JOSHUA 7:25 - KA BAIBL

²⁵ Bad u Joshua u la ong, “Balei me la pynjynjar ïa ngi? U Trai un pynjynjar ïa me ha kane ka sngi.” Te ki Israel baroh ki la lynthem ïa u da ki maw; bad ki la thang ïa ki da ka ding, ynda ki la lynthem ïa ki da ki maw.

Khasi CL Bible (BSI)

²⁵ Bad u Joshua u ong, “Balei me la pynngat ha ngi ïa ka jynjar kaba kum kane? U Trai mynta un pynngat ïa ka jynjar ha me!” Te ki briew baroh ki lynthem maw ïa u Akhan haduh ba un da ïap; ki lynthem maw bad ki thang ruh ïa ki ba-ha-ïing ha-sem jong u bad ïa ki jingdon jingem jong u.

JOSHUA 7:25 ပူးပေါင်းရင်းမြစ်များ

JENESIS 34:30

Ynda kumta, u Jakob u la ong ha u Simeon bad ha u Lebi, “Phi la pynshitom ïa nga da kaba phi la pynlong ïa nga uba ijli hapdeng ki trai-shnong jong kane ka ri, hapdeng ki kynja Kanaan bad ki kynja Peris keiñ: bad haba nga ruh nga long uba khyndiat briew, kin ïalang lem ban ïaleh ïa nga, bad kin pynïap noh ïa nga; kumta ïa nga yn sa pynjot noh; ma nga bad ka ïing jong nga.”

JENESIS 38:24

Bad ka la jia ruh ynda la lai bnai, ba la ïathuh ha u Judah, da kaba ong, “Ka Tamar ka pyrsa kurim jong me ka la kam nuti; bad ha khmih, ka la punkhun ruh da kaba klim.” Ynda kumta, u Judah u la ong, “To pynmih noh ïa ka, bad to ai ba yn thang noh ïa ka.”

1 KHRONIKL 2:7

Bad ki khun shynrang u Karmi: u Akhar, u nongpynjynjar ïa ki Israel, uba la leh palat ha kata ïa kaba la tim.

PROBERB 1:19

Kumta, ki long ki lynti jong uwei uwei baroh uba khwan ïa ka jingmyntoi; ka pynduh noh ïa ka jingim jong ki trai jong ka.

PROBERB 15:27

Uba khwan myntoi u pynshitom ïa la ka jong ka ïing: hynrei, uta uba isih ïa ki jingai, un im.

LEBITIKOS 20:14

Bad lada u briew u shim tnga ïa ka briew bad ïa ka kmie jong ka, kata ka long ka jingbymman eh: yn thang ïa uta bad ïa kita ha ka ding; ba ka jingbymman kan ym long hapdeng jong phi.

LEBITIKOS 20:2

“To ong ruh ha ki khun Israel, ‘Uno uno ruh na ki khun Israel, lane na ki nongwei ba wanhap ha Israel, ba aiti ïa la ki khun ha u Molek; yn sa pynïap shisha ïa uta: ki trai-shnong kin ïalynthem maw ïa u.

LEBITIKOS 21:9

Lada ka khun u lyngdoh ka da pyntngit ïa lade da kaba klim, ka pyntngit ruh ïa la u kpa: yn thang ïa ka da ka ding.

LEBITIKOS 24:14

“To wallam ïa uta u nongkrenbeiñ blei shabar ka jaka shong dara; bad to ai ba baroh kat kiba la ïohsngew ïa u kin buh ïa la ki kti halor ka khlieh jong u, bad u paidlang baroh un lynthem maw ïa u.

GALATIA 5:12

A nga da kwah ba kita kiba pynkhuslai ïa phi, kin da ot noh ïa lade.

DEUTERONOMI 13:10

Bad men lynthem ïa u da ki maw, ba un ïap keiñ; namar ba u la thew ban ñiat noh ïa me na U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw keiñ.

DEUTERONOMI 13:11

Ki Israel baroh te kin ïohsngew, bad kin ïasheptieng, bad kin ym leh shuh ïa ka bymman kat kane, hapdeng jong phi.

DEUTERONOMI 17:5

Ynda kumta, men wallam noh ïa uta u briew, lane ïa kata ka briew, kiba la leh ïa kata ka bymman, sha ki khyrdop jong me, ïa uta u briew, lane ïa kata ka briew keiñ, bad men lynthem ïa ki da ki maw, ha ban da ki ïap.

DEUTERONOMI 21:21

Ynda kumta, ki briew baroh ka nongbah jong u, kin ïalynthem maw ïa u, ba un ïap: kumta men pynduh noh ïa ka basniew napdeng jong phi; bad ki Israel baroh kin ïohsngew, bad kin ïasheptieng.

2 THESSALONI 1:6

lada long kumta, ba ka long kaba hok bad U Blei ban siew kylliang ïa ka jingjynjar ha kita kiba pynjynjar ïa phi;

HEBRU 12:15

da kaba khmih bniah ïoh don uno uno u briew u ban ym kot sha ka jingaiei U Blei; ïoh ba uno uno ruh u thied ka jingkthang uba da mih shluiñ un pynkhuslai ïa phi, bad da uta, yn ïoh pyntngit ïa kiba bun:

JOSHUA 6:18

Phi te, la kumno kumno phin kyndiah noh ïa lade na kata kaba la tim, ba ïoh phi hi phin long kiba la tim haba phi shim na kata kaba la tim; kumta phin pynlong ka jingtim ïa ka dara ki Israel, bad phin pynjynjar ïa ka.

JOSHUA 7:15

Kan sa long ruh, ba uta ïa uba yn kem ba don kata ka basang bad u, yn thang ïa u da ka ding, ïa u bad baroh katba u don: namar u la ryngkang ïa ka jutang U Trai, bad namar u la leh ïa ka jingbieit ha Israel.’ ”

1 SAMUEL 14:29

Te u Jonathan u la ong, “U kpa jong nga u la pynshitom ïa ka ri: khmih mynta, nga kyrpad ïa phi, kumno ba la pynshai ïa ki khmat jong nga, namar ba nga la mad khyndiat na kane ka ngap.