JOSHUA 8:35 - KA BAIBL

³⁵ Ym shym don kawei ka ktien na kaba u Moses u la hukum baroh, ïa kaba u Joshua um shym la pule ha u paidbah ki Israel, lem bad ki kynthei, bad ki khynnah, bad u nongwei uba ïaid hapdeng jong ki.

Khasi CL Bible (BSI)

³⁵ U Joshua u pule ïa kawei pa kawei na ki hukum u Moses ha kata ka jingïalang, ha kaba la kynthup ïa ki kynthei bad ki khynnah, lem bad ki nongwei kiba shong basah hapdeng jong ki.

JOSHUA 8:35 ပူးပေါင်းရင်းမြစ်များ

ESRA 10:1

Te katba u Esra u duwai, bad u phla, da kaba ïam bad pyndem ngon ïa lade ha khmat ka ïing U Blei, la ïalum lang ha u na ki Israel u paidlang bakhraw eh ki shynrang bad ki kynthei bad ki khynnah: namar u paidlang u la ïam shikatdei eh.

NEHEMAÏAH 8:2

Bad u Esra lyngdoh u la wallam ïa Ka Hukum ha khmat u paidlang, shynrang bad kynthei, bad baroh kat kiba lah ban sngap da kaba shemphang, ha ka sngi nyngkong u 'nai bahynñiew.

NEHEMAÏAH 8:3

Bad u la pule na kata, ha khmat ka madan kaba la don ha khmat Ka Khyrdop Um naduh dang shai haduh shiteng sngi, ha khmat ki shynrang bad ki kynthei, bad kita kiba lah ban shemphang; bad ki shkor u paidbah baroh ki la shah ha Ka Kitab Ka Hukum.

EKSODOS 12:38

Bad bun ki paidbah bakhleh ruh ki la ïaleit kiew lem bad ki: ki langbrot ruh, bad ki masi, ki jingri shibun eh keiñ.

JEREMAÏAH 26:2

“Kumne u ong U Trai: ‘To ïeng ha ka phyllaw ka ïing U Trai, bad to kren ha ki shnong Judah baroh, kiba wan mane ha ka ïing U Trai, ïa ki ktien baroh kiba nga la hukum ïa me ban kren ha ki; wat tyngkai wat kawei ka ktien.’

JOEL 2:16

to lum ïa u paidlang, to pynkyntang ïa ka jingïaseng, lum lang ïa ki tymmen, to lum ïa ki khynnah, bad ïa kita kiba dang buiñ: ai ba u nongleit-kurim un mih noh na la ka kamra, bad ka nongleit-kurim na la ka pulit.

SEKHARAÏAH 8:23

Kumne u ong U Trai ki paid: “Ha kito ki sngi, kan jia ba shiphew ngut ki briew na ki ktien baroh ki jaid bynriew, kin ïabat, kin ïabat keiñ na ka rmiang ka jaiñ jong uta uba long u Jiw, ki da ong, ‘Ngin ïaleit ryngkat bad phi, naba ngi la ïohsngew ba U Blei u don lem bad phi.’ ”

MARKOS 10:14

Hynrei, haba U Jisu u la ïohi ïa kata, u la sngewsih eh, bad u la ong ha ki, “To shah ïa ki khunlung ban wan ha nga, to wat khang ruh ïa ki: naba ïa kiba kum kita, long ka hima U Blei.

KI KAM 20:27

Namar ngam shym la pep ban ïathuh ha phi ïa ka mon ka jong U Blei baroh.

KI KAM 21:5

Hynrei, haba ngi la lah pyndep noh ïa kita ki sngi, ngi la ïamih noh bad ngi la nang leit la ka lynti; te ki baroh lem bad ki tnga bad ki khun, ki la ïaleit on lynti ïa ngi haduh bar shnong; te ynda ngi la ïadem la ki khohsiew harud duriaw ngi la ïaduwai.

DEUTERONOMI 29:10

“Phi baroh phi ïaïeng ha kane ka sngi ha khmat U Trai uba U Blei jong phi: ki rangbah ki jaid jong phi, ki tymmen basan jong phi, bad ki myntri jong phi, u paidbah Israel baroh keiñ,

DEUTERONOMI 29:11

ki khynnah jong phi, ki tnga jong phi, bad u nongwei jong me uba ha ka dara jong me, naduh u nongthoh dieng haduh u nongtong um jong me;

DEUTERONOMI 29:9

To sumar, namar kata, ïa ki ktien jong kane ka jutang, to leh ruh ïa ki, ba phin roi ha kiei kiei baroh ba phi leh.

DEUTERONOMI 31:12

To ïalum lang ïa u paidbah, ïa ki rangbah, bad ïa ki kynthei, bad ïa ki khynnah, bad ïa u nongwei uba hapoh ki khyrdop jong me, ba kin ïohsngew, bad ba kin ïoh nang, bad ba kin sheptieng ïa U Trai uba U Blei jong phi, bad ba kin sumar ban leh ïa ki ktien jong kane ka hukum baroh;

DEUTERONOMI 4:2

Phin ym pyntam ei ei ruh ha kata ka ktien ïa kaba nga hukum ïa phi, lymne pynduna na ka, ba phin ïoh sumar ïa ki hukum U Trai uba U Blei jong phi, ïa kiba nga hukum ha phi.