JOSHUA 8:12 - KA BAIBL

¹² Te u la shim kumba san hajar ngut ki briew, bad u la buh ïa ki ban ap thap hapdeng ka Bethel bad ka Ai, shaphang sepngi jong ka shnong.

Khasi CL Bible (BSI)

¹² U shim kumba san hajar ngut ki rangbah bad u buh ha kaba rieh ïa ki ha ka phang sepngi jong ka nongbah, hapdeng ka Ai bad ka Bethel.

JOSHUA 8:12 ပူးပေါင်းရင်းမြစ်များ

JENESIS 12:8

Bad nangta u la kynriah noh sha u lum uba ha ka Bethel shaphang mihngi, bad u la pynïeng ïa la ka ïingtrep, ba la don ka Bethel sha sepngi, bad ka Ai sha mihngi: bad hangta ruh, u la tei ïa ka duwan ha U Trai, bad u la khot ha ka kyrteng U Trai.

JENESIS 28:19

Bad u la khot kyrteng ïa kata ka jaka “ka Bethel”: hynrei, “ka Lus” ka la ju long ka kyrteng kata ka nongbah mynnyngkong.

JOSHUA 8:11

Te kita ki paidïapom baroh kiba bad u, ki la leit kiew, bad ki la leit hajan, bad ki la wan ruh ha khmat ka shnong bad ki la shong dara shaphang shatei jong ka Ai: bad la don ka them hapdeng jong ki bad ka Ai.

JOSHUA 8:13

Kumta, ki la buh ïa kita ki paid, u paid baroh keiñ uba shaphang shatei jong ka shnong, bad ki nongsyntiat jong ki shaphang sepngi jong ka shnong; bad u Joshua u la leit ha kata ka miet shapdeng kata ka them.

NONGBISHAR 1:22

Ka ïing u Joseph de, ki ruh ki la kiew ban ïaleh ïa ka Bethel: bad U Trai u la long lem bad ki.

1 SAMUEL 15:5

Te u Saul u la wan sha ka nongbah ki Amalek, bad u la ap thap ha ka them.