JOSHUA 6:6 - KA BAIBL

⁶ Te u Joshua u khun u Nun u la khot ïa kita ki lyngdoh, bad u la ong ha ki, “To rah ïa ka synduk ka jutang, to ai ruh ba hynñiew ngut ki lyngdoh kