KOLOSSAI 2:8 - KA BAIBL

⁸ To sumar phi, ïoh ban don uno uno uba rong lute ïa phi da la ka jingstad pyrthei bad da ka jingshukor bathala, katba kum ka rukom pateng jong ki briew, katba kum ki jinghikai jong ka pyrthei, te ym katba kum U Khrist.

Khasi CL Bible (BSI)

⁸ Da khmih bha, te, ba uno uno un ym teh mraw ïa phi da ki buit shukor bymmyntoi jong ka jingstad ba kynja briew, kaba wan na ki jinghikai ba la ai pateng da ki briew bad na ki mynsiem kiba synshar ïa ka jingpynlong, bad ym na U Khrist.

KOLOSSAI 2:8 ပူးပေါင်းရင်းမြစ်များ

JINGRWAI SOLOMON 2:15

To ngin kem ïa ki myrsiang, ki khun myrsiang keiñ, kiba pynsniew ïa ki brisoh; namar ki brisoh jong ngi ki phuh syntiew.”

JEREMAÏAH 29:8

Naba kumne u ong U Trai ki paid, U Blei ki Israel: “Wat shah ïa ki nongïathuhlypa jong phi kiba hapdeng jong phi, bad ki nongkhan jong phi, ba kin shukor ïa phi, lymne wat sngap ïa ki jingphohsniew ïa kiba phi phohsniew.

MATHAÏOS 10:17

Hynrei, to ïasumar na ki briew, naba kin ïa-ai noh ïa phi ha ki jingbishar, bad kin ïasympat ïa phi ha ki synagog jong ki;

MATHAÏOS 16:6

U Jisu te u la ong ha ki, “To sumar, to kiar na u thiat ki Pharisi bad ki Saddusi.”

MATHAÏOS 7:15

“To sumar na ki nongïathuhlypa balamler, kiba ïawan ha phi ha ki jaiñkup snieh langbrot, hynrei, hapoh ki long ki suri bapynjot.

KI KAM 17:18

Bad la don ki riewstad na ki Epikuri bad na ki Stoik kiba la ïaleh nia bad u: te don kiba la ïa-ong, “Ine iba blab blab i mon ban ong aïu?” Hynrei, kiwei pat, “U i kumba u long u nongïalap ïa ki blei khyllah”; naba u la ïalap ïa U Jisu bad ïa ka jingmihpat.

KI KAM 17:32

Te haba ki la ïohsngew shaphang ka jingmihpat ki baïap, don kiba la beiñ; hynrei, kiwei pat ki la ong, “Ngin ïasngew ïa me pat shaphang kane.”

Ka Shithi U Paul Sha Ki Nong Rom 16:17

Ruh putet, nga kyrpad ïa phi, ko parabangeit, ban khmih thuh ïa kita kiba pynlong ïa kita ki jingïakhlad bad ïa kita ki jingjynthut, da kumwei pat ïa kata ka jinghikai ïa kaba phi la ïoh nang ma phi; bad to kiar noh na ki.

1 KORINTH 10:12

Naba kumta, uta uba mut ba u ïeng, to un sumar ïoh un kyllon.

1 KORINTH 8:9

Hynrei, to sumar biang phi, ïoh ba kumno kumno ruh kane ka jinglaitluid jong phi ka leit long ka jingjynthut ïa kita ki batlot.

2 KORINTH 10:5

da kaba pynkyllon noh keiñ ïa ki jingmut thala, bad ïa ka jingleh khraw baroh kaba kyntiew ïa lade ïa ka ban ïaleh ïa kata ka jingtip shaphang U Blei, bad da kaba pyndem ïa ka jingpyrkhat baroh ha ka jingkohnguh ïa U Khrist,

GALATIA 1:14

bad nga la nang stad nang stad ha ka niam ki Jiw nalor bun ki para baïaryngkat ka rta bad nga hapdeng ki para jaid jong nga, ba nga da long uba shitrhem shikatdei eh shaphang ki rukom pateng la pateng jong ki kpa tymmen jong nga.

