JOSHUA 7:26 - KA BAIBL

²⁶ Ki la kynton ruh halor jong u ka kynton maw ka bakhraw, haduh kane ka sngi; kumta U Trai u la phai noh na kaba shit lep ka jingbitar jong u. Namar kata, la kyrteng ïa kata ka jaka, “ka Them Akhor,” haduh kane ka sngi.

Khasi CL Bible (BSI)

²⁶ Ki pynïeng ruh halor jong u ïa ka kynton maw kaba heh, kaba dang don haduh mynta. Dei namar kata ba ïa kata jaka la dang ïai khot ka Them Jingjynjar. Da kumta U Trai um shym da bitar shla shuh.

JOSHUA 7:26 ပူးပေါင်းရင်းမြစ်များ

2 SAMUEL 18:17

Te ki la shim ïa u Absalom bad ki la bred ïa u sha ka thliew kaba khraw ha kata ka khlaw, bad halor jong u ki la buh maw shikynton kaba khraw eh: ki Israel baroh te ki la phet ïap uwei uwei sha la ka ïingjaiñ.

2 SAMUEL 21:14

Bad ki la tep ïa kita ki shyieng jong u Saul bad ki jong u Jonathan u khun jong u ha ka ri Benjamin ha Sela ha u maw jingtep u Kish u kpa jong u: bad ki la pyndep ïa kiei kiei baroh ba u la hukum u syiem. Hadien kata te, U Blei u la sngewbha ïa ka ri.

2 KHRONIKL 29:10

Mynta te, ka don ha ka dohnud jong nga ban thaw ka jutang bad U Trai, U Blei ki Israel, ba ka jingbitar ba-itieng jong u kan phai noh na ngi.

ESRA 10:14

To ai te ba yn thung ïa ki rangbah jong ngi na ka bynta u paidbah baroh, bad to ai ba kita baroh kiba don ha ki shnong jong ngi kiba la shongkurim ïa ki kynthei nongwei kin wan ha ki por ba la buh, bad lem bad ki, ki tymmen basan kawei pa kawei ka shnong bad ki nongbishar jong ka, tad ynda yn pynphai noh ïa ka jingbitar ba-itieng U Blei jong ngi na ngi, haduh ban da pyndep noh ïa kane ka kam.”

SALM 85:4

To pynphai ïa ngi, A U Blei ka jingpynim jong ngi, bad to pynduh ïa la ka jingbitar ïa ngi.

EKSODOS 32:12

Balei ba kita ki Ijipt kin ïoh kren, da kaba ong, ‘Khnang ïa ka ban tyllep u la ïalam noh ïa ki, ban pynïap ïa ki ha ki lum, bad ban pynjot noh khoit keiñ ïa ki na khmat ka pyrthei?’ To phai noh na ka jingbitar ba-itieng jong me, to kylla noh ruh na kane ka basniew pyrshah ïa u paidlang jong me.

ISAÏAH 40:2

To kren pyntngen ïa ka Jerusalem, bad to pyrta ha ka, ba la pynwai noh ïa ka jingïaleh jong ka, ba la map noh ïa ka palat jong ka: ba ka la ïoh diang na ka kti U Trai ar shah namar ki pop jong ka baroh.

ISAÏAH 65:10

Bad ka Sharon kan long ka jingker ki kynhun langbrot, bad ka them Akhor ka jaka thiah ïa ki jingri, ïa ki briew jong nga kiba la wad ïa nga.

SNGEWSYNEI 3:53

Ki la ot noh ïa ka jingim jong nga ha ka thliew, ki la shat ïa ka maw halor jong nga.

HOSIA 2:15

Te ngan ai ha ka, ïa ki brisoh Waiñ jong ka nangta, bad ïa Ka Them Akhor ban long ka khyrdop ka jingkyrmen: kan phai ktien hangta ruh, kumba ha ki sngi ka jinglong samla jong ka, bad kumba ha ka sngi ba ka la wan kiew na ka ri Ijipt.

HOSIA 2:17

Naba ngan shim noh ïa ki kyrteng jong ki Baal na ka shyntur jong ka, te yn ym ïalap shuh ïa ki kyrteng jong ki.

JOEL 2:13

bad to kad ïa la ka dohnud, te ym ïa la ki jaiñkup,” bad to phai sha U Trai U Blei jong phi: naba u long uba aiei bad uba isynei lem, uba suki ban bitar, bad uba kynrei ha ka jingisynei, bad uba kylla-ka-bamut na ka jingpynsniew.

JOEL 2:18

Ynda kumta, U Trai u la sngewskuiñ na ka bynta la ka ri, bad u la isynei ïa la ki briew.

JONAH 1:15

Kumta, ki la shim ïa u Jonah, bad ki la bred noh ïa u sha duriaw: te ka duriaw ka la long jai jai.

SEKHARAÏAH 6:8

Ynda kumta, u la pyrta ha nga, bad u la kren ha nga, u da ong, “Ha khmih, kita kiba leit shaphang ka ri shatei ki la pynjai jai ïa ka mynsiem jong nga ha ka ri shatei.”

JINGKHEIÑ 25:8

bad u la bud nadien uta u briew uba kynja Israel hapoh ka ïingjaiñ, bad u la sum lyngba ïa ki baroh ar ngut, ïa uta u briew keiñ uba kynja Israel, bad ïa kata ka kynthei, lyngba na ka kpoh jong ka. Te kumta, la pynsangeh ïa ka jingïapthem na ki khun Israel.

DEUTERONOMI 13:17

Te kan ym snoh ei ei ruh na kata ïa kaba la tim, ha ka kti jong me: ba U Trai un phai noh na kaba shit lep ka jingbitar jong u, bad un pyni ïa ka jingisynei ïa me, bad un isynei ïa me, bad un pynroi ruh ïa me, kumba u la smai ha ki kpa jong me;

DEUTERONOMI 13:18

ynda men shahshkor ïa ka ktien U Trai uba U Blei jong me, da kaba sumar ïa ki hukum jong u baroh, ïa kiba nga hukum ïa me ha kane ka sngi, da kaba ïai-leh ïa kata kaba dei ha khmat U Trai uba U Blei jong me.

JOSHUA 10:27

Ka la jia ruh ha ka por ba ka sngi ka la sep, ba u Joshua u la hukum, bad ki la pynhiar ïa ki na kita ki dieng bad ki la bred ïa ki ha kata ka krem ha kaba ki la ïarieh, bad ki la buh ïa ki maw bakhraw ha khmat kata ka krem, kiba sah haduh kane ka sngi hi.

JOSHUA 7:24

Te u Joshua, bad ki Israel baroh lem bad u, ki la shim ïa u Akhan u khun u Serah, bad kata ka rupa, bad kata ka barandi, bad kata ka shi lyngkhot ka ksiar, ïa ki khun shynrang jong u ruh, bad ki khun kynthei, ïa ki masi dab jong u ruh, bad ki kadda jong u, bad ki langbrot jong u, bad ka ïingjaiñ jong u ruh de, bad ïa baroh katba u don: bad ki la wallam ïa ki sha ka them Akhor.

JOSHUA 8:29

Bad ïa u syiem ka Ai u la phasi halor u dieng haduh ban da la janmiet: te ynda la sep ka sngi, u Joshua u la hukum ba kin pynhiar ïa ka metïap jong u na uta u dieng, bad ban bred ïa ka ha khmat ka khyrdop jong kata ka shnong, bad ban kynton ka kynton maw ka bakhraw halor jong ka, haduh kane ka sngi.