JOSHUA 9:3 - KA BAIBL

³ Te haba ki nong Gibeon ki la ïohsngew ïa kaba u Joshua u la leh ïa ka Jerikho bad ïa ka Ai,

Khasi CL Bible (BSI)

³ Hynrei ki paidbah jong ka Gibeon, kiba dei ki Hib, ki la ïohsngew ïa kaei kaba u Joshua u la leh ïa ka Jerikho bad ïa ka Ai,

JOSHUA 9:3 ပူးပေါင်းရင်းမြစ်များ

2 SAMUEL 2:12

Te u Abner u khun u Ner, bad ki shakri u Ishbosheth u khun u Saul, ki la ïamih noh na Mahanaim sha Gibeon.

1 KHRONIKL 12:4

bad u Ishmaïah u nong Gibeon, u briew u badonbor hapdeng ki laiphew ngut, bad u la long halor kita ki laiphew ngut; bad u Jeremaïah, bad u Jahasiel, bad u Johanan, bad u Josabad u nong Gederath;

2 KHRONIKL 1:3

Kumta, u Solomon, bad baroh u paidlang lem bad u, ki la ïaleit sha ka jaka bajrong kaba la don ha Gibeon; naba hangta ka la don Ka Ïingjaiñ Ka Jingïaseng ka jong U Blei, ïa kaba u Moses u shakri jong U Trai u la thaw ha ka ri khlaw.

JEREMAÏAH 28:1

Te ha kajuh ka snem, ha kaba sdang ka jingsynshar u Sedekaïah u syiem ka Judah, ha ka basaw snem, ha u bnai u basan, u Hananaïah u khun u Assur u nongïathuhlypa, uba na Gibeon, u la kren ha nga ha ka ïing U Trai, ha khmat ki lyngdoh bad u paidbah baroh, u da ong,

JOSHUA 10:1

Te haba u Adonisedek u syiem ka Jerusalem u la ïohsngew kumno u Joshua u la jop ïa ka Ai, bad ba u la pynduh khoit ïa ka; kumba u la leh ïa ka Jerikho bad ïa u syiem jong ka, kumta, u la leh ïa ka Ai bad ïa u syiem jong ka; bad kumno ki nong Gibeon ki la ïasuk bad ki Israel, bad ki la don hapdeng jong ki ruh;

JOSHUA 10:2

kumta, ki la sheptieng shibun eh, namar ka Gibeon ka la long ka nongbah ka bakhraw, kum kawei na ki nongbah shong syiem, bad namar ka la long kham khraw ban ïa ka Ai, bad ki rangbah jong ka baroh ruh kiba khlaiñ.

JOSHUA 10:28

Te ha kata ka sngi, u Joshua u la jop ïa ka Makkedah, bad u la pom ïa ka da ka syrti waitlam, bad ïa u syiem jong ka; u la pynduh khoit ïa ki bad ïa ki mynsiem baroh kiba ha ka, um shym pynsah shuh uwei ruh: bad u la leh ïa u syiem ka Makkedah kumba u la leh ïa u syiem ka Jerikho.

JOSHUA 10:30

U Trai u la ai noh ïa ka ruh, bad ïa u syiem jong ka, ha ka kti ki Israel; bad u la pom ïa ka da ka syrti waitlam, bad ki mynsiem baroh ruh kiba ha ka; um shym pynsah shuh uwei ruh; bad u la leh ïa u syiem jong ka kumba u la leh ïa u syiem ka Jerikho.

JOSHUA 11:19

Ym shym don kawei ka shnong ba la ïasuk bad ki khun Israel, tang ki Hib ki nong Gibeon: ki la jop ïa ki baroh ha ka thma.

JOSHUA 18:25

ka Gibeon, bad ka Ramah, bad ka Beeroth;

JOSHUA 21:17

Bad na ka jaid u Benjamin, ïa ka Gibeon bad ki rudnong jong ka, ka Geba bad ki rudnong jong ka;

JOSHUA 9:17

Bad ki khun Israel ki la ïaleit, bad ki la poi ha ki shnong jong ki ha ka sngi balai. Te ki shnong jong ki, ki la long ka Gibeon, bad Khephirah, bad ka Beeroth, bad ka Kiriath-jearim.

JOSHUA 9:22

Bad u Joshua u la khot ïa ki, bad u la kren ha ki, u da ong, “Balei phi la shukor ïa ngi, phi da ong, ‘Ngi long kiba jngai eh na phi,’ haba phi shong hapdeng jong ngi pynban?

JOSHUA 9:4

ki ruh ki la leh sianti, bad ki la leit bad ki la leh mynleh kum ki nonglam-ktien, ki la buh ruh ïa ki byrni rim halor ki kadda jong ki, bad ki lywa snieh Waiñ ki barim ba la pdang bad ba la teh;