JOSHUA 7:16 - KA BAIBL

¹⁶ Kumta, u Joshua u la khie dang step, bad u la wallam ïa ki Israel katba kum ki jaid jong ki; te la kem ïa ka jaid Judah:

Khasi CL Bible (BSI)

¹⁶ Dang step phyrngab ha ka sngi kaba bud u Joshua u wan ïalam ïa ki Israel sha khmat, shi jait shi jait, bad la kdew ïa ka jait Judah.

JOSHUA 7:16 ပူးပေါင်းရင်းမြစ်များ

JENESIS 22:3

Te u Abraham u la khie dang step eh, bad u la teh ïa ka jin halor ka kadda jong u, bad u la shim lem bad u ïa ki samla jong u ar ngut, bad ïa u Isaak u khun jong u, bad u la thlieh ïa ki dieng ïa kata ka jingainguh thang, bad u la mih noh joit, bad u la leit ruh sha kata ka jaka ïa kaba U Blei u la lah ong ha u.

SALM 119:60

Nga la pynkloi, bad ngam shym pyntud, ïa ka ban rakhe ïa ki hukum jong me.

EKLESIASTIS 9:10

Kaei kaei baroh ba ka kti jong me ka shem ban leh, leh ïa kata da la ka borbah; namar ym don ka kam, lymne buit, lymne ka jingtip, lymne ka jingstad, ha ka jingtep, sha kaba me leit.

JOSHUA 3:1

Te u Joshua u la khie dang step, bad ki la ïamih na Shittim, bad ki la ïapoi sha Jordan, ma u bad ki khun Israel baroh; bad ki la shong shuwa hangta, ki sa ryngkang sha shiliang.

JOSHUA 7:15

Kan sa long ruh, ba uta ïa uba yn kem ba don kata ka basang bad u, yn thang ïa u da ka ding, ïa u bad baroh katba u don: namar u la ryngkang ïa ka jutang U Trai, bad namar u la leh ïa ka jingbieit ha Israel.’ ”

JOSHUA 7:17

bad u la wallam ïa ki kur u Judah; te u la kem ïa ka kur ki Serah: bad u la wallam ïa ka kur ki Serah ha la u briew u briew; bad la kem ïa u Sabdi:

NONGBISHAR 20:19

Ki khun Israel te haba ki la khie joit mynstep, ki la sher dara ban ïaleh ïa ka Gibeah.