KOLOSSAI 2:4 - KA BAIBL

⁴ Ïa kane nga ong keiñ, ba uno uno ruh un ym ïoh shukor ïa phi da ka jingkren pnah.

Khasi CL Bible (BSI)

⁴ Nga ong ha phi, te, wat ai ba uno uno un shukor ïa phi da ki jingïatainia kiba bakla, kam pher haduh katno ki i kumba ki long kiba bha.

KOLOSSAI 2:4 ပူးပေါင်းရင်းမြစ်များ

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

MATHAÏOS 24:4

Te U Jisu u la ïathuh bad u la ong ha ki, “To sumar ba uno uno ruh un ym shukor ïa phi.

MARKOS 13:22

naba ki Khrist lamler bad ki nongïathuhlypa lamler kin mih, bad kin pyni ki dak bad ki jingphylla ïa ka ban shukor noh, lada lah, wat ïa kiba la jied.

KI KAM 20:30

bad napdeng jong phi hi ruh, ki rangbah kin ïamih kiba ïalap ïa kiei kiei ruh kiba bakla, ïa ka ban ring pah ïa ki synran hadien jong ki.

1 KORINTH 2:4

Te kata ka jingkren jong nga bad kata ka jingïalap jong nga, kim shym long da ki ktien khroh ka jingstad, hynrei, da ka jingpyni U Mynsiem bad ka bor:

2 KORINTH 11:3

Hynrei, nga sheptieng ïoh ba kumno kumno ruh kumba uta u bseiñ u la shukor ïa ka Im da ka buit sian bymman jong u, ba kumta, yn pynpyut plak ïa ki jingmut jong phi na kata kaba shi syrtap mynsiem bad kata ka jingsngur kaba ha U Khrist.

GALATIA 2:4

Bad kata ruh, namar kita ki para kiba arsap ïa kiba la wallam sian hapoh, kiba la ïawan sian hapoh ïa ka ban syntiat ïa ka jinglaitluid jong ngi kaba ngi don ha U Khrist Jisu, khnang ba kin ïoh pynlong mraw ïa ngi:

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

EPHESOS 4:17

Ïa kane, namar kata, nga ong, bad nga phla ha U Trai, ba phin ym ïaid shuh kumba ïaid ki Jentil, ha ka jingthala ka jingmut jong ki,

EPHESOS 5:6

Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

KOLOSSAI 2:18

To wat shah ïano ïano ruh ban knieh ïa ka jingïathong jong phi da ka jinglehrit bad kaba mane ïa ki angel katba mon, da kaba ïeng ha kita kiei kiei ruh ïa kiba u la ïohi, ba la pynmeng kai da kata ka jingmut ka doh jong u,

KOLOSSAI 2:8

To sumar phi, ïoh ban don uno uno uba rong lute ïa phi da la ka jingstad pyrthei bad da ka jingshukor bathala, katba kum ka rukom pateng jong ki briew, katba kum ki jinghikai jong ka pyrthei, te ym katba kum U Khrist.

2 TIMOTHI 2:16

Hynrei, na kita ki ktien bieit bathala to kiar noh; namar kin ïanang kham ïaid sha ka jingbymriewblei.

2 TIMOTHI 3:13

Hynrei, ki briew basniew bad ki nongshukor kin nang sniew nang sniew, ki da shukor bad shah shukor.

1 ÏOANNIS 2:18

Ko khun hep, ka long ka por bakhatduh: bad kumba phi la ïohsngew ba uta uba ïaleh pyrshah ïa U Khrist u wan, wat mynta ruh la mih noh shibun kiba ïaleh pyrshah ïa U Khrist; nangta keiñ ngi tip ba ka long ka por bakhatduh.

1 ÏOANNIS 2:26

Ïa kine kiei kiei ruh nga la thoh ha phi shaphang kita kiba ïalam bakla ïa phi.

1 ÏOANNIS 4:1

Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.

2 ÏOANNIS 1:7

Naba shibun ki nongshukor ki la ïaleit mih sha ka pyrthei, ki bymïaphla ba U Jisu Khrist u wan ha ka doh. Une keiñ, u long uta u nongshukor bad u nongïaleh pyrshah ïa U Khrist.

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

JINGPYNPAW 13:8

Te kita baroh kiba shong halor ka khyndew kin ïamane dem ïa u, kiba ki kyrteng jong ki ym shym la thoh ha kata ka kitab ka jingim jong uta U Khun langbrot, ïa uba la pynïap la myndanglong ka pyrthei.

JINGPYNPAW 20:3

bad u la bred ïa u sha kata ka 'liewlong bakhlem trai, bad u la set ïa ka, bad u la shon shab ïa ka halor jong u, khnang ba un ym ïoh shukor shuh ïa ki kynja bynriew tad ynda la pyndep ïa kata ka shi hajar snem; te hadien kata keiñ ka dei ban pyllait noh ïa u shi por.

JINGPYNPAW 20:8

bad un leit mih noh ban shukor ïa kita ki kynja bynriew kiba ha kita ki sawdong ka pyrthei, ïa u Gog bad ïa u Magog, ban pynïaseng lang ïa ki sha kata ka thma; ka jingkheiñ jong kita ka long kum u shyiap ka duriaw.