JOSHUA 8:20 - KA BAIBL

²⁰ Te haba kita ki nong Ai ki la kyrtiang, ki la ïohi, te ha khmih, ka tdem kata ka shnong ka la kiew sha bneng, te kim don bor shuh ban phet shane ne shawei: bad kita kiba la phet sha ri khlaw ki la phai kylla ïaleh ïa kita ki nongbeh.

Khasi CL Bible (BSI)

²⁰ Haba ki rangbah jong ka Ai ki phai shadien, ki ïohi ïa ka tdem kaba kiew sha suiñbneng. Ym don lad shuh ba kin lait im, naba ki Israel kiba la phet sha ka jaka bashrah mynta ki phai kylla ban ïaleh ïa ki.

JOSHUA 8:20 ပူးပေါင်းရင်းမြစ်များ

JENESIS 19:28

bad u la khmih shaphang Sodom bad Gomorra, bad shaphang ka ri baroh jong kata ka pynthor, bad u la ïohi, bad ha khmih, ka tdem jong kata ka khyndew ka la kiew kum ka tdem ka lawar ding.

Ka Kitab U Job 11:20

Hynrei, ki khmat ki jong u bymman kin duh noh, bad kin ym don lad ban phet noh, te ka jingkyrmen jong ki kan long ban dkut noh la ka mynsiem.”

SALM 76:5

La lute ïa kiba ïaw mynsiem, ki la thiah la ka jingïohthiah; bad na ki bakhrawbor ym don ba la shem la ki kti.

ISAÏAH 34:10

Yn ym pynlip ïa ka mynmiet lane mynsngi: ka tdem jong ka kan kiew junom: kan sah rynem pateng la pateng bynriew; yn ym don ba ïaid lyngba ïa ka junom.

JOSHUA 8:19

Te kita ki nongap thap ki la khie buk na la ka jaka, bad u tang shu rah ïa la ka kti ki la mareh shisyndon, ki la rung ruh ha kata ka shnong, bad ki la jop ïa ka; ki la pynkloi ruh, bad ki la thang ïa kata ka shnong da ka ding.

JOSHUA 8:21

Te haba u Joshua bad ki Israel baroh ki la ïohi ba kita kiba ap thap ki la jop ïa kata ka shnong, bad ba ka tdem kata ka shnong ka la kiew, ynda kumta, ki la phai pat, bad ki la pynïap ïa ki nong Ai.

JINGPYNPAW 18:9

Te kita ki syiem jong kata ka khyndew, kiba la ïaklim sih bad kiba la ïa-im pahuh hai bad ka, kin ïaïam, bad kin ïalynñiar lympat na ka bynta jong ka, ynda kin ïakhmih ïa ka tdem ka jingpluh jong ka,

JINGPYNPAW 19:3

Bad ki la ïa-ong pat, “Halleluïa! Bad ka tdem jong ka te ka kiew noh sha ki bymjukut ki bymjukut.”

NONGBISHAR 20:38

Te ka dak ba la ïabuh hapdeng ki rangbah Israel bad kita kiba ker kdong ka la long, ba kin pynkiew u lyoh tdem bakhraw na kata ka shnong.

NONGBISHAR 20:40

Hynrei, haba u lyoh u la sdang ban ïeng na kata ka shnong kum u rishot tdem, ki Benjamin ki la khmih shadien jong ki, te, ha khmih, ka shnong baroh kawei ka la leit kiew tdem sha bneng.

NONGBISHAR 20:41

Te ki rangbah Israel ki la phai, bad ki briew Benjamin ki la lyngngoh ngaiñ: naba ki la ïohi ba ka basniew ka la lah lap ïa ki.