JOSHUA 8:29 - KA BAIBL

²⁹ Bad ïa u syiem ka Ai u la phasi halor u dieng haduh ban da la janmiet: te ynda la sep ka sngi, u Joshua u la hukum ba kin pynhiar ïa ka metïap jong u na uta u dieng, bad ban bred ïa ka ha khmat ka khyrdop jong kata ka shnong, bad ban kynton ka kynton maw ka bakhraw halor jong ka, haduh kane ka sngi.

Khasi CL Bible (BSI)

²⁹ U la phasi ïa u syiem jong ka Ai ha uwei u dieng bad u ieh ïa ka met jong u hangta haduh janmiet. Ha ka por sep sngi u Joshua u ai hukum ban weng noh ïa kata ka metïap, bad la bret ïa ka ha ka jaka rung sha ka khyrdop ka nongbah. Ki la tap ïa ka da ka kynton maw kaba heh, kaba dang sah hangta mynta.

JOSHUA 8:29 ပူးပေါင်းရင်းမြစ်များ

2 SAMUEL 18:17

Te ki la shim ïa u Absalom bad ki la bred ïa u sha ka thliew kaba khraw ha kata ka khlaw, bad halor jong u ki la buh maw shikynton kaba khraw eh: ki Israel baroh te ki la phet ïap uwei uwei sha la ka ïingjaiñ.

ESTHER 7:10

Kumta, ki la phasi ïa u Haman ha kata ka dieng phasi kaba u la khreh ïa u Mordekai. Kumta, la pynjem ïa ka jingbitar u syiem.

SALM 107:40

U theh ïa ka jingibeiñ halor ki bakhraw batri, bad u pynsakma ïa ki ha ka jaka kynjah, ha ka bymdon lynti.

SALM 110:5

U Trai ha ka kti kamon jong me un sum ïa ki syiem ha ka sngi ka jingbitar jong u.

ÏOANNIS 19:31

Kita ki Jiw, namar kata, ïoh ba kita ki met kin sah halor ka diengphna ha ka sngi Sabbaton, naba ka la long ka sngi pynkhreh (namar kata ka Sabbaton ka la long ka sngi ka bakhraw), ki la ïakyrpad ïa u Pilat ba yn ïoh pynkheiñ ïa ki kjat jong ki, bad ba yn ïoh rah noh ïa ki.

KI KAM 12:23

Te kumne kumne u angel U Trai u la shoh ïa u, namar um shym la ai ka burom ha U Blei; te la bam ka ksaiñ ïa u, bad u la dkut mynsiem noh.

JOSHUA 10:30

U Trai u la ai noh ïa ka ruh, bad ïa u syiem jong ka, ha ka kti ki Israel; bad u la pom ïa ka da ka syrti waitlam, bad ki mynsiem baroh ruh kiba ha ka; um shym pynsah shuh uwei ruh; bad u la leh ïa u syiem jong ka kumba u la leh ïa u syiem ka Jerikho.

JOSHUA 10:33

Ynda kumta, u Horam u syiem ka Geser u la wan kiew ban ïarap ïa ka Lakhish; bad u Joshua u la pom ïa u bad ïa ki briew jong u, haduh ba um shym pynsah shuh uwei ruh.

JOSHUA 12:9

u syiem ka Jerikho, uwei; u syiem ka Ai, kaba hajan Bethel, uwei;

JOSHUA 7:26

Ki la kynton ruh halor jong u ka kynton maw ka bakhraw, haduh kane ka sngi; kumta U Trai u la phai noh na kaba shit lep ka jingbitar jong u. Namar kata, la kyrteng ïa kata ka jaka, “ka Them Akhor,” haduh kane ka sngi.

JOSHUA 8:23

Ïa u syiem ka Ai ruh la kem im, bad ki la wallam ïa u ha u Joshua.