KOLOSSAI 1:4 - KA BAIBL

⁴ haba ngi la ïohsngew shaphang ka jingngeit jong phi ha U Khrist Jisu, bad shaphang ka jingieit kaba phi don sha ki riewkhuid baroh,

Khasi CL Bible (BSI)

⁴ Naba ngi la ïohsngew ïa ka jingngeit jong phi ha U Khrist Jisu bad ïa ka jingieit jong phi ïa ki briew baroh ki jong U Blei.

KOLOSSAI 1:4 ပူးပေါင်းရင်းမြစ်များ

2 KORINTH 7:7

te ym tang da kata kaba poi ma u, hynrei, da kata ka jingpyntngen da kaba la pyntngen ïa u shaphang jong phi ruh, mynba u da ïathuh ha ngi ïa ka jingkwah hir hir jong phi, ïa ka jingïam sngewsih jong phi, ïa ka jingshitrhem jong phi na ka bynta jong nga, katba nga la kham kmen pynban.

GALATIA 3:26

Namar phi baroh phi long ki khun U Blei da ka jingngeit ha U Khrist Jisu.

GALATIA 3:28

Ym lah don u Jiw lymne u Grik, ym lah don u mraw lymne uba laitluid, ym lah don shynrang bad kynthei: namar phi baroh phi ïalong uwei ha U Khrist Jisu.

GALATIA 5:6

Namar ha U Khrist Jisu, ka jingotsher kam lah leh ei ei ruh, lymne ka jingbym-otsher, hynrei, ka jingngeit kaba trei da ka jingieit.

EPHESOS 1:15

Namar kane ka daw, ma nga ruh, haba la ïohsngew shaphang ka jingngeit ha U Jisu uba U Trai kaba don hapdeng jong phi, bad kata ka jingieit kaba phi pyni sha ki riewkhuid baroh,

EPHESOS 6:18

da kaba duwai ha la ka sngi da ka jingduwai bad ka jingkyrpad baroh ha U Mynsiem, bad da kaba sumar shaphang kane da ka jingminot bad ka jingkyrpad baroh na ka bynta ki riewkhuid baroh;

KOLOSSAI 1:9

Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh,

1 THESSALONI 1:3

da kaba kynmaw khlem da pud ïa ka jingleh ka jingngeit jong phi, bad ïa ka jingtrei minot ka jingieit, bad ïa ka jingïaishah ka jingkyrmen ha U Jisu Khrist uba U Trai jong ngi, ha khmat U Blei jong ngi bad U Kpa;

1 THESSALONI 3:6

Hynrei, mynta, ynda wan u Timothi sha ngi na phi, bad haba u la wallam ha ngi ïa ka khubor babha shaphang kata ka jingngeit bad ka jingieit jong phi, bad ba phi don ka jingkynmaw babha ïa ngi borabor da kaba kwah eh ban ïohi ïa ngi, kumba ma ngi ruh ïa phi;

2 THESSALONI 1:3

Ka dei ïa ngi ban ainguh ïa U Blei ha la ka sngi na ka bynta jong phi, ko parabangeit, kumba ka long kaba dei keiñ, naba ka jingngeit jong phi ka nang roi shikatdei, bad ka jingïa-ieit paralok jong phi uwei pa uwei baroh ka roi kyrhai;

PHILEMON 1:5

haba ïohsngew shaphang ka jingieit jong me, bad ïa ka jingngeit kaba me don sha U Jisu uba U Trai, bad sha ki riewkhuid baroh;

HEBRU 6:10

namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh.

1 ÏOANNIS 3:14

Ngi tip ba ngi la lait shiliang na ka jingïap sha ka jingim, naba ngi ieit ïa ki parabangeit. Jar u bymieit u dang sah ha kata ka jingïap.

1 ÏOANNIS 3:23

Te kane ka long ka hukum jong u, ba ngin ngeit ha ka kyrteng U Khun jong u, U Jisu Khrist, bad ba ngin ïa-ieit paralok hi, kumba u la ai ïa ka hukum ha ngi.

1 ÏOANNIS 4:16

Ma ngi te ngi ithuh bad ngi la ngeit ïa kata ka jingieit ïa kaba U Blei u don ïa ngi. U Blei u long ka jingieit; bad uta uba ïaisah ha kata ka jingieit u ïaisah ha U Blei, bad U Blei u ïaisah ha u.