JOSHUA 8:33 - KA BAIBL

³³ Ki Israel baroh, bad ki tymmen basan jong ki, ki rangbah synshar jong ki bad ki nongbishar jong ki ruh, ki la ïeng baroh ar liang ïa ka synduk ha khmat ki lyngdoh ki Lebi, kiba bah ïa kata ka synduk ka jutang U Trai, u nongwei ruh kumjuh kum u trai-shnong; shiteng na ki, ki ha ka liang u lum Gerisim, bad shiteng ha ka liang u lum Ebal; kumba u Moses u shakri U Trai u la hukum, ba kin kyrkhu shuwa eh ïa u paidbah Israel.

Khasi CL Bible (BSI)

³³ Ki Israel lem bad ki nongïalam jong ki, ki rangbah pynïaidkam, bad ki nongbishar ryngkat lem bad ki nongwei kiba hapdeng jong ki, ki la ïeng ha baroh arliang jong ka Synduk ka Jutang U Trai, da kaba phai pyrshah ïa ki lyngdoh Lebi kiba bah ïa ka. Shiteng na u paidbah ki ïeng ha kaba ka lyngkdong jong ki ka phai sha u Lum Gerisim bad shiteng kiwei pat, ki lyngkdong jong ki, ki phai sha u Lum Ebal. U Moses u shakri U Trai u la hukum ïa ki ban leh ïa kane ynda poi ka por ïa ki ban ïohpdiang ïa ka jingkyrkhu.

JOSHUA 8:33 ပူးပေါင်းရင်းမြစ်များ

EKSODOS 12:49

Tang kawei ka hukum kan long ïa uba la kha ha la ka ri hi, bad ïa u nongwei uba wanhap hapdeng jong phi.”

LEBITIKOS 24:22

Phin ïoh tang kawei ka jingbishar ïa u nongwei, kumjuh kumba ïa u parakher paramer jong phi: naba Nga long U Trai U Blei jong phi.’ ”

JINGKHEIÑ 15:15

Tang kawei ka rukom kan long ha phi, kiba dei ha uta u paidlang, bad ha uta u nongwei ruh uba shong basa lem bad phi, ka rukom keiñ kaba ha la ka rta ha ki jingkha pateng jong phi: kumba long ma phi, kumta un long uta u nongwei ha khmat U Trai.

JINGKHEIÑ 15:16

Kawei ka hukum, bad kawei ka rukom ruh kan long ha phi, bad ha u nongwei uba shong basa lem bad phi.”

JINGKHEIÑ 15:29

Ïa uta uba la kha na ki khun Israel, bad ïa u nongwei uba shong basa hapdeng jong ki, phin ïoh tang kawei ka rukom ïa uta uba la leh pop da ka bymtip.

ÏOANNIS 4:20

ki kpa jong ngi ki la ïamane Blei halor une hi u lum; phi te phi ong, ba ha Jerusalem ka long kata ka jaka ha kaba dei ban mane Blei.”

DEUTERONOMI 11:29

Kan jia te, ynda U Trai U Blei jong me u la wallam ïa me ha kata ka ri sha kaba me leit ban ïoh ïa ka, ba men buh ïa kata ka jingkyrkhu ha u lum Gerisim, bad ïa kata ka jingtim ha u lum Ebal.

DEUTERONOMI 31:12

To ïalum lang ïa u paidbah, ïa ki rangbah, bad ïa ki kynthei, bad ïa ki khynnah, bad ïa u nongwei uba hapoh ki khyrdop jong me, ba kin ïohsngew, bad ba kin ïoh nang, bad ba kin sheptieng ïa U Trai uba U Blei jong phi, bad ba kin sumar ban leh ïa ki ktien jong kane ka hukum baroh;

DEUTERONOMI 31:25

ba u Moses u la hukum ïa ki Lebi, kiba ïabah ïa ka synduk ka jutang U Trai, u da ong,

DEUTERONOMI 31:9

Te u Moses u la thoh ïa kane ka hukum, bad u la aiti ïa ka ha ki lyngdoh ki khun u Lebi keiñ, kiba ju ïabah ïa ka synduk ka jutang jong U Trai, bad ha ki tymmen basan jong ki Israel baroh.

JOSHUA 23:2

bad u Joshua u la phah khot ïa ki Israel baroh, ïa ki tymmen basan keiñ jong ki bad ïa ki rangbah jong ki, bad ïa ki nongbishar jong ki bad ïa ki nongkam jong ki, bad u la ong ha ki, “Nga la tymmen bad nga la hiar arsut ka rta:

JOSHUA 24:1

Bad u Joshua u la ïalum ïa ki jaid Israel baroh ha Shekhem, bad u la phah khot ïa ki tymmen basan ki Israel, bad ïa ki rangbah jong ki, bad ïa ki nongbishar jong ki, bad ïa ki nongkam jong ki; bad ki la ïeng ha khmat U Blei.

JOSHUA 3:14

Te haba ki paidbah ki la ïamih na la ki ïingjaiñ, ban leit sha shiliang ka Jordan, bad ki lyngdoh kiba bah ïa ka synduk ka jutang ki ha shuwa u paidbah;

JOSHUA 3:3

bad ki la hukum ïa u paidbah, ki da ong, “Haba phi ïohi ïa ka synduk ka jutang U Trai U Blei jong phi, bad ba ki lyngdoh ki Lebi ki da bah ïa ka, ynda kumta, phin ïeng na ka jaka jong phi, bad phin leit hadien jong ka.

JOSHUA 3:6

U Joshua u la kren ruh ha ki lyngdoh, u da ong, “To ïarah ïa ka synduk ka jutang, bad leit sha shiliang ha shuwa u paidbah.” Te ki la ïarah ïa ka synduk ka jutang, bad ki la leit ha shuwa u paidbah.

JOSHUA 4:10

Te kita ki lyngdoh kiba bah ïa kata ka synduk ki la ïeng hapdeng ka Jordan, ha ban da la pyndep ïa baroh ba la hukum U Trai ha u Joshua ban kren ha u paidbah, katba kum ïa baroh ba la hukum u Moses ha u Joshua: te uta u paidbah u la kyrkieh bad u la leit sha shiliang.

JOSHUA 4:18

Te haba kita ki lyngdoh kiba bah ïa kata ka synduk ka jutang U Trai ki la kiew noh napdeng ka Jordan, bad ba ki sla'jat kita ki lyngdoh ki la kiew sha ryngkew, ki um ka Jordan ki la phai pat sha la ka jaka, bad ki la shlei ïa la ki rud baroh, kumba mynshuwa.

JOSHUA 6:6

Te u Joshua u khun u Nun u la khot ïa kita ki lyngdoh, bad u la ong ha ki, “To rah ïa ka synduk ka jutang, to ai ruh ba hynñiew ngut ki lyngdoh kin rah ïa ki hynñiew tylli ki turoi jubili ha shuwa ka synduk U Trai.”