JOSHUA 9:24 - KA BAIBL

²⁴ Te ki la ïathuh ha u Joshua, bad ki la ong, “Namar ba la ïathuh shisha ha ki shakri jong me, kumno ba U Trai U Blei jong me u la hukum ïa u Moses u shakri jong u ban ai ha phi ïa ka ri baroh, bad ban pynduh baroh ïa ki trai-shnong jong kata ka ri na khmat jong phi; namar kata, ngi la sheptieng shibun ïa la ka jingim namar jong phi, bad ngi la leh ïa kane.

Khasi CL Bible (BSI)

²⁴ Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.

JOSHUA 9:24 ပူးပေါင်းရင်းမြစ်များ

Ka Kitab U Job 2:4

U Soitan te u la ïathuh ha U Trai, bad u la ong, “Ka snieh namar ka snieh, bad kiei kiei baroh ba u briew u don un ai keiñ na ka bynta la ka jingim.

MATHAÏOS 10:28

To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

JOSHUA 10:2

kumta, ki la sheptieng shibun eh, namar ka Gibeon ka la long ka nongbah ka bakhraw, kum kawei na ki nongbah shong syiem, bad namar ka la long kham khraw ban ïa ka Ai, bad ki rangbah jong ka baroh ruh kiba khlaiñ.

JOSHUA 2:11

Te katba ngi la ïohsngew ïa kata, ki dohnud jong ngi ki la um, lymne ha uno uno ruh ym sah mynsiem shuh ïa phi: naba U Trai U Blei jong phi u long U Blei ha bneng sha jrong, bad ha ka khyndew shapoh.

JOSHUA 2:9

ka la ong ruh ha kita ki briew, “Nga tip ba U Trai u la ai ha phi ïa kane ka ri, bad ba ka jingsheptieng ïa phi ka la hap halor jong ngi, bad baroh ki trai-shnong kane ka ri kim don mynsiem shuh ïa phi.

JOSHUA 6:21

Bad ki la pynjot thiaw ïa baroh ba la don ha kata ka shnong, shynrang bad kynthei, khynnah bad tymmen, bad masi dab, bad langbrot, bad kadda, da ka syrti waitlam.

JOSHUA 9:9

Te ki la ong ha u, “Ki shakri jong me ki la wan na ka ri kaba jngai eh na ka bynta ka kyrteng U Trai uba U Blei jong me: namar ba ngi la ïohsngew ïa ka nam jong u, bad ïa baroh ba u la leh ha Ijipt,