JOSHUA 9:27 - KA BAIBL

²⁷ bad u Joshua u la pynlong ïa ki ha kata ka sngi, ki nongthoh dieng bad ki nongtong um ïa u paidbah, bad ïa ka duwan U Trai, haduh kane ka sngi, ha kata ka jaka kaba un jied.

Khasi CL Bible (BSI)

²⁷ Hynrei ha kajuh ka por u la pynlong mraw ïa ki ban thoh dieng bad kit um ïa ki paid Israel bad ïa ka duwan U Trai. Haduh kane ka sngi ki la ïai bteng ïa kane ka kam ha ka jaka kaba u Trai u la jied ban mane ïa u.

JOSHUA 9:27 ပူးပေါင်းရင်းမြစ်များ

2 KHRONIKL 2:16

te ngin khet dieng na Lebanon katba men donkam: bad ngin wallam ïa ka sha me da kaba pynkie ha ka duriaw shaduh Joppa; me ruh men sa kit ïa ka sha Jerusalem.”

JINGKHEIÑ 31:28

bad men shim khrong ïa U Trai na kita ki nongïapom kiba la leit ha kata ka thma: ïa kawei ka mynsiem napdeng sanspah, kata, na kita ki briew, bad na kita ki masi dab, bad na kita ki kadda, bad na kita ki langbrot:

JINGKHEIÑ 31:30

Bad na kaba shiteng jong ki khun Israel, phin shim shi bynta na kiba sanphew, na kita ki briew, bad na kita ki masi dab, bad na kita ki kadda, bad na kita ki blang, bad na ki jaid baroh ki jingri, bad phin ai ïa ki ha ki Lebi kiba ap khmih ïa ka jingsumar Ka Tabernakl jong U Trai.”

JINGKHEIÑ 31:47

wat na kata ka shiteng keiñ ka jong ki khun Israel, u Moses u la shim shi bynta na kaba sanphew, kata, na kita ki briew, bad na kita ki jingri, bad u la aiti ïa ki ha ki Lebi, kiba la khmih ïa ka jingsumar Ka Tabernakl U Trai; kumba u la lah hukum U Trai ïa u Moses.

DEUTERONOMI 12:11

ynda kumta, kan long ka jaka ïa kaba U Trai uba U Blei jong phi un jied ïa ka ban pynshong ïa la ka kyrteng hangta, shata keiñ, phin wallam ïa baroh ba nga hukum ïa phi: ïa ki jingainguh thang jong phi, bad ïa ki jingkñia jong phi, ïa kiba shiphew jong phi, bad ïa ka jingainguh kyntiew jong ka kti jong phi, bad ïa ki jingkular skhem ba jied bha baroh jong phi ïa kiba phi kular ha U Trai:

DEUTERONOMI 12:14

hynrei, tang ha kata ka jaka ïa kaba U Trai un sa jied ha kawei na ki jaid jong me, hangta keiñ, men kñia ainguh ïa la ki jingkñia ainguh thang, bad hangta ruh, men leh ïa kita baroh ba nga hukum ïa me.

DEUTERONOMI 12:5

Hynrei, phin ïawad ïa kata ka jaka, ha kaba U Trai uba U Blei jong phi un jied na ki jaid jong phi baroh, ïa ka ban buh ïa la ka kyrteng hangta, ïa ka jaka shongneh jong u keiñ, bad hangta, phin wan ruh:

JOSHUA 9:21

Bad ki rangbah ki la ong ha ki, “Ai ba kin im:” kumta, ki long ki nongthoh dieng bad ki nongtong um ïa u paidbah baroh; kumba ki rangbah ki la kren ha ki.

JOSHUA 9:26

Kumta ruh, u la leh ïa ki, bad u la pyllait ïa ki na ka kti ki khun Israel, ba kim shym la pynïap ïa ki,