JOSHUA 9:9 - KA BAIBL

⁹ Te ki la ong ha u, “Ki shakri jong me ki la wan na ka ri kaba jngai eh na ka bynta ka kyrteng U Trai uba U Blei jong me: namar ba ngi la ïohsngew ïa ka nam jong u, bad ïa baroh ba u la leh ha Ijipt,

Khasi CL Bible (BSI)

⁹ Nangta ki ïathuh ha u ïa kane ka khana: “Bah, ngi la wan na ka ri kaba jngai, namar ngi la ïohsngew shaphang U Trai U Blei jong phi. Ngi la ïohsngew ïa kaei kaei baroh kaba u la leh ha Ijipt

JOSHUA 9:9 ပူးပေါင်းရင်းမြစ်များ

1 SYIEM 8:41

“Shaphang u nongwei ruh, u bymdei na ki briew jong me ki Israel, haba u wan na ka ri kaba jngai na ka bynta ka kyrteng jong me;

NEHEMAÏAH 9:5

Te ki Lebi, u Jeshua, u Kadmiel, u Bani, u Hashabneïah, bad u Sherebiah, u Hodiah, u Shebaniah, bad u Pethahiah, ki la ong, “To ïeng joit bad kyrkhu ïa U Trai U Blei jong phi na ka bymjukut sha ka bymjukut: bad long ba la kyrkhu ïa ka kyrteng ba-donburom jong me, ïa kaba la kyntiew halor ka jingkyrkhu bad ka jingïaroh baroh.

SALM 148:13

to kin ïaroh ïa ka kyrteng U Trai: naba tang ïa ka kyrteng jong u ba la kyntiew; ka burom jong u, ka ha khlieh ïa ka khyndew bad ïa ka bneng.

SALM 72:19

bad to long ba la kyrkhu ïa ka kyrteng ba-donburom jong u junom; bad to ai ban pyndap ïa ka khyndew baroh da ka burom jong u. Amen, bad Amen.

SALM 78:12

U la leh ïa kiei kiei kiba khyllah ha khmat ki kpa jong ki, ha ri Ijipt, ha ka madan Soan.

SALM 83:18

khnang ba kin ïoh tip ba tang ma me hi, uba ka kyrteng jong me long U Jehobah, uba U Bahakhlieh Tam Eh halor ka khyndew baroh.

EKSODOS 15:14

Ki briew kin ïohsngew, bad kin ïasheptieng, ki jingkhuslai kin ngat ha ki nongshong ka ri Philistia.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

ISAÏAH 55:5

Ha khmih, men khot ka jaid bynriew ba mem ithuh, bad ka jaid bynriew ka bym shym la ithuh ïa me kan phet sha me, namar U Trai U Blei jong me, bad namar uta U Bakhuid jong ki Israel; naba u la pyndonburom ïa me.

ISAÏAH 66:19

Bad ngan buh ka dak hapdeng jong ki, te kat kiba ïohlait na ki ngan phah sha ki jaid bynriew, sha Tarshish, sha Pul bad sha Lud, kiba wiat ïa ka ryntieh, sha Tubal bad sha Jaban, sha ki 'dewlynnong kiba sha jngai, ki bym shym la ïohsngew ïa ka nam jong nga, lymne kim shym la ïohi ïa ka burom jong nga; te kin sa pynbna ïa ka burom jong nga hapdeng ki jaid bynriew.

JINGKHEIÑ 14:15

Te lada men pynïap noh ïa kine ki briew baroh kum ïa uwei u briew keiñ, te kumta, kita ki jaid bynriew kiba la bna ïa ka nam jong me, kin ïakren, kin da ong,

JINGKHEIÑ 20:14

Te u Moses u la phah ïa ki nongkit-ktien na Kadesh sha u syiem ka Edom, da kaba ong, “Kumne u ong u Israel u para jong me, ‘Me tip ïa ka jingjynjar baroh ïa kaba la jia ha ngi:

KI KAM 8:7

Namar ki mynsiem bymkhuid haba ki la pyrta da ka ktien bajam, ki la mih noh na shibun ha kiba ki la ju shong; shibun kiba la pang ïapshiliang, bad ki ba-dkoh, la pynkhiah.

DEUTERONOMI 20:11

Te lada kan phai ktien ïasuk ha me, bad kan plie lynti ruh ïa me, te kan long, ba ki briew baroh kat kiba shem ha ka kin ïalong kiba hap khajna ha me, bad kin ïashakri ruh ïa me.

DEUTERONOMI 20:15

Kumne men leh ha kita ki nongbah baroh kiba sha jngai eh na me, ki bymdei na ki nongbah jong kine ki jaid bynriew.

JOSHUA 9:10

bad baroh ba u la leh ïa ar ngut ki syiem ki Amor, kiba sha shiliang ka Jordan, ïa u Sihon u syiem ka Heshbon, bad ïa u Og u syiem ka Bashan, uba ju don ha Ashtaroth.

JOSHUA 9:16

Hynrei, hadien lai sngi ynda ki la ïateh jutang bad ki, ki la ïohsngew ba ki long ki paramarjan jong ki, bad ba ki shong hapdeng jong ki pynban.

JOSHUA 9:17

Bad ki khun Israel ki la ïaleit, bad ki la poi ha ki shnong jong ki ha ka sngi balai. Te ki shnong jong ki, ki la long ka Gibeon, bad Khephirah, bad ka Beeroth, bad ka Kiriath-jearim.

JOSHUA 9:24

Te ki la ïathuh ha u Joshua, bad ki la ong, “Namar ba la ïathuh shisha ha ki shakri jong me, kumno ba U Trai U Blei jong me u la hukum ïa u Moses u shakri jong u ban ai ha phi ïa ka ri baroh, bad ban pynduh baroh ïa ki trai-shnong jong kata ka ri na khmat jong phi; namar kata, ngi la sheptieng shibun ïa la ka jingim namar jong phi, bad ngi la leh ïa kane.