JOSHUA 7:21 - KA BAIBL

²¹ haba nga la ïohi hapdeng ki jinglute, ka barandi Babilon ba-itynnad, bad arspah shekel ka rupa, bad shi lyngkhot ka ksiar kaba sanphew shekel da ka jingthew, ynda kumta, nga la ikwah ïa ki, bad nga la shim ïa ki; ha khmih ruh, la buhrieh ïa ki hapoh khyndew hapdeng ka ïingjaiñ jong nga, bad ka rupa hapoh jong ka.”

Khasi CL Bible (BSI)

²¹ Napdeng kita ki mar kiba ngi la kurup, nga la ïohi kawei ka barandi Babilon kaba itynnat, kumba ar kilo ka rupa, bad shi lyngkhot ka ksiar kaba khia palat shiteng kilo. Nga la ikwah eh ïa ki, bad nga la shim ïa ki. Phin shem ba la tep ïa ki hapoh ka ïingjaiñ jong nga, bad ka rupa ka don ha trai.”

JOSHUA 7:21 ပူးပေါင်းရင်းမြစ်များ

JENESIS 10:10

Bad ka jingsdang ka hima jong u ka la long ka Babel, bad ka Erekh, bad ka Akkad, bad ka Kalneh, ha ka ri Shinar.

JENESIS 3:6

Te haba kata ka briew ka la ïohi ba uta u dieng u la long u babha ban bam, bad uba itynnad ïa ki khmat, bad u dieng uba bit ïa ka ban pynstad, ka la shim na u soh jong u, bad ka la bam ruh, bad ka la ai lem ruh de ha la u tnga; u ruh u la bam.

JENESIS 34:27

Kita ki khun shynrang u Jakob ki la ïawan hiar ha kita ïa kiba la shoh ïap, bad ki la ïalute ïa kata ka nongbah, namar ba ki la lah pynkheiñ burom ïa ka para jong ki.

JENESIS 6:2

ba ki khun shynrang U Blei ki la ïohi ïa ki khun kynthei ki jong ki briew ba ki bhabriew; bad ki la shim ki tnga ïa lade na kat kiba ki la ïa-ibha.

2 SAMUEL 11:2

Ka la jia te ha kawei ka janmiet, ba u Dabid u la khie na la ka jingthiah bad u la ïaid kai hajrong ïing ka ïing u syiem: bad na jrong ïing, u la ïohi ïa ka kynthei ba ka da sum; te kata ka kynthei ka la long kaba bhabriew eh ban khmih ïa ka.

2 SYIEM 7:8

Te haba kine ki bapang 'ñiangthohlieh ki la poi harud kata ka dara, ki la leit rung sha kawei ka ïingjaiñ, bad ki la ïabam ïadih, bad ki la ïakit nangta ka rupa, bad ka ksiar, bad ki jaiñ, bad ki la leit buhrieh ïa ki; te ynda ki la phai pat, ki la leit rung sha kawei pat ka ïingjaiñ, bad ki la kit nangta ruh, bad ki la leit buhrieh ïa ka.

Ka Kitab U Job 31:1

“Nga la pynlong jutang bad la ki khmat; kumno te ngan leit khmih ïa ka samla?

SALM 119:37

To pynphai noh ïa ki khmat jong nga na kaba khmih ïa ka jingthala, bad pynim ïa nga ha ki lynti jong me.

EKSODOS 20:17

“Men ym ikwah ïa ka ïing u paramarjan jong me, men ym ikwah ïa ka tnga u paramarjan jong me, lymne ïa u mraw jong u, lymne ïa ka mraw jong u, lymne ïa u masi jong u, lymne ïa u kadda jong u, lymne ïa kaei kaei ruh kaba dei ka jong u paramarjan jong me.”

PROBERB 1:19

Kumta, ki long ki lynti jong uwei uwei baroh uba khwan ïa ka jingmyntoi; ka pynduh noh ïa ka jingim jong ki trai jong ka.

PROBERB 23:31

Wat khmih ïa ka Waiñ haba ka saw, haba ka pynmih ïa la ka rong ha ka khuri, haba ka leit hiar jem:

PROBERB 28:22

U briew u basniew ka khmat u beh kyrkieh ïa ka spah, bad um tip ba ka jingkyrduh kan wan lap ïa u.

PROBERB 4:23

To ri khop ïa la ka dohnud da kaba sumar eh; naba na ka ki wan ki jingmih ka jingim.

ISAÏAH 28:15

naba phi la ong, “Ngi la pynlong jutang bad ka jingïap, bad ka dujok ruh ngi don jingïakut; haba ka jingsympat bashlei kan ïaid lyngba, kan ym wan ha ngi; namar ngi la pynlong jaka rieh ïa ka jinglamler, bad hapoh ka jinglamler ngi la buhrieh ïa lade”:

ISAÏAH 29:15

Kordit ïa kita kiba wad jylliew ban buhrieh ïa la ka jingsylla na U Trai, ki kam jong ki ruh ki long ha ka ba-dum, bad ki ong, “Uei ba ïohi ïa ngi? Uei ruh ba tip ïa ngi?”

HABAKKUK 2:9

“Kordit ïa uta uba pynïoh ka nong kaba pop ïa la ka ïing ba un ïoh buh sha jrong ïa la ka skum, khnang ba un ïohlait na ka kti ka jingsniew!”

LOUKAS 12:15

U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.”

LOUKAS 12:2

Hynrei, ym don ei ei ruh ba la tap, ïa kaba yn ym pynpaw, bad ba la buhrieh, ïa kaba yn ym pyntip.

EPHESOS 5:3

Hynrei, ïa ka jingklim, bad ka jingleh jakhlia baroh, lane ka jingikwah lalot, wat ai wat ban ïalap ïa ki hapdeng jong phi, kumba ka dei keiñ ïa ki riewkhuid;

EPHESOS 5:5

Namar phi tip skhem ïa kane, ba uwei pa uwei uba klim, bad uba leh jakhlia, bad uba ikwah lalot, uba long uba mane bleithaw, um don ka bynta ha ka hima U Khrist bad U Blei.

DEUTERONOMI 7:25

Men thang ïa ki dur ba la mut ki blei jong ki da ka ding: men ym ikwah ïa ka rupa, lane ïa ka ksiar kaba halor jong ki, ïa ka ban shim ha lade, ba ïoh yn riam ïa me ha kata: namar ka long kaba ijli ha U Trai uba U Blei jong me:

KOLOSSAI 3:5

Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw;

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JAKOB 1:15

Ynda kumta, kata ka jingkwah brai, haba ka la pun, ka kha ïa ka pop, te kata ka pop, haba ka la san, ka kha ïa ka jingïap keiñ.

JOSHUA 7:20

Te u Akhan u la ïathuh ha u Joshua, bad u la ong, “Shisha nga la leh pop ïa U Trai, U Blei ki Israel, bad kumne bad kumtai nga la leh:

JOSHUA 7:22

Kumta, u Joshua u la phah ki briew, bad ki la ïaphet sha kata ka ïingjaiñ; ha khmih ruh, la buhrieh ïa ka ha kata ka ïingjaiñ jong u, bad kata ka rupa hapoh jong ka.

2 PETROS 2:15

kiba haba ki la iehnoh noh ïa ka lynti kaba beit, ki la leit sakma, da kaba bud noh ïa ka lynti u Balaam u khun u Beor, uba la ieit ïa ka bainong ka jingbymhok;