JOSHUA 7:5 - KA BAIBL

⁵ Te kita ki briew jong ka Ai ki la pynïap na ki kumba laiphew hynriew ngut ki briew; bad ki la beh ïa ki na khmat ka khyrdop haduh Shebarim, bad ki la pynïap ïa ki ha ka riat: te ki dohnud uta u paidbah ki la um, bad ki la long kum ka um.

Khasi CL Bible (BSI)

⁵ Ki rangbah jong ka Ai ki beh krad ïa ki naduh ka khyrdop shnong haduh ki katto katne ki par bad ki la pynïap kumba laiphew hynriew ngut ha ka lynti sharum ki lumrit. Te ki Israel ki la duh ka jingshlur bad ki la sheptieng.

JOSHUA 7:5 ပူးပေါင်းရင်းမြစ်များ

SALM 22:14

La theh noh ïa nga kum ka um, ki shyieng jong nga baroh ki la lait paiñ: ka dohnud jong nga ka la long kum ka bthing; ka la um noh hapdeng ki snier jong nga.

SALM 58:7

To ai ba kin um noh kum ka um kaba ïaid stet: haba u thew ïa la ki khnam, to ai ba kin long kumba la ot noh ïa ki.

ISAÏAH 13:7

Namar kata, ki kti baroh kin tlot noh, ka dohnud u briew baroh ruh kan um noh;

ESEKIEL 21:7

Bad haba kin ong ha me, “Na ka balei ba me pynhiar mynsiem?” me men ong, “Namar kane ka khubor, naba ka wan: bad ka dohnud baroh kan um noh, bad ki kti baroh kin tlot, bad ka mynsiem baroh kan lwait, bad ki khohsiew baroh kin jem kum ka um; ha khmih, ka wan, bad yn sa pyndep ïa ka,” ’ ” ong U Trai U Blei.

LEBITIKOS 26:36

Bad shaphang kita ki ban dang sah na phi, ngan phah ka jinglwait ha ki dohnud jong ki ha ka ri ki nongshun jong ki: te ka jingsawa ka sla ba la pynkhih kan beh ïa ki; bad kin phet ïap, kumba phet ïap na ka waitlam; kin ïakyllon ruh ha bymdon ba beh ïa ki.

NAHUM 2:10

Ka long kaba suda, bad kaba la pynsuda, bad kaba la pynjot noh: bad ka dohnud ka um noh, ki khohsiew ki ïashoh lang, bad ka jingshitom ka ha ki syngkai baroh, bad ki khmat jong ki baroh ki thangïong.

DEUTERONOMI 1:44

Te kita ki Amor, kiba la ïashong sah ha uta u lum, ki la ïamih noh pyrshah ïa phi, bad ki la ïabeh ïa phi, kumba beh ki ngap, bad ki la ïa-pynjot thiaw ïa phi ha Seir, haduh Hormah keiñ.

JOSHUA 2:11

Te katba ngi la ïohsngew ïa kata, ki dohnud jong ngi ki la um, lymne ha uno uno ruh ym sah mynsiem shuh ïa phi: naba U Trai U Blei jong phi u long U Blei ha bneng sha jrong, bad ha ka khyndew shapoh.

JOSHUA 2:9

ka la ong ruh ha kita ki briew, “Nga tip ba U Trai u la ai ha phi ïa kane ka ri, bad ba ka jingsheptieng ïa phi ka la hap halor jong ngi, bad baroh ki trai-shnong kane ka ri kim don mynsiem shuh ïa phi.

JOSHUA 5:1

Te haba baroh ki syiem ki Amor, kiba sha shiliang ka Jordan shaphang sepngi, bad baroh ki syiem ki Kanaan, kiba hajan ka duriaw, ki la ïohsngew ba U Trai u la pynrngad ïa ki um ka Jordan ha shuwa ki khun Israel, ha ban da ki la ïaleit sha shiliang, kumta ki dohnud jong ki, ki la um noh, ba ym don mynsiem shuh ha ki, namar ki khun Israel.