JOSHUA 8:2 - KA BAIBL

² men leh ruh ïa ka Ai bad ïa u syiem jong ka kumba me la leh ïa ka Jerikho bad u syiem jong ka: tang ïa ka jinglute jong ka, bad ki jingri jong ka ruh, phin shim ban long ka jinglute ha lade: buh ka jingap thap ïa ka shnong na shadien jong ka.”

Khasi CL Bible (BSI)

² Men leh ïa ka Ai bad ïa u syiem jong ka kumba me la leh ïa ka Jerikho bad u syiem jong ka, hynrei ha kane ka sien me lah ban bat ha lade ïa ki mar ki mata bad ïa ki jingri jong ka na ka bynta ïa lade. Pynkhreh ban tur ïaleh ïa ka nongbah da ka jingkyndit na lyndet jong ka.”

JOSHUA 8:2 ပူးပေါင်းရင်းမြစ်များ

2 KHRONIKL 13:13

Hynrei, u Jeroboam u la phah ki nongap thap ban wan tawiar na shadien jong ki: kumta, ki, ki la long na shakhmat ki Judah, bad kita ki nongap thap ki la long na shadien jong ki.

2 KHRONIKL 20:22

Te haba ki la sdang ban rwai bad ban ïaroh, U Trai u la buh ki nongap thap pyrshah ïa ki khun Ammon, Moab, bad Lum Seir, kiba la wan ban ïaleh ïa ka Judah; bad la jop ïa ki.

SALM 39:6

Shisha u briew baroh u ïaid ha ka jingkhmih kai kaba thala: shisha ki ïapynkhih lehnohei: u kynton ïa ki spah, te um tip uei u ban lum ïa ki.

PROBERB 13:22

U briew u babha un iehnoh sah ïa ka bynta pateng ha ki khun ki khun jong u; bad ïa ka spah jong u nongpop la tyngkai ïa u bahok.

PROBERB 28:20

U briew uba lah ban shaniah un kyrhai ki jingkyrkhu: hynrei, uta uba pynkyrkieh ban riewspah un ym lait na ka jingpynshitom.

JEREMAÏAH 17:11

Kum ka 'iar khlaw kaba lum khun kiba kam shym la kha, kumta long uta uba lum spah, hynrei, ym da ka hok; hapdeng ki sngi jong u kin iehnoh ïa u, bad ha kaba kut jong u un long u babieit.

JEREMAÏAH 51:12

“ ‘To pynïeng ïa ka lama pyrshah ïa ki kynroh ka Babilon, pynkhlaiñ ïa ka jingap, buh ïa ki nongap, to khreh ïa ki ban ker kdong: naba U Trai u la thmu, u la leh ruh ïa kaba u la kren shaphang kiba shong ha Babilon.’

DEUTERONOMI 2:35

tang ïa ki jingri, ngi la ïashim kum ka jinglute ha lade hi, lem bad ka jinglute jong kita ki nongbah ïa kiba ngi la jop.

DEUTERONOMI 20:14

hynrei, ïa ki kynthei, bad ïa ki khynnah, bad ïa ki jingri ruh, bad ïa baroh kaba don ha kata ka nongbah, ïa ka jinglute jong ka baroh keiñ, to shim ha lade; bad men ïoh bam ïa ka jinglute ki nongshun jong me, ïa kaba U Trai uba U Blei jong me u la ai ha me.

DEUTERONOMI 3:2

Te U Trai u la ong ha nga, ‘To wat sheptieng ïa u: naba ha ka kti jong me ngan aiti ïa u, bad ïa u paidbah jong u baroh, bad ïa ka ri jong u ruh; te men leh ïa u kumba me la leh ha u Sihon u syiem ki Amor, uba la shong sah ha Heshbon.’

JOSHUA 10:1

Te haba u Adonisedek u syiem ka Jerusalem u la ïohsngew kumno u Joshua u la jop ïa ka Ai, bad ba u la pynduh khoit ïa ka; kumba u la leh ïa ka Jerikho bad ïa u syiem jong ka, kumta, u la leh ïa ka Ai bad ïa u syiem jong ka; bad kumno ki nong Gibeon ki la ïasuk bad ki Israel, bad ki la don hapdeng jong ki ruh;

JOSHUA 10:28

Te ha kata ka sngi, u Joshua u la jop ïa ka Makkedah, bad u la pom ïa ka da ka syrti waitlam, bad ïa u syiem jong ka; u la pynduh khoit ïa ki bad ïa ki mynsiem baroh kiba ha ka, um shym pynsah shuh uwei ruh: bad u la leh ïa u syiem ka Makkedah kumba u la leh ïa u syiem ka Jerikho.

JOSHUA 11:14

Te ïa ka jinglute baroh jong kine ki shnong, bad ïa ki jingri, ki khun Israel ki la shim ban long ka jinglute ïa lade; hynrei, ïa u briew baroh ki la pom da ka syrti waitlam, haduh ba ki la pynduh noh khoit ïa ki, kim shym pynsah shuh kawei ka mynsiem.

JOSHUA 6:21

Bad ki la pynjot thiaw ïa baroh ba la don ha kata ka shnong, shynrang bad kynthei, khynnah bad tymmen, bad masi dab, bad langbrot, bad kadda, da ka syrti waitlam.

JOSHUA 8:12

Te u la shim kumba san hajar ngut ki briew, bad u la buh ïa ki ban ap thap hapdeng ka Bethel bad ka Ai, shaphang sepngi jong ka shnong.

JOSHUA 8:14

Te haba u syiem ka Ai u la ïohi ïa kata, ki la kyrkieh bad ki la khie dang step, bad ki briew kata ka shnong ki la mih pyrshah ïa ki Israel, ban ïapom, ma u bad ki briew jong u baroh, ha ka por ba la buh, ha shuwa ka madan; hynrei, um tip ba don kiba ap thap ïa u nadien ka shnong.

JOSHUA 8:19

Te kita ki nongap thap ki la khie buk na la ka jaka, bad u tang shu rah ïa la ka kti ki la mareh shisyndon, ki la rung ruh ha kata ka shnong, bad ki la jop ïa ka; ki la pynkloi ruh, bad ki la thang ïa kata ka shnong da ka ding.

JOSHUA 8:24

Te ynda ki Israel ki la wai ban pynïap ïa ki nong Ai baroh ha madan, ha ka ri khlaw sha kaba ki la beh ïa ki, bad haba ki la kyllon baroh da ka syrti waitlam, ha ban da ki la duh noh khoit, ki Israel baroh ki la leit phai sha Ai, bad ki la pynduh ïa ka da ka syrti waitlam.

JOSHUA 8:3

Kumta, u Joshua u la ïeng, bad ki paidïapom baroh, ban leit kiew sha Ai: bad u Joshua u la jied laiphew hajar ngut, ki rangbah bashait bad bashlur, bad u la phah noh ïa ki mynmiet.

JOSHUA 8:7

ynda kumta, phin mih na kaba thap, bad phin jop ïa ka shnong; naba U Trai U Blei jong phi un aiti ïa ka ha ka kti jong phi.

JOSHUA 8:8

Kan sa long ruh, ynda phi la jop ïa ka shnong, ba phin thang ïa ka shnong da ka ding; katba kum ka hukum U Trai phin leh: to khmih, nga la hukum ïa phi.”

JOSHUA 8:9

Kumta, u Joshua u la phah noh ïa ki; ki ruh ki la leit ap thap, bad ki la shong hapdeng ka Bethel bad ka Ai, shaphang sepngi na Ai: hynrei, u Joshua u la sah ha kata ka miet hapdeng u paidbah.

JOSHUA 9:3

Te haba ki nong Gibeon ki la ïohsngew ïa kaba u Joshua u la leh ïa ka Jerikho bad ïa ka Ai,