JOSHUA 7:15 - KA BAIBL

¹⁵ Kan sa long ruh, ba uta ïa uba yn kem ba don kata ka basang bad u, yn thang ïa u da ka ding, ïa u bad baroh katba u don: namar u la ryngkang ïa ka jutang U Trai, bad namar u la leh ïa ka jingbieit ha Israel.’ ”

Khasi CL Bible (BSI)

¹⁵ Ïa uta uba la shah kdew bad ha uba la lap ïa ki tiar ki tar kiba la mana yn thang ha ka ding, lem bad ïa ka longïing jong u, bad kaei kaei baroh kaba u don, naba u wanrah ïa ka jinglehrain bashyrkhei ïa ki Israel bad u la pynkheiñ ïa ka jutang jong nga.”

JOSHUA 7:15 ပူးပေါင်းရင်းမြစ်များ

JENESIS 34:7

Bad ki khun shynrang u Jakob ki la ïawan noh na kata ka lyngkha ynda ki la ïohsngew ïa kata: bad kita ki rangbah ki la ïasngewsih, bad ki la ïasngewbitar eh naba u Shekhem u la leh ïa kaba bieit sniew pyrshah ïa u Israel da kaba u ïoh thiah bad ka khun u Jakob; ïa kaba ym shym dei ban leh keiñ.

2 SAMUEL 13:13

Nga ruh ngan kit shaei ïa la ka jinglehrain? ma me te men long kum uwei na ki riewbieit ha Israel. Mynta namar kata te, nga kyrpad ïa me, to ïakren bad u syiem; naba un ym adong ïa nga ha me.”

JOSHUA 7:11

U Israel u la leh pop; bad ki la ryngkang ruh ïa ka jutang jong nga ïa kaba nga la hukum ïa ki: namar ki la shim ïa kata ka basang; bad ki la tuh ruh, bad ki la shukor ruh de, ki la buh ïa ka ruh hapdeng ki jingbuh jong ki.

JOSHUA 7:16

Kumta, u Joshua u la khie dang step, bad u la wallam ïa ki Israel katba kum ki jaid jong ki; te la kem ïa ka jaid Judah:

NONGBISHAR 20:10

na ki shispah ngut ngin shim shiphew ngut na ki jaid Israel baroh, bad na ki shi hajar ngut shispah, bad na ki shiphew hajar ngut shi hajar, ban rah jingbam ïa u paidbah, ba ynda ki la wan sha Gibeah jong u Benjamin, kin ïoh leh katba kum kata ka jingbymman baroh ïa kaba ki la leh ha Israel.”

NONGBISHAR 20:5

Bad ki nong Gibeah ki la ïeng ïaleh ïa nga, bad ki la ker tawiar ïa ka ïing pyrshah ïa nga mynmiet; ki la mut ban pynïap ïa nga, bad ïa ka tnga kliar jong nga ki la khñiot, bad ka la ïap.

NONGBISHAR 20:6

Te haba nga la shim ïa ka tnga kliar jong nga, nga la ot dkhot ïa ka, bad nga la phah ïa ka ha ka ri jong ka ri kynti ki khun Israel baroh: naba ki la leh kaba ijli bad ka bymman ha Israel.

1 SAMUEL 26:21

Ynda kumta, u Saul u la ong, “Nga la leh pop; to wan phai noh, ko Dabid u khun jong nga: namar ngan ym pynsniew shuh ïa me, naba ka jingim jong nga ka la long ka bakordor ha khmat jong me ha kane ka sngi: ha khmih, nga la leh bieit, bad nga la leh bakla shikatdei.”