KOLOSSAI 1:9 - KA BAIBL

⁹ Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh,

Khasi CL Bible (BSI)

⁹ Na kane ka daw, ngi ju duwai borabor na ka bynta jong phi, naduh ba ngi la ïohsngew shaphang jong phi. Ngi kyrpad ïa U Blei ban pyndap ïa phi da ka jingtip ïa ka mon jong u, da ka jingstad baroh bad ka jingshemphang ba U Mynsiem jong u, u ai.

KOLOSSAI 1:9 ပူးပေါင်းရင်းမြစ်များ

SALM 119:99

Ka kham khraw ka jingshemphang jong nga ban ïa ka jong ki nonghikai jong nga baroh; naba ki jingphla jong me ki long ka jingpyrkhat jong nga.

SALM 143:10

To hikai ïa nga ban leh ïa ka mon jong me; naba me long U Blei jong nga: U Mynsiem jong me u babha; to ïalam ïa nga ha ka ri ka jingleh beit.

ÏOANNIS 7:17

lada uno uno ruh u mon ïa ka ban leh ïa ka mon jong u, un ïoh shemphang shaphang kata ka jinghikai, lada ka long na U Blei, lane nga, nga kren na lade:

KI KAM 12:5

Namar kata, la pynsah ïa u Petros ha kata ka ïing byndi, hynrei, la pynlong ka jingduwai bashitrhem da ka balang ha U Blei na ka bynta jong u.

Ka Shithi U Paul Sha Ki Nong Rom 12:2

Bad to wat pynsyriem ryngkat ïa lade bad kane ka pyrthei; hynrei, to pynkylla dur noh ïa lade keiñ da ka jingpynthymmai ïa ka jingmut jong phi, khnang ba phin ïoh tip kaba kumno ka long ka mon ka jong U Blei, ka babha, bad kaba pynsngewbha eh, bad ka bajanai de.

1 KORINTH 1:5

naba ha kiei kiei baroh, la pynman kyrhai ïa phi ha u, ha ka jingnangkren baroh, bad ha ka jingtip baroh;

EPHESOS 1:8

ïa kaba u la pynroi kyrhai sha ngi ha ka jingstad bad ha ka jingshemphang baroh;

EPHESOS 5:10

da kaba tynjuh kaei kaba pynsngewbha ïa U Trai.

EPHESOS 5:17

Naba kumta, to wat long phi ki babieit, hynrei, ki bashemphang kaei ka mon U Trai.

EPHESOS 6:6

ym da kaba shakri ha khmat, kum ki nongpynsngewbha ïa ki briew; hynrei, kum ki shakri U Khrist, da kaba leh ïa ka mon U Blei naduh ka mynsiem;

PHILIPPI 1:4

ha la ka sngi ha ka jingkyrpad jong nga baroh na ka bynta jong phi baroh, da kaba pynlong ïa kata ka jingkyrpad jong nga bad ka jingkmen,

KOLOSSAI 1:6

kaba la wan sha phi, kumba ka long ruh ha ka pyrthei baroh, kaba sei soh bad kaba nang roi, kumba ha phi ruh, naduh kata ka sngi ba phi la ïohsngew bad phi la ithuh ïa ka jingaiei U Blei ha ka jingshisha;

KOLOSSAI 3:16

Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei.

KOLOSSAI 4:12

U Epaphras, uba long uwei na phi, u shakri U Khrist Jisu, u ai khublei ïa phi, u da ïaleh ha la ka sngi na ka bynta jong phi ha ki jingduwai jong u, ba phin ïoh ïeng janai bad ba la pynskhem bha ha ka mon U Blei baroh.

KOLOSSAI 4:5

To ïaid ha ka jingstad sha kita kiba long shabar, da kaba siewspah noh ïa ka por.

1 THESSALONI 1:3

da kaba kynmaw khlem da pud ïa ka jingleh ka jingngeit jong phi, bad ïa ka jingtrei minot ka jingieit, bad ïa ka jingïaishah ka jingkyrmen ha U Jisu Khrist uba U Trai jong ngi, ha khmat U Blei jong ngi bad U Kpa;

1 THESSALONI 5:17

To duwai khlem da pud.

2 THESSALONI 1:11

Khnang ïa kata, ngi duwai ruh ha la ka sngi na ka bynta jong phi, ba U Blei jong ngi un ñiew ïa phi, kiba bit ïa ka jingkhot jong u, bad ba un pyndep ïa ka jingsngewbha baroh jong ka jingbha bad ïa ka kam ka jingngeit, da ka bor bah;

PHILEMON 1:4

Nga ainguh ïa U Blei jong nga ha la ka sngi, da kaba kynmaw ïa me ha ki jingduwai jong nga,

PHILEMON 1:6

ba ka jingïasyllok ka jingngeit jong me kan ïoh long kaba don bor, ha ka jingtip ïa ka babha baroh kaba ha phi, sha U Khrist.

HEBRU 10:36

Namar phi donkam ïa ka jingïaishah, ba haba phi la ïoh leh ïa ka mon U Blei, phin ïoh pdiang ïa kata ka jingkular.

HEBRU 13:21

un pynjanai ïa phi ha ka jingleh babha baroh, ïa ka ban leh ïa ka mon jong u, da kaba trei ha phi ïa kata kaba pynsngewbha eh ha khmat jong u, da U Jisu Khrist; ha uba to long ka burom sha ki bymjukut ki bymjukut: Amen.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

1 PETROS 2:15

Naba kumta keiñ, ka long ka mon ka jong U Blei, ba da kaba ïai-leh babha phin pynsngap noh jar ïa kata ka jingbymtip jong ki briew babieit;

1 PETROS 4:2

khnang ba ha kiba dang sah na ki sngi ka rta jong phi ha ka doh, phin ym im shuh ha ki jingkwah brai ki briew, hynrei, ha ka mon U Blei.

1 ÏOANNIS 2:17

Bad kata ka pyrthei ka ïaid jah noh, bad kata ka jingkwah brai jong ka; hynrei, uta uba leh ïa ka mon U Blei u ïaisah bymjukut.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

1 SAMUEL 12:23

Ma nga ruh, ngan nai ba ngan leh pop pyrshah ïa U Trai da kaba wai noh ban duwai na ka bynta jong phi: hynrei, ngan hikai ha phi ïa kata ka lynti ka babha bad kaba dei.