JOSHUA 7:7 - KA BAIBL

⁷ Bad u Joshua u la ong, “Waw! A Trai U Blei, balei ba me la shu wallam ïa une u paidbah sha shiliang Jordan, ban ai noh ïa ngi ha ka kti ki Amor, ban pynjot ïa ngi? A ban da ngi la shu hun, ba ngin da shong ruh sha shiliang ka Jordan!

Khasi CL Bible (BSI)

⁷ Bad u Joshua u ong, “A Trai Nongsynshar! Balei me wan ïalam ïa ngi sha shiliang ka Jordan? Hato ban aiti noh ïa ngi ha ki nong Amor? Hato ban pynjot ïa ngi? Balei ngim shu shongsah sha kawei pat ka liang jong ka Jordan!

JOSHUA 7:7 ပူးပေါင်းရင်းမြစ်များ

2 SYIEM 3:10

Te u syiem ki Israel u la ong, “Waw! naba U Trai u la khot lang ïa kine lai ngut ki syiem ban ai noh ïa ki ha ka kti ki Moab.”

SALM 116:11

nga la ong ha la kaba kyrkieh, “Ki briew baroh ki long ka jinglamler.”

EKSODOS 16:3

bad ki khun Israel ki la ïa-ong ha ki, “A ban da ngi, ngi la ïap da ka kti U Trai ha ka ri Ijipt, mynba ngi la ïashong hajan ki khiew doh, mynba ngi la ïabam ïa u kpu ha ban da kdang; naba phi la wallam noh ïa ngi ha kane ka ri khlaw, ban pynïap ïa une u paidbah baroh da ka jingthngan.”

EKSODOS 17:3

Ki paidbah te ki la ïasliang um eh hangta; bad ki paidbah ki la khñium ïa u Moses, ki da ïa-ong ruh, “Balei me la wallam noh ïa ngi na ka ri Ijipt, ban pynïap ïa ngi bad ïa ki khun jong ngi bad ïa ki jingri jong ngi de da kaba sliang?”

JINGKHEIÑ 14:16

‘Namar ba U Trai um donbor ban wallam ïa kine ki briew sha kata ka ri ïa kaba u la smai ha ki, namar kata, u la pynïap noh ïa ki ha kata ka ri khlaw.’

JINGKHEIÑ 14:3

Te balei ba U Trai u la wallam ïa ngi sha kane ka ri, ba ngin hap da ka waitlam? ki tnga, bad ki khun jong ngi, kin long ka jinglute: hato ym kham bha, ba ngin ïaphai pat sha ka ri Ijipt?”

MATHAÏOS 17:17

U Jisu te u la ïathuh bad u la ong, “A phi ka pateng bynriew bymngeit bad bamutlop, sa katno ngan long lem bad phi? sa katno ngan shah ïa phi? to wallam ïa u shane sha nga.”

MATHAÏOS 17:20

U Jisu te u la ïathuh ha ki, “Namar ka jingbymngeit jong phi: naba shisha nga ong ha phi, lada phi don ka jingngeit kaba kat iwei i symbai tyrso, phin ong ha une u lum, ‘To leit noh nangne hangtai’, te un leit noh keiñ; bad ym don kaei kaei ruh ïa kaba phin ym lah leh.

HEBRU 12:5

bad phi la klet noh ïa kata ka jingkyntu, kaba pyni ha phi kumba ha ki khun: “Ko khun jong nga, wat ñiew sting ïa ka jingsneng sympat na U Trai, lymne wat sngewtlot ngai-ly-ngai haba da sneng ïa me da u;

JOSHUA 7:6

Te u Joshua u la kad ïa la ki jaiñ, bad u la hap dem la ka khmat ha ka khyndew ha khmat ka synduk U Trai haduh janmiet, ma u bad ki tymmen basan ki Israel; bad ki la tep khyndew halor la ki khlieh.

JOSHUA 7:8

A Trai, ngan ong aïu, haba ki Israel ki phai dien na khmat ki nongshun!

NONGBISHAR 20:23

(Te ki khun Israel ki la ïaleit kiew bad ki la ïam ha khmat U Trai ha ban da la janmiet; bad ki ïakylli ïa U Trai, ki da ong, “Ngan leit kiew pat ban ïaleh thma ïa ki khun u Benjamin u para jong nga?” U Trai te u la ong, “Leit kiew ban ïaleh ïa u.”)

1 SAMUEL 4:3

Te ynda kita ki paidbah ki la ïawan sha ka jaka shong dara, ki tymmen basan jong ki Israel ki la ïa-ong, “Balei U Trai u la shoh ïa ngi mynta ha khmat ki Philistia? Ïa ngin ïaleit shim sha ngi na Sheiloh ïa ka synduk ka jutang U Trai, ba kan wan hapdeng jong ngi, ïa ka ban pynim ïa ngi na ka kti ki nongshun jong ngi.”