JOSHUA 7:4 - KA BAIBL

⁴ Kumta, ki la leit kiew shata na u paidbah kumba lai hajar briew: bad ki la phet ïap na khmat ki briew jong ka Ai.

Khasi CL Bible (BSI)

⁴ Kumta kumba lai hajar ngut ki rangbah Israel ki leit tur shata, hynrei ki hap ban phet ïap nangta.

JOSHUA 7:4 ပူးပေါင်းရင်းမြစ်များ

SALM 89:43

Me la pynran ruh ïa ka syrti ka waitlam jong u, bad mem shym la pynskhem ïa u ha ka thma.

ISAÏAH 30:17

Shi hajar kin phet noh na kaba sneng uwei; na kaba sneng san ngut phin phet noh: tad ynda la iehnoh ïa phi kum u rishot halor ki kliar u lum bah, bad kum ka lama halor u lum rit.

ISAÏAH 59:2

hynrei, ki jingbymhok jong phi ki la pynïakhlad noh hapdeng jong phi bad U Blei jong phi, bad ki pop jong phi ki la kah ïa ka khmat jong U na phi, katba un ym sngew.

LEBITIKOS 26:17

Bad ngan buh ïa la ka khmat pyrshah ïa phi, bad phin kyllon ïap ruh ha khmat ki nongshun jong phi: kita kiba isih ïa phi kin leh bor halor jong phi; bad phin phet ïap noh haba ym don ba beh ïa phi.

DEUTERONOMI 28:25

“U Trai un pynkyllon ïa me ha khmat ki nongshun jong me: tang da kawei ka lynti men leit ïaleh ïa ki, hynrei, men phet ïap na khmat jong ki da ki hynñiew lynti: bad un pynsakma ïa me sha ki hima ka pyrthei baroh.

DEUTERONOMI 32:30

Kumno uwei un beh ïa ki shi hajar, bad ar ngut kin ïa-pynphet ïap ïa ki shiphew hajar, lymda U Mawsiang jong ki u la die noh ïa ki, bad U Trai u la aiti noh ïa ki?

JOSHUA 7:3

Bad ki la wan phai sha u Joshua, ki la ong ruh ha u, “Wat ai ba ki briew baroh kin leit kiew; tang kumba ar hajar ne lai hajar briew kin leit kiew bad kin jop ïa ka Ai; wat pynshitom ïa ki briew baroh shata, naba ki long khyndiat.”