KOLOSSAI 2:9 - KA BAIBL

⁹ Naba ha u, kata ka jingdap baroh jong ka Jinglong Blei ka shong tylli.

Khasi CL Bible (BSI)

⁹ Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.

KOLOSSAI 2:9 ပူးပေါင်းရင်းမြစ်များ

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

MATHAÏOS 1:23

“Ha khmih, kata ka theisotti kan punkhun, kan kha ruh ïa u khun, bad kin ïakhot ïa ka kyrteng jong u, ‘U Emmanuel,’ ” kaba long, haba la batai, “U Blei lem bad ngi”.

LOUKAS 14:22

Uta u shakri te u la ong, ‘Ko Kynrad, la leh kumba me la hukum: hynrei, dang don jaka.’

LOUKAS 3:22

bad U Mynsiem Bakhuid u la hiar ha U ha ka dur met, kum ka paro, bad ka ktien ka la wan na bneng, kaba ong, “Me long U Khun jong nga uba ieit; ha me nga sngewbha eh.”

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:16

Bad na ka jingdap jong U, ngi baroh ngi la ïoh pdiang, bad ka jingaiei kaba da kat ka jingaiei.

ÏOANNIS 10:30

Ma nga bad uta U Kpa ngi ïalong shitylli.”

ÏOANNIS 10:38

hynrei, lada nga leh, la phim ïangeit satia ïa nga, to phin ïangeit te ïa kita ki jingleh: ba phin ïoh tip, bad ba phin ïoh ngeit, ba uta U Kpa u ha nga, bad nga ruh ha u.”

ÏOANNIS 14:20

Ha kata ka sngi; phi, phin ïoh tip ba nga long ha uta U Kpa jong nga, bad ma phi ha nga, bad ma nga ha phi.

ÏOANNIS 17:21

ba baroh kin ïalong shitylli; kum ma me, ko Kpa, ha nga, nga ruh ha me, ba ki ruh kin ïalong shitylli ha ngi; ba kata ka pyrthei kan ïoh ngeit ba la phah ma me ïa nga.

ÏOANNIS 2:21

U, hynrei, u kren shaphang ka templ ka met jong u.

KI KAM 17:29

“Te haba ngi long ki khun ki ksiew jong U Blei, ym dei ïa ngi ban mut ba Ka Jinglong Blei ka long syriem ïa ka ksiar lane ïa ka rupa lane ïa u maw, ba la pynlong dur da ka kam stad bad ka buit jong u briew.

2 KORINTH 5:19

kata ka long, ba U Blei u dang pynïasuk ïa ka pyrthei ha lade hi ha U Khrist, khlem da ñiew ha ki, ïa ki jingpalat jong ki; bad ba u la buhti ha ngi ïa ka ktien kane ka jingpynïasuk.

KOLOSSAI 1:19

Naba U Kpa u la sngewbha eh ba ka jingdap baroh kan shong tylli ha u;

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

TITOS 2:13

kiba ïakhmih ïa kata ka jingkyrmen basuk, bad ïa ka jingmihpaw ka burom jong U Blei Bakhraw bad U Jisu Khrist U Nongpynim jong ngi;

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

1 ÏOANNIS 5:7

Bad dei uta U Mynsiem uba phla, naba uta U Mynsiem u long ka jingshisha.