha Ki Nong Rom 8:18

Namar nga kheiñ ba kita ki jingshahshitom ki jong ka pyrthei sngi kaba mynta, kim long ei ei ruh em ban ïanujor bad kata ka burom ka ban sa pynpaw ha ngi.

Ka Shithi U Paul Sha Ki Nong Rom 8:19

Namar kata ka jingkhmih kyrmen kmang ka jong ka jingthaw, ka khmih lynti hir hir ïa kane ka jingpynpaw ïa ki khun U Blei.

1 KORINTH 1:7

katba phi phim shym duna ha kano kano ka jingai; haba ïaikhmih lynti ïa ka jingpynpaw ïa U Jisu Khrist uba U Trai jong ngi;

1 KORINTH 15:43

la bet ïa ka ha kaba khlem burom, yn pynmih pat ïa ka ha ka burom; la bet ïa ka ha ka jingtlot, yn pynmih pat ïa ka ha ka bor;

2 KORINTH 4:17

Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut,

GALATIA 2:20

La sahnarphna ïa nga lem bad U Khrist: pynban, nga im; hynrei, ym ma nga shuh, hynrei, U Khrist keiñ u im ha nga: bad kata kaba nga im mynta ha ka doh nga im da ka jingngeit keiñ kaba ha U Khun U Blei, uba la ieit ïa nga, bad uba la aiti noh ïa lade na ka bynta jong nga.

PHILIPPI 3:21

u ban thaw thymmai ïa ka met ka jinglong rangli jong ngi, ïa ka ban pynlong ïa ka shidur bad ka met ka burom jong u, katba kum kata ka jingpyntrei da kaba u lah ruh wat ban pyndem ïa kiei kiei baroh ha lade.

1 THESSALONI 4:17

Ynda kumta, ma ngi kiba dang im, ïa kiba la pynsah, yn rong noh ïa ngi lem bad ki ha ki lyoh, ïa ka ban ïashem ïa U Trai ha ka suiñbneng: te kumta, ngin ïailong junom junom lem bad U Trai.

1 TIMOTHI 6:14

ba men sumar ïa kane ka hukum khlem thohbria, khlem shah kynnoh pop, haduh kata ka jingmihpaw U Jisu Khrist uba U Trai jong ngi:

2 TIMOTHI 1:1

U Paul, u apostol U Khrist Jisu da ka mon U Blei, katba kum ka jingkular ka jingim kaba ha U Khrist Jisu,

2 TIMOTHI 4:8

Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.

TITOS 2:13

kiba ïakhmih ïa kata ka jingkyrmen basuk, bad ïa ka jingmihpaw ka burom jong U Blei Bakhraw bad U Jisu Khrist U Nongpynim jong ngi;

HEBRU 9:28

kumta, U Khrist ruh, haba la kñia ainguh tang shi sien ïa u, ïa ka ban bah noh ïa ki pop jong kiba bun, un mihpaw ha ka ba-ar sien, khlem bah ka pop, ha kita kiba khmih lynti ïa u, ïa ka jingpynim.

1 PETROS 1:13

Naba kumta, haba la panpoh noh ïa ka syngkai ka jingmut jong phi, to long kiba khan adkar bad to phin ïaikyrmen janai ïa kata ka jingaiei ïa kaba yn wallam ha phi ha ka jingpynpaw U Jisu Khrist;

1 PETROS 5:4

Te ynda la pynpaw ïa U Nongaplangbrot Rangbah, phin ïoh pdiang ïa kata ka pansngiat ka burom ka bymsep noh.

1 ÏOANNIS 2:28

Te mynta, ko ki khun hep, to ïaisah ha u; khnang ba lada yn pynpaw ïa u, ngin ïoh ka jingsngewshlur, bad ba ngin ym lehrain ha khmat jong u ha kata ka jingwan jong u.

1 ÏOANNIS 3:2

Ko hep ba-ieit, mynta ngi long ki khun U Blei, bad ym pat la pynpaw ïa kaei ba ngin sa long; hynrei, ngi tip ba, ynda la pynpaw ïa u, ngin long kiba kum ma u; naba ngin ïohi ïa u kumba u long hi.

1 ÏOANNIS 5:12

Uta uba don uta U Khun, u don kata ka jingim; te uta u bymdon U Khun U Blei, um don kata ka jingim.

JUDAH 1:24

Te ha uta uba lah ban ri kyndong ïa phi ba khlem jynthut, bad ban pynïeng ïa phi ba khlem pop ha khmat ka burom jong u ha ka jingkmen bakhraw eh,

JINGPYNPAW 2:7

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na u dieng jong ka jingim, uba long ha ka paradais U Blei.’ ”

JINGPYNPAW 22:1

Bad u la pyni ha nga ïa ka wah basngur ka um ka jingim, kaba phyrnai kum u mawleiñ, kaba mih noh na ka khet U Blei bad ka jong uta U Khun langbrot, hapdeng kata ka lynti bah jong ka.

JINGPYNPAW 22:14

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.