JOSHUA 8:19 - KA BAIBL

¹⁹ Te kita ki nongap thap ki la khie buk na la ka jaka, bad u tang shu rah ïa la ka kti ki la mareh shisyndon, ki la rung ruh ha kata ka shnong, bad ki la jop ïa ka; ki la pynkloi ruh, bad ki la thang ïa kata ka shnong da ka ding.

Khasi CL Bible (BSI)

¹⁹ bad u tang shu rah ïa la ka kti, ki rangbah kiba la rieh ki ïeng joit, ki mareh sha ka nongbah bad kurup ïa ka. Mar mar ruh ki thang ïa ka nongbah.

JOSHUA 8:19 ပူးပေါင်းရင်းမြစ်များ

JOSHUA 8:18

Bad U Trai u la ong ha u Joshua, “Rah ïa uta u sum uba ha ka kti jong me shaphang Ai; namar ngan ai ïa ka ha ka kti jong me.” Te u Joshua u la rah joit ïa uta u sum ba u la don ha la ka kti shaphang kata ka shnong.

JOSHUA 8:2

men leh ruh ïa ka Ai bad ïa u syiem jong ka kumba me la leh ïa ka Jerikho bad u syiem jong ka: tang ïa ka jinglute jong ka, bad ki jingri jong ka ruh, phin shim ban long ka jinglute ha lade: buh ka jingap thap ïa ka shnong na shadien jong ka.”

JOSHUA 8:20

Te haba kita ki nong Ai ki la kyrtiang, ki la ïohi, te ha khmih, ka tdem kata ka shnong ka la kiew sha bneng, te kim don bor shuh ban phet shane ne shawei: bad kita kiba la phet sha ri khlaw ki la phai kylla ïaleh ïa kita ki nongbeh.

NONGBISHAR 20:33

Te ki rangbah Israel baroh ki la ïeng noh na la ka jaka, bad ki la ïakhreh riang ha Baal-tamar: bad kiba ker kdong na ki Israel ki la mih ruh buk na la ka jaka, na shaphang sepngi ka Geba keiñ.

NONGBISHAR 20:37

Kita kiba ker kdong te ki la pynkloi bad ki la tur ha Gibeah; bad kita kiba ker kdong ki la nang wan hajan, bad ki la pom ïa ka shnong baroh da ka syrti waitlam.