KOLOSSAI 2:3 - KA BAIBL

³ ha uba la buhrieh ïa ki jingkynshew baroh jong ka jingstad bad ka jingtip.

Khasi CL Bible (BSI)

³ U long u shabi uba plie ïa baroh ki jingkynshew ba la buhrieh jong ka jingstad bad ka jingtip U Blei.

KOLOSSAI 2:3 ပူးပေါင်းရင်းမြစ်များ

1 SYIEM 3:28

Te ki Israel baroh ki la ïohsngew ïa kata ka jingbishar ïa kaba u syiem u la bishar; bad ki la sheptieng ïa u syiem: naba ki la ïohi ba ka jingstad U Blei ka la don ha u, ban leh ïa ka jingbishar.

Ka Kitab U Job 28:21

Naba la buhrieh ïa ka na ki khmat ki ba-im baroh, bad la ri khop ïa ka na ki sim bneng.

PROBERB 2:4

lada me wad ïa ka kum ïa ka rupa, bad wad bniah ïa ka kum ïa ki spah ba la buhrieh;

ISAÏAH 11:2

bad U Mynsiem jong U Trai un shong sah halor jong u, u mynsiem ka jingstad bad ka jingshemphang, u mynsiem ka jingsylla bad ka bor, u mynsiem jong ka jingtip bad ka jingsheptieng ïa U Trai;

ISAÏAH 40:14

Badno u la ïasylla, bad uei ba la pynshemphang ïa u, bad ba la hikai ïa u ha ka lynti ka jingbishar, bad ba la hikai jingnang ïa u, bad ba la pyni ha u ïa ka lynti ka jingstad?

MATHAÏOS 10:26

“Namar kata, to wat sheptieng ïa ki: naba ym don kaei kaei ruh ba la tap, ïa kaba yn ym pynpaw; bad ba la buhrieh, ïa ka ban ym pyntip.

LOUKAS 11:49

Namar kata ruh, ka jingstad jong U Blei ka la ong, ‘Ngan phah sha ki, ïa ki nongïathuhlypa bad ïa ki apostol; te ïa kiba na ki kin pynïap bad kin behbeiñ noh’;

Ka Shithi U Paul Sha Ki Nong Rom 11:33

A ka jingjylliew bah ka jingkynrei spah ka jingstad bad ka jingtip U Blei! A katno ba kita ki jingkut bishar jong u ki long ki bym lah ïit shuh, bad kita ki lynti jong u ki bym lah bud shuh!

1 KORINTH 1:24

hynrei, ha kita ïa kiba la khot, ki Jiw bad ki Grik ruh, ngi ïalap ïa U Khrist uba ka bor U Blei, bad ka jingstad U Blei.

1 KORINTH 1:30

Te da u hi, phi, phi long ha U Khrist Jisu, ïa uba da U Blei la pynlong ha ngi ka jingstad, bad ka hok, bad ka jingpynkhuid, bad ka jingsiewspah;

EPHESOS 1:8

ïa kaba u la pynroi kyrhai sha ngi ha ka jingstad bad ha ka jingshemphang baroh;

KOLOSSAI 1:19

Naba U Kpa u la sngewbha eh ba ka jingdap baroh kan shong tylli ha u;

KOLOSSAI 1:28

ïa uba ngi ïalap, da kaba sneng ïa u briew baroh bad da kaba hikai ïa u briew baroh ha ka jingstad baroh, ba ngin ïoh pynïeng ïa u briew baroh uba janai ha U Khrist Jisu;

KOLOSSAI 1:9

Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh,

KOLOSSAI 3:16

Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei.

KOLOSSAI 3:3

Namar phi la ïap noh, bad ïa ka jingim jong phi la buhrieh lem bad U Khrist ha U Blei.

2 PETROS 1:5

Te namar kane hi ka daw phi ruh da ka jingleh minot baroh, to phin pynlang ha kata ka jingngeit jong phi, ïa ka jingbha; te ha kata ka jingbha, ïa ka jingtip;

JINGPYNPAW 2:17

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na kata ka manna ïa kaba la buhrieh noh, bad ngan ai ha u ïa u maw balieh, bad ha uta u maw ïa ka kyrteng bathymmai ïa kaba la thoh, ïa kaba uno uno ruh um ithuh, hynrei, tang uta uba pdiang ïa ka.’ ”