JOSHUA 8:31 - KA BAIBL

³¹ kumba u Moses u shakri U Trai u la hukum ïa ki khun Israel, kumba la thoh ha Ka Kitab Ka Hukum u Moses, “ka duwan maw tylli, halor jong ki ym shym pyndei nar mano mano ruh:” bad ki la ainguh halor jong ka da ki jingainguh thang ha U Trai, ki la kñia ruh ki jingainguh pynïasuk.

Khasi CL Bible (BSI)

³¹ U la tei ïa ka kat kum ki jingbthah ba u Moses, u shakri jong U Trai u la ai ha ki Israel, kumba la thoh ha ka Hukum u Moses: “Ka duwan ba la tei da ki maw ki bym shym la shtah da ki tiar nar.” Halor jong ka ki la thang ïa ki jingkñia ha U Trai, bad ki la ainguh ruh ïa ki jingainguh ïasyllok.

JOSHUA 8:31 ပူးပေါင်းရင်းမြစ်များ

2 SYIEM 14:6

Hynrei, um shym la pynïap ïa ki khun kita ki nongpynïap: katba kum kata ba la thoh ha Ka Kitab Ka Hukum u Moses, kumba U Trai u la hukum, u da ong, “Ïa ki kpa yn ym pynïap na ka bynta ki khun, lymne ïa ki khun yn ym pynïap na ka bynta ki kpa; hynrei, u briew baroh un ïap namar la ka jong hi ka pop.”

2 SYIEM 22:8

Te u Hilkiah u rangbah lyngdoh u la ong ha u Shaphan u nongthoh, “Nga la shem ïa Ka Kitab Ka Hukum ha ka ïing U Trai.” Bad u Hilkiah u la aiti ïa kata Ka Kitab ha u Shaphan, u te u la pule ïa ka.

2 KHRONIKL 25:4

Hynrei, ïa ki khun jong ki um shym la pynïap, hynrei, u la leh kat kumba la thoh ha Ka Hukum ha Ka Kitab u Moses, kumba U Trai u la hukum, u da ong, “Ki kpa kin ym ïap na ka bynta ki khun, lymne ki khun kin ym ïap na ka bynta ki kpa; hynrei, u briew baroh un ïap na ka bynta la ka jong hi ka pop.”

2 KHRONIKL 35:12

Bad ki la pynkynriah ïa ki jingainguh thang, ba kin ïoh ai noh ïa ki, katba kum ki bynta ki ïing ki kpa ki khun u paidbah, ban ainguh ha U Trai, kumba la thoh ha Ka Kitab u Moses. Bad kumba ki la leh bad kita ki masi dab.

ESRA 6:18

Bad ki la buh ïa ki lyngdoh ha la ki bynta bynta, bad ïa ki Lebi ha la ki jingkylliang sngi, ïa ka kam U Blei kaba ha Jerusalem; kumba la thoh ha Ka Kitab u Moses.

NEHEMAÏAH 13:1

Ha kata ka sngi, ki la pule ha Ka Kitab u Moses ha kaba ïohsngew u paidbah; bad la shem ba la thoh ha ka, ba ym bit ïa u nong Ammon bad u nong Moab ban rung hapoh ka jingïaseng U Blei lano lano ruh;

EKSODOS 18:12

Te u Jethro, u kthaw kurim u Moses, u la shim ïa ka jingainguh thang bad ïa ki jingkñia ainguh ïa U Blei: bad u Aaron u la wan lem bad ki tymmen basan ki Israel baroh, ïa ka ban bam kpu lem bad u kthaw kurim u Moses ha khmat U Blei.

EKSODOS 24:5

Te u la phah ïa ki samla na ki khun Israel, kiba la kñia ïa ki jingainguh thang, bad ki la kñia da ki masi lyngraw ïa ka jingkñia bapynïasuk ha U Trai.

MATHAÏOS 12:26

Lada u Soitan ruh u shop noh ïa u Soitan, u ïaleh hi ïa lade; kumta, kan neh kumno ka hima jong u?

DEUTERONOMI 27:2

Bad kan jia ha kata ka sngi haba phi ïaid sha shiliang ka Jordan, sha kata ka ri ïa kaba U Trai uba U Blei jong me u ai ha me, ba men pynïeng ha me ïa ki maw kiba khraw, bad men ñiad astor ïa ki da ka astor:

DEUTERONOMI 27:8

Bad men thoh shai bha halor kine ki maw, ïa ki ktien jong kane ka hukum baroh.”

JOSHUA 1:8

Wat ai ba kane Ka Kitab Ka Hukum kan jah noh na ka shyntur jong me, hynrei, men ïaipyrkhat ïa ka, synñia sngi, khnang ba men ïoh sumar ban leh katba kum ïa baroh ba la thoh ha ka: naba kumta, men roi ha la ka lynti, bad kumta, men man bha.