JOSHUA 8:1 - KA BAIBL

¹ Bad U Trai u la ong ha u Joshua, “Wat sheptieng, lymne wat kyiuh: to shim ïa ki paidïapom baroh bad me, to ïeng ruh, khie leit kiew sha Ai: ha khmih, nga la ai ïa u syiem Ai ha ka kti jong me, bad u paid jong u, ka shnong jong u ruh, bad ka ri jong u ruh de:

Khasi CL Bible (BSI)

¹ U Trai u ong ha u Joshua, “Ïalam lang bad me ïa ki shipai baroh bad leit kiew sha Ai. Wat sheptieng lane khaw-eit. Ngan ai ha me ka jingjop ïa u syiem ka Ai; ki briew jong u, ka nongbah jong u, bad ka ri kan long ka jong me.

JOSHUA 8:1 ပူးပေါင်းရင်းမြစ်များ

SALM 27:1

U Trai u long ka jingshai jong nga bad ka jingpynim jong nga; ïano ngan sheptieng? U Trai u long ka bor ka jingim jong nga; ïano ngan khaw-eit?

SALM 44:3

Namar kim shym ïoh ha ki ïa ka ri da la ka jong ka wait, lymne ym shym la pynim ïa ki da la ka jong ka ksang'ti: hynrei, ka kti kamon jong me, bad ka ksang'ti jong me, bad ka jingshai ka khmat jong me, namar ba me la ieit ïa ki.

SALM 46:11

U Trai ki paid u don bad ngi; U Blei u Jakob u long ka jaka rieh jong ngi. Selah.

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 43:2

Haba me leit lyngba ïa ki um, nga ngan long lem bad me; bad lyngba ki wah, kin ym tyllep ïa me: haba me ïaid lyngba ka ding, men ym ing; lymne ka thylliej ding kan ym jliah ïa me.

JEREMAÏAH 46:27

“Hynrei, me wat sheptieng ko Jakob u shakri jong nga, lymne wat khaw-eit, ko Israel: namar ha khmih, ngan pynim ïa me na sha jngai, bad ïa u symbai jong me na ka ri ka jinglongmraw jong ki; bad u Jakob un leit phai pat, bad un long jar jar bad ha kaba suk, bad ym don u ban pynsheptieng ïa u.

JEREMAÏAH 49:3

“To lynñiar, ko Heshbon, naba ïa ka Ai la lute; to ïam, phi ki khun kynthei ka Rabbah, to panpoh ïa lade da ka jaiñ byrni: to ïam sngewsih, bad to phet shane shatai hapdeng ki jingker; naba u Milkom un leit shong mraw, ki lyngdoh jong u bad ki rangbah jong u lang.

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 4:25

ba yn beh noh ïa me na ki briew bad ka jaka shong jong me kan long ryngkat bad ki mrad khlaw, bad yn pynbam phlang ïa me kum ki masi dab, bad yn synreit ïa me da ka umjer bneng, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.

DANIEL 4:35

bad ïa ki briew baroh jong ka khyndew ym shym kheiñ ei ei: bad u leh katba u mon ha u paidbah jong ka bneng, bad hapdeng ki briew jong ka khyndew: bad ym don ba lah ban pynsangeh ïa ka kti jong u, lane ong ha u, ‘Me leh aïu?’

MATHAÏOS 8:26

U te u la ong ha ki, “Balei ba phi long kiba sheptieng, A phi kiba rit jingngeit?” Ynda kumta, u la khie, u la sneng ïa ka lyer bad ïa ka duriaw ruh; te ka la long kaba jai jai eh.

DEUTERONOMI 1:21

Ha khmih, U Trai U Blei jong me u la aiti ïa kata ka ri ha khmat jong me: to leit kiew, to shimti ruh ïa ka, kumba U Trai U Blei ki kpa jong me u la ong ha me; wat sheptieng, lymne duh jingkyrmen.’

DEUTERONOMI 31:8

Namar U Trai da lade hi, u leit ha shuwa jong me; un long ryngkat bad me, un ym iehnoh ïa me, lymne kyntait noh ïa me; wat sheptieng te, lymne wat khaw-eit.”

DEUTERONOMI 7:18

men ym sheptieng ïa ki: hynrei, to ïaikynmaw biang ïa kata ba U Trai uba U Blei jong me u la leh ïa u Pharaoh, bad ïa ka ri Ijipt baroh;

DEUTERONOMI 7:21

Me wat sheptieng ïa ki: namar U Trai uba U Blei jong me u don hapdeng jong phi, U Blei u Badonbor, bad uba itieng.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

JOSHUA 10:7

Kumta, u Joshua u la kiew na Gilgal, ma u bad ki paidïapom baroh ryngkat bad u, bad baroh ki briew ki bashait bashlur.

JOSHUA 10:8

Bad U Trai u la ong ha u Joshua, “Wat sheptieng ïa ki: namar nga la ai noh ïa ki ha ka kti jong me; ym don uwei na ki u ban ïeng ha khmat jong me.”

JOSHUA 2:24

Bad ki la ong ha u Joshua, “Da shisha U Trai u la ai ha ki kti jong ngi ïa kata ka ri baroh; namar ki trai-shnong baroh ruh ha kata ka ri kim don mynsiem shuh ïa ngi.”

JOSHUA 6:2

Bad U Trai u la ong ha u Joshua, “Ha khmih, nga la ai ha ka kti jong me ïa ka Jerikho, bad ïa u syiem jong ka, bad ki rangbah bakhrawbor.

JOSHUA 7:9

Namar ki Kanaan bad ki trai-shnong kiba ha ka ri kin ïohsngew ïa kane, bad kin ker sawdong ïa ngi, kin ot noh ruh ïa ka kyrteng jong ngi na ka khyndew: te men leh kumno ïa la ka kyrteng bakhraw?”