GALATIA 4:3

Kumta, ma ngi ruh, mynba ngi la long ki khynnah, ngi la ju long mraw hapoh ki jinghikai ka pyrthei;

GALATIA 4:9

Hynrei, mynta, ba phi la ïoh ithuh ïa U Blei, hynrei, kham tam ba la ithuh ïa phi da U Blei keiñ, hato kumno ba phi phai dien pat sha ki jinghikai kiba tlot bad bymmyntoi, ha kiba phi ïakwah ban shong mraw pat sa shi sien?

GALATIA 5:15

Hynrei, lada phi ïadait bad phi ïabam duh paralok hi, to sumar phi ïoh ba phin ïabam duh noh khoit paralok hi.

EPHESOS 2:2

ha kiba phi la ju ïaid mynno mynno katba kum ka rukom jong kane ka pyrthei, katba kum u syiem ka jingsynshar ka suiñ, ka jong kata ka mynsiem keiñ kaba trei mynta ha ki khun ka jingbymkohnguh:

EPHESOS 4:20

Hynrei, phi, phim shym la nang kumta ïa U Khrist;

EPHESOS 5:6

Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

DEUTERONOMI 6:12

to da sumar te ba ïoh men klet noh ïa U Trai, uba la wallam noh ïa me na ka ri Ijipt, na kata ka ïing ka jinglongmraw.

PHILIPPI 3:2

To kiar noh na kita ki ksew, to kiar noh na kita ki nongleh basniew, to kiar noh na kata kaba otsher.

KOLOSSAI 2:18

To wat shah ïano ïano ruh ban knieh ïa ka jingïathong jong phi da ka jinglehrit bad kaba mane ïa ki angel katba mon, da kaba ïeng ha kita kiei kiei ruh ïa kiba u la ïohi, ba la pynmeng kai da kata ka jingmut ka doh jong u,

KOLOSSAI 2:20

Lada phi la ïap noh lem bad U Khrist na kita ki jinghikai jong ka pyrthei, balei, la kumba im ha ka pyrthei, phi shah ïa lade ha ki niam ki rukom,

KOLOSSAI 2:22

kiba kum kita, kin jot noh ha kaba pyndonkam), katba kum ki adong bad ki jinghikai ki briew?

KOLOSSAI 2:23

Kiba kum kita, ki don shisha ka jingthawnang stad ha kaba mane katba mon, bad ha ka jingsngewrit, bad ha kaba pynshitom ïa ka met; hynrei, kim long ei ei ha kaba ïaleh ïa ka jingpynsngewbha ka doh.

1 TIMOTHI 6:20

A Timothi, to sumar kyndong ïa kata kaba la aiti ha me, da kaba phai noh na kita ki ktien bieit bathala bad ki jingïaleh pyrshah jong kata ka jingtip ïa kaba la shu khot kumta;

2 TIMOTHI 3:13

Hynrei, ki briew basniew bad ki nongshukor kin nang sniew nang sniew, ki da shukor bad shah shukor.

HEBRU 13:9

Wat shah ban rong noh ïa phi da ki jinghikai bapher bad bakhyllah; namar ka long kaba myntoi ban pynskhem ïa ka dohnud da ka jingaiei, ym da ki jingbam, ha kiba kita kiba la ïaid ha ki kim shym myntoi.

HEBRU 3:12

To sumar, ko parabangeit, ïoh ba kumno re kumno kan don hano hano na phi ka dohnud basniew ka jingbymngeit, ha ka ban phai dien noh na U Blei ba-im.

1 PETROS 1:18

haba phi tip ba ym da kiei kiei ki basep, kum ka rupa lane ka ksiar, ba la siewspah ïa phi na kata ka jinglong jingim bathala jong phi ïa kaba la aiti pateng la pateng na ki kpa;

2 PETROS 3:17

Namar kata, ma phi, ko hep ba-ieit, haba phi tip lypa ïa kine kiei kiei ruh, to da sumar noh, ïoh ba haba la rong noh lem ïa phi bad kata ka jingïaid sakma jong kita ki bymman, phin da hap noh na la ka jong ka jingneh skhem hi.

2 ÏOANNIS 1:8

To phin ïasumar ïa lade hi, khnang ba phin ym duh noh ïa kita kiei kiei ruh ïa kiba ngi la lah leh minot, hynrei, ba phin pdiang ïa ka nong babiang.