JOSHUA 7:9 - KA BAIBL

⁹ Namar ki Kanaan bad ki trai-shnong kiba ha ka ri kin ïohsngew ïa kane, bad kin ker sawdong ïa ngi, kin ot noh ruh ïa ka kyrteng jong ngi na ka khyndew: te men leh kumno ïa la ka kyrteng bakhraw?”

Khasi CL Bible (BSI)

⁹ Ki Kanaan bad baroh kiba hapoh ka ri kin sa ïohsngew ïa kane. Kin sa kerkut ïa ngi, bad kin sa pynïap ïa uwei pa uwei ïa ngi! Bad nangta aïu men leh ban ïada ïa la ka burom?”

JOSHUA 7:9 ပူးပေါင်းရင်းမြစ်များ

SALM 115:1

Ym ha ngi, A Trai, ym ha ngi, hynrei, ha la ka jong ka kyrteng to ai burom, na ka bynta ka jingisynei, bad na ka bynta ka jingshisha jong me.

SALM 48:10

Kumba long ka kyrteng jong me, A U Blei, kumta ka long ka jingïaroh jong me haduh ki bakut ka pyrthei: ka kti kamon jong me ka dap da ka hok.

SALM 79:9

To ïarap ïa ngi, A U Blei ka jingpynim jong ngi, na ka bynta ka burom ka kyrteng jong me: bad to pynim ïa ngi, bad pynkhuid ïa ki pop jong ngi, na ka bynta ka kyrteng jong me.

SALM 83:4

Ki la ong, “Ïa, ngin ïa-pynduh noh ïa ki ba kin ym long ka jaid bynriew; ba ïa ka kyrteng Israel yn ym kynmaw shuh.”

SALM 83:5

Naba ki la ïasylla lang da kawei ka jingmut; pyrshah ïa me ki ïateh jutang:

EKSODOS 32:12

Balei ba kita ki Ijipt kin ïoh kren, da kaba ong, ‘Khnang ïa ka ban tyllep u la ïalam noh ïa ki, ban pynïap ïa ki ha ki lum, bad ban pynjot noh khoit keiñ ïa ki na khmat ka pyrthei?’ To phai noh na ka jingbitar ba-itieng jong me, to kylla noh ruh na kane ka basniew pyrshah ïa u paidlang jong me.

ESEKIEL 20:9

Hynrei, nga la leh na ka bynta la ka kyrteng, ba yn ym pyntngit ïa ka ha khmat ki jaid bynriew, hapdeng kiba ki la don, kiba ha khmat jong ki nga la pynpaw ïa lade ha ki, ha kaba wallam noh ïa ki na ka ri Ijipt.

JOEL 2:17

Ai ba ki lyngdoh, ki shakri U Trai, kin ïam hapdeng ka khyrdop bad ka duwan, bad to kin ong, “To isynei ïa la ki briew, A Trai, bad wat buh ïa la ka bynta ban long ka jingrkhiebeiñ, ba ki jaid bynriew kin synshar halor jong ki: balei kin ïa-ong hapdeng ki jaid bynriew, ‘Hangno U Blei jong ki?’ ”

MIKAH 7:10

Ynda kumta, ka nongshun jong nga kan ïohi ïa ka, bad ka jinglehrain kan tap ïa ka; kaba la ong ha nga, “Hangno U Trai U Blei jong me?” Ki khmat jong nga kin ïohi ïa ka: mynta yn ïuh roit ïa ka kum ka ktieh ki lynti shnong.

JINGKHEIÑ 14:13

Te u Moses u la ong ha U Trai, “Kumta ki Ijipt kin ïohsngew; namar me la wallam ïa kine ki briew da ka borbah jong me napdeng jong ki.

ÏOANNIS 12:28

Ko Kpa, pyndonburom ïa la ka kyrteng.” Ynda kumta, la wan ka ktien na bneng, “Nga la pyndonburom te, bad ngan pyndonburom ïa ka pat.”

DEUTERONOMI 9:28

ïoh ba kata ka ri na kaba me la wallam noh ïa ngi kan ong, “Namar ba U Trai um lah keiñ ban wallam ïa ki sha kata ka ri ïa kaba u la lah kular ha ki, bad namar ba u la isih ïa ka ruh, u la wallam noh ïa ki, ïa ka ban pynïap ïa ki ha kata ka ri khlaw.”

JOSHUA 7:10

Te U Trai u la ong ha u Joshua, “To ïeng joit; balei me hap dem la ka khmat kumne?

JOSHUA 7:8

A Trai, ngan ong aïu, haba ki Israel ki phai dien na khmat ki nongshun!

1 SAMUEL 12:22

Naba U Trai un ym kyntait ïa la ki briew na ka bynta ka kyrteng kaba khraw jong u: namar U Trai u la ibit ban pynlong ïa phi u paidbah ha u hi.