JOSHUA 8:28 - KA BAIBL

²⁸ Kumta, u Joshua u la thang ïa ka Ai, bad u la pynlong lymbher taid ïa ka junom, ka jaka kynjah keiñ, haduh mynta.

Khasi CL Bible (BSI)

²⁸ U Joshua u la thang ïa ka Ai bad u iehnoh ïa ka ha ka jingjot. Ka dang sah kumta mynta.

JOSHUA 8:28 ပူးပေါင်းရင်းမြစ်များ

2 SYIEM 19:25

“Mem shym ïohsngew kumno nga la leh ïa ka la mynslem eh, bad nga la pynlong ïa ka naduh mynbarim? mynta te nga la pynjia ïa ka, ba men long khnang ïa ka ban pynduh ïa ki shnong ba la ker kut kum ki kynton bajot.

ISAÏAH 17:1

Ka jingkit ka Damaskos. “Ha khmih, ïa ka Damaskos la pynkylla noh, na ka ban long ka nongbah, te kan sa long lymbher tait.

ISAÏAH 25:2

Namar me la pynlong lymbher ïa ka nongbah; ïa ka shnong ba la ker ka jingjot: ka ïingpaki ki nongwei ban ym long nongbah; yn ym tei shuh ïa ka.

JEREMAÏAH 49:2

Namar kata, ha khmih, ki sngi kin wan,” ong U Trai, “ba ngan pynsngew ïa ka jingmaham ka thma pyrshah ïa ka Rabbah ki khun u Ammon; te yn pynkylla ka lymbher bakynjah ïa ka, bad ïa ki khun kynthei jong ka yn thang da ka ding: ynda kumta, u Israel un ïoh ïa kita kiba la ïoh ïa u,” ong U Trai.

JEREMAÏAH 50:26

Ale ban ïaleh ïa ka na ki pud bakut eh, to plie ïa ki ïing jingkynshew jong ka: to kynton ïa ka kum ki lymbher, bad to pynjot noh khoit ïa ka: wat pynsah ei ei na ka.

JEREMAÏAH 9:11

Bad ngan pynlong lymbher tait ïa ka Jerusalem, ka jaka shong ki myrsiang; bad ngan pynlong ka jingkynjah ïa ki shnong ka Judah, bymshong briew shuh.”

MIKAH 3:12

Namar kata, ïa ka Seïon yn lur kum ka lyngkha namar jong phi, bad ka Jerusalem kan long ki lymbher, bad u lum jong ka ïing kum ki jaka bajrong jong ka khlaw.”

DEUTERONOMI 13:16

Bad to men ïalum lang ïa ka jinglute jong ka baroh hapdeng ka lynti shnong jong ka, bad men thang ruh da ka ding ïa kata ka nongbah, bad ïa ka jinglute jong ka baroh phar, ïa U Trai uba U Blei jong me: te kan long ïa kaba la iehnoh ha la ka rta, yn ym ïoh tei shuh ïa ka keiñ.

DEUTERONOMI 13:17

Te kan ym snoh ei ei ruh na kata ïa kaba la tim, ha ka kti jong me: ba U Trai un phai noh na kaba shit lep ka jingbitar jong u, bad un pyni ïa ka jingisynei ïa me, bad un isynei ïa me, bad un pynroi ruh ïa me, kumba u la smai ha ki kpa jong me;

JOSHUA 4:9

Bad u Joshua u la pynïeng khat-ar tylli ki maw hapdeng ka Jordan, ha kata ka jaka ha kaba ki sla'jat kita ki lyngdoh kiba la bah ïa kata ka synduk ka jutang ki la ïeng: ki don hangta ruh, haduh kane ka sngi.

JOSHUA 8:29

Bad ïa u syiem ka Ai u la phasi halor u dieng haduh ban da la janmiet: te ynda la sep ka sngi, u Joshua u la hukum ba kin pynhiar ïa ka metïap jong u na uta u dieng, bad ban bred ïa ka ha khmat ka khyrdop jong kata ka shnong, bad ban kynton ka kynton maw ka bakhraw halor jong ka, haduh kane ka sngi.