KOLOSSAI 3:3 - KA BAIBL

³ Namar phi la ïap noh, bad ïa ka jingim jong phi la buhrieh lem bad U Khrist ha U Blei.

Khasi CL Bible (BSI)

³ Naba phi la ïap, bad ïa ka jingim jong phi la buhrieh lem bad U Khrist ha U Blei.

KOLOSSAI 3:3 ပူးပေါင်းရင်းမြစ်များ

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

ÏOANNIS 14:19

Sa tang shibit ar bit, te kata ka pyrthei kan ym ïoh khmih ïa nga shuh; hynrei, phi, phin ïoh khmih ïa nga: namar ba nga, nga im, phi ruh, phin ïoh im.

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 4:14

hynrei, uno uno ruh u ban dih na kata ka um, ïa kaba nga ngan ai ha u, un ym sliang lano lano ruh; hynrei, kata ka um, ïa kaba ngan ai ha u, kan long ha u ka pukri ka um kaba kyrsoi sha ka jingim bymjukut.”

ÏOANNIS 5:21

Namar kumba uta U Kpa u pynmih ïa ki baïap bad u pynim ïa ki, kumta ruh U Khun u pynim ïa kiba u mon.

ÏOANNIS 5:24

Shisha, shisha nga ong ha phi, ba uta uba ïohsngew ïa ka ktien jong nga, bad uba ngeit ha uta uba la phah ïa nga, u don ka jingim bymjukut; bad un ym wanhap sha ka jingpynrem, hynrei, u la lait shiliang na ka jingïap sha ka jingim.

ÏOANNIS 5:40

Pynban, phim mon ban wan ha nga, ba phin ïoh ka jingim.

Ka Shithi U Paul Sha Ki Nong Rom 5:10

Namar lada, mynba ngi la long ki nongshun, la pynïasuk noh ïa ngi bad U Blei da ka jingïap U Khun jong u, te kham tam shibun, haba la pynïasuk ïa ngi, yn pynim ïa ngi da ka jingim jong u.

Ka Shithi U Paul Sha Ki Nong Rom 5:21

ba kat kumba kata ka pop ka la synshar sha ka ban pynïap, kumta ruh, kata ka jingaiei kan da synshar noh da ka jingpynksan sha ka ban pynim bymjukut da U Jisu Khrist uba U Trai jong ngi.

Ka Shithi U Paul Sha Ki Nong Rom 6:11

Kumjuh ruh, ma phi, to ñiew ïa lade kiba la ïap keiñ ïa ka pop, hynrei, kiba ïai-imti ïa U Blei ha U Khrist Jisu uba U Trai jong ngi.

Ka Shithi U Paul Sha Ki Nong Rom 6:2

Ym kumta, em! Ma ngi kiba la ïap ïa ka pop, kumno ngin dang ïai-im shuh ha ka?

Ka Shithi U Paul Sha Ki Nong Rom 8:2

Namar kata ka hukum ka jong U Mynsiem ka jingim ha U Khrist Jisu ka la pyllait ïa nga na kata ka hukum ka jong ka pop bad ka jong ka jingïap.

1 KORINTH 15:45

Kumta ruh, la thoh: “Ïa u Adam u briew u banyngkong la thaw ka mynsiem ba-im,” hynrei, ïa u Adam u bakhatduh ka mynsiem bapynim;

1 KORINTH 2:14

Hynrei, u briew bakynja doh um pdiang ïa kita kiei kiei ruh ki jong U Mynsiem U Blei; namar ki long ka jingbieit ha u; bad um lah hi ban ithuh ïa ki, naba, da kaba kynja mynsiem ba bishar ïa ki.

2 KORINTH 5:14

Namar ka jingieit U Khrist ka pynleh ïa ngi, da kaba ngi la kut jingmut kumne, ba lada uwei u la ïap na ka bynta baroh, kumta, kita baroh ki la ïap keiñ;

2 KORINTH 5:7

(namar ngi ïaid da ka jingngeit, ym da ka jingïohi),

GALATIA 2:20

La sahnarphna ïa nga lem bad U Khrist: pynban, nga im; hynrei, ym ma nga shuh, hynrei, U Khrist keiñ u im ha nga: bad kata kaba nga im mynta ha ka doh nga im da ka jingngeit keiñ kaba ha U Khun U Blei, uba la ieit ïa nga, bad uba la aiti noh ïa lade na ka bynta jong nga.

EPHESOS 3:9

bad ïa ka ban pynsngewthuh ïa ki briew baroh, kaei long kata ka jingpynïaid jong kata ka jingmaïan, ïa kaba la buhrieh na bymjukut ha U Blei uba la thaw ïa kiei kiei baroh:

PHILIPPI 4:7

Te kata ka jingsuk U Blei, kaba palat ïa ka jingshemphang baroh, kan ri jai jai keiñ ïa ki dohnud jong phi bad ïa ki jingmut jong phi ha U Khrist Jisu.

KOLOSSAI 1:5

namar kata ka jingkyrmen ïa kaba la buh na ka bynta jong phi ha ki bneng, ïa kaba phi la lah ïohsngew mynshuwa ha ka ktien ka jingshisha jong ka gospel;

KOLOSSAI 2:20

Lada phi la ïap noh lem bad U Khrist na kita ki jinghikai jong ka pyrthei, balei, la kumba im ha ka pyrthei, phi shah ïa lade ha ki niam ki rukom,

KOLOSSAI 2:3

ha uba la buhrieh ïa ki jingkynshew baroh jong ka jingstad bad ka jingtip.

KOLOSSAI 3:4

Ynda la paw U Khrist, uba ka jingim jong ngi, ynda kumta, phi ruh, phin paw lem bad u ha ka burom.

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

1 PETROS 3:4

hynrei, to ai ba kan long uta u briew ba la rieh jong ka dohnud, ha ka jingpynibha ka bymsep ka jong ka mynsiem bajemnud bad ba jar jar, kaba long ha khmat U Blei ka bakordor eh.

1 PETROS 4:2

khnang ba ha kiba dang sah na ki sngi ka rta jong phi ha ka doh, phin ym im shuh ha ki jingkwah brai ki briew, hynrei, ha ka mon U Blei.

1 ÏOANNIS 3:2

Ko hep ba-ieit, mynta ngi long ki khun U Blei, bad ym pat la pynpaw ïa kaei ba ngin sa long; hynrei, ngi tip ba, ynda la pynpaw ïa u, ngin long kiba kum ma u; naba ngin ïohi ïa u kumba u long hi.

JINGPYNPAW 2:17

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na kata ka manna ïa kaba la buhrieh noh, bad ngan ai ha u ïa u maw balieh, bad ha uta u maw ïa ka kyrteng bathymmai ïa kaba la thoh, ïa kaba uno uno ruh um ithuh, hynrei, tang uta uba pdiang ïa ka.’ ”