JOSHUA 7:6 - KA BAIBL

⁶ Te u Joshua u la kad ïa la ki jaiñ, bad u la hap dem la ka khmat ha ka khyndew ha khmat ka synduk U Trai haduh janmiet, ma u bad ki tymmen basan ki Israel; bad ki la tep khyndew halor la ki khlieh.

Khasi CL Bible (BSI)

⁶ U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.

JOSHUA 7:6 ပူးပေါင်းရင်းမြစ်များ

JENESIS 37:29

Te u Reuben u la wan kylla pat sha kata ka thliew um; bad ha khmih, u Joseph um don ha kata ka thliew um; te u la kad ïa la ki jaiñkup.

JENESIS 37:34

Te u Jakob u la kad ïa la ki jaiñkup, bad u la buh da ka jaiñ khain ha la ka syngkai, bad u la ïam leh sngewsih ïa la u khun bun sngi.

2 SAMUEL 1:11

Ynda kumta, u Dabid u la bat ïa la ki jaiñ, bad u la kad ïa ki; bad kumjuh uta paidbah baroh uba bad u.

2 SAMUEL 1:12

Bad ki la sngewsih, bad ki la ïam, bad ki la shah jingit haduh janmiet, namar u Saul, bad namar u Jonathan u khun jong u, bad namar u paidbah jong U Trai, bad namar ka ïing Israel; namar ba ki la hap da ka waitlam.

2 SAMUEL 1:2

ha ka balai sngi te, ha khmih, u briew u la wan mih na ka jaka shong dara u Saul uba la kad ki jaiñ jong u, bad ka khyndew halor ka khlieh jong u; te haba u la wan poi ha u Dabid, u la hap ha khyndew, bad u la nguh.

2 SAMUEL 12:16

U Dabid, namar kata, u la kyrpad ïa U Blei na ka bynta ita i khynnah; bad u Dabid u la shah jingit, bad u la leit, bad u la thiah ha khyndew baroh shi miet.

2 SAMUEL 13:19

Bad ka Tamar ka la buh da u dpei halor ka khlieh jong ka, bad ka la kad ïa kata ka jaiñkup kaba khleh rong kaba ka kup; bad ka la buh ïa la ka kti halor la ka khlieh, bad ka la leit noh, ka da lynñiar artad ha lynti.

2 SAMUEL 13:31

Ynda kumta, u syiem u la ïeng, bad u la kad ïa la ki jaiñ, bad u la thiah ha ka khyndew; bad ki shakri baroh ki la ïeng hajan kiba la kad ïa la ki jaiñ.

2 SYIEM 22:11

Te ynda u syiem u la ïohsngew ïa ki ktien Ka Kitab Ka Hukum, u la kad ïa la ki jaiñ.

2 KHRONIKL 34:19

Te haba u syiem u la ïohsngew ïa ki ktien kata Ka Hukum, u la kad ïa la ki jaiñ.

ESRA 10:1

Te katba u Esra u duwai, bad u phla, da kaba ïam bad pyndem ngon ïa lade ha khmat ka ïing U Blei, la ïalum lang ha u na ki Israel u paidlang bakhraw eh ki shynrang bad ki kynthei bad ki khynnah: namar u paidlang u la ïam shikatdei eh.

NEHEMAÏAH 9:1

Bad ha ka ba-arphew saw sngi na une u bnai, ki khun Israel ki la ïalang da kaba shah jingit, bad kup jaiñ byrni, bad ki da ïasleh khyndew de.

ESTHER 4:1

Te haba u Mordekai u la tip ïa kata baroh ba la leh, u Mordekai u la kad ïa la ki jaiñ, bad u la phong ïa ka jaiñ khain bad ka dpei, bad u la mih noh shapdeng kata ka nongbah, bad u la lynñiar da ka jinglynñiar kaba jam bad kaba kthang:

ESTHER 4:3

Bad ha kawei pa kawei ka shnat, sha kaba ka hukum u syiem bad ka jingrai jong u ki la poi, ka la don ka jingsngewsih bakhraw hapdeng ki Jiw, bad ka jingshah jingit, bad ka jingïam, bad ka jinglynñiar; bad bun ki la thiah ha ka jaiñ khain bad ka dpei.

Ka Kitab U Job 1:20

Ynda kumta u Job u la ïeng, bad u la kad ïa la ka jaiñkup, bad u la khi ïa la ka khlieh, bad u la hap dem ha ka khyndew, bad u la mane;

Ka Kitab U Job 2:12

Te haba ki la khmied ïa la ki khmat na sha jngai, bad ba kim shym la ithuh ïa u, ki la pynjam ïa la ka ktien, bad ki la ïam; bad ki la kad uwei uwei ïa la ka jaiñkup, bad ki la kynting ka 'dewmet halor la ki khlieh sha bneng.

Ka Kitab U Job 42:6

namar kata, nga isih ïa lade, bad nga kylla-ka-bamut ha ka 'dewmet bad ka dpei.”

SNGEWSYNEI 2:10

Ki tymmen basan ka khun ka Seïon ki shong halor ka khyndew, ki ïasngap jar noh; ki la kynting ka 'dewmet halor la ki khlieh; ki la panpoh ïa lade da ka jaiñ byrni: ki theisotti ka Jerusalem ki pyndem ïa la ki khlieh haduh khyndew.

JINGKHEIÑ 14:6

U Joshua u khun u Nun ruh, bad u Kaleb u khun u Jephunneh de, kiba na kita kiba la ïakhmih syntiat ïa kata ka ri, ki la kad ïa la ki jaiñ:

JINGKHEIÑ 16:22

Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?”

JINGKHEIÑ 16:45

“To khie leit noh napdeng une u paidlang, ba ngan ïoh pynjot noh ïa ki shisyndon.” Ki te ki la hap dem la ki khmat.

KI KAM 14:14

Hynrei, haba kita ki apostol – u Barnabas bad u Paul – ki la ïohsngew ïa kata, ki la kad la ki jaiñkup, bad ki la ïarynsied kynsan hapdeng uta u paidbah, ki da pyrta,

JOSHUA 7:7

Bad u Joshua u la ong, “Waw! A Trai U Blei, balei ba me la shu wallam ïa une u paidbah sha shiliang Jordan, ban ai noh ïa ngi ha ka kti ki Amor, ban pynjot ïa ngi? A ban da ngi la shu hun, ba ngin da shong ruh sha shiliang ka Jordan!

JINGPYNPAW 18:19

Bad ki la ïakynting ïa ka 'dewmet halor ki khlieh jong ki, bad ki la ïakyang da kaba ïam bad basngewsih, ki da ïa-ong, “Kordit, kordit, kata ka nongbah kaba khraw, ha kaba la pynriewspah ïa kita baroh kiba don ki lieng ha kata ka duriaw, na jong kata ka jingkordor jong ka! naba ha kaba shi por la pynduh noh khoit ïa ka.

NONGBISHAR 11:35

Te haba u la ïohi ïa ka; u la kad ïa la ki jaiñ, bad u la ong, “Waw, ko khun! pha la pyndiaw eh ïa nga, bad pha long kawei na kita ba pynjynjar ïa nga: naba nga la ang ïa la ka shyntur ha U Trai, bad ngam lah kynran shuh.”

NONGBISHAR 20:23

(Te ki khun Israel ki la ïaleit kiew bad ki la ïam ha khmat U Trai ha ban da la janmiet; bad ki ïakylli ïa U Trai, ki da ong, “Ngan leit kiew pat ban ïaleh thma ïa ki khun u Benjamin u para jong nga?” U Trai te u la ong, “Leit kiew ban ïaleh ïa u.”)

NONGBISHAR 20:26

Ynda kumta, ki khun Israel baroh, bad u paidbah baroh, ki la ïaleit kiew, bad ki la wan sha Bethel, ki la ïam ruh, bad ki la shong hangta ha khmat U Trai, bad ki la shah jingit ha kata ka sngi ha ban da la janmiet; bad ki la ainguh da ki jingainguh thang bad ki jingainguh pynïasuk ruh ha khmat U Trai.

NONGBISHAR 21:2

Bad u paidbah u la ïawan sha Bethel, bad u la shong hangta haduh ba la janmiet ha khmat U Blei, bad ki la kyang, bad ki la ïam eh.

1 SAMUEL 4:12

Te uwei u briew na ki Benjamin u la phet na uta u paidïapom, bad u la poi sha Sheiloh ha kata ka sngi, uba ki jaiñ jong u la pynkad, bad uba la sum khyndew ha ka khlieh.