JOSHUA 7:24 - KA BAIBL

²⁴ Te u Joshua, bad ki Israel baroh lem bad u, ki la shim ïa u Akhan u khun u Serah, bad kata ka rupa, bad kata ka barandi, bad kata ka shi lyngkhot ka ksiar, ïa ki khun shynrang jong u ruh, bad ki khun kynthei, ïa ki masi dab jong u ruh, bad ki kadda jong u, bad ki langbrot jong u, bad ka ïingjaiñ jong u ruh de, bad ïa baroh katba u don: bad ki la wallam ïa ki sha ka them Akhor.

Khasi CL Bible (BSI)

²⁴ U Joshua, lem bad ki paid Israel, ki shim ïa u Akhan, ka rupa, ka barandi, ka lyngkhot ksiar, lem bad ïa ki khun shynrang bad khun kynthei jong u Akhan, ki jingri jong u, ki kada jong u, bad ki langbrot jong u, ka ïingjaiñ jong u, bad kaei kaei baroh kaba u don, bad ki ïalam ïa ki sha ka Them Jingjynjar.

JOSHUA 7:24 ပူးပေါင်းရင်းမြစ်များ

JENESIS 18:25

To ai kan long jngai na me ban leh ha kane ka rukom, ban pynïap ïa u bahok lem bad u bymman, kat ban pynlong ïa u bahok kum u bymman; to ai kan long jngai na me kata: u Nongbishar ka pyrthei baroh kawei un ym leh hok mo?”

Ka Kitab U Job 20:15

U la nguid ïa ki spah, bad un prie noh ïa ki pat: U Blei un khlaw noh ïa ki na ka kpoh jong u.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

PROBERB 15:27

Uba khwan myntoi u pynshitom ïa la ka jong ka ïing: hynrei, uta uba isih ïa ki jingai, un im.

EKLESIASTIS 5:13

Don ka jingsniew kaba jur ïa kaba nga la ïohi hapoh ka sngi, ki spah ba la rieh u trai jong ki ban pynsniew ïa lade:

ISAÏAH 65:10

Bad ka Sharon kan long ka jingker ki kynhun langbrot, bad ka them Akhor ka jaka thiah ïa ki jingri, ïa ki briew jong nga kiba la wad ïa nga.

HOSIA 2:15

Te ngan ai ha ka, ïa ki brisoh Waiñ jong ka nangta, bad ïa Ka Them Akhor ban long ka khyrdop ka jingkyrmen: kan phai ktien hangta ruh, kumba ha ki sngi ka jinglong samla jong ka, bad kumba ha ka sngi ba ka la wan kiew na ka ri Ijipt.

JOSHUA 15:7

bad ka pud ka la kiew artet sha Debir na ka them Akhor, bad kumta shatei, da phai shaphang Gilgal, kata ka long marpyrshah u thiep Adummim, uba long shaphang shathie na ka wah: kata ka pud ka la pom shaphang ki um En-shemesh, bad ka bakut jong ka, ka la long ha En-rogel:

JOSHUA 22:20

U Akhan u khun u Serah um shym la leh palat ha kata ka basang, bad ka jingbitar ka la hap ha u paidbah ki Israel baroh? bad uta u briew um shym la jot marwei ha la ka pop.’ ”

JOSHUA 6:18

Phi te, la kumno kumno phin kyndiah noh ïa lade na kata kaba la tim, ba ïoh phi hi phin long kiba la tim haba phi shim na kata kaba la tim; kumta phin pynlong ka jingtim ïa ka dara ki Israel, bad phin pynjynjar ïa ka.

JOSHUA 6:21

Bad ki la pynjot thiaw ïa baroh ba la don ha kata ka shnong, shynrang bad kynthei, khynnah bad tymmen, bad masi dab, bad langbrot, bad kadda, da ka syrti waitlam.

JOSHUA 7:1

Hynrei, ki khun Israel ki la leh palat ha kata ka basang: namar u Akhan, u khun u Karmi, u khun u Sabdi, u khun u Serah, na ka jaid Judah, u la shim na kata ka basang: bad ka jingbitar U Trai ïa ki khun Israel ka la meh.

JOSHUA 7:23

Te ki la shim ïa kita napdeng kata ka ïingjaiñ, bad ki la wallam ïa ki ha u Joshua, bad ha ki khun Israel baroh; ki la buh ïa ki ruh ha khmat U Trai.

JOSHUA 7:26

Ki la kynton ruh halor jong u ka kynton maw ka bakhraw, haduh kane ka sngi; kumta U Trai u la phai noh na kaba shit lep ka jingbitar jong u. Namar kata, la kyrteng ïa kata ka jaka, “ka Them Akhor,” haduh kane ka sngi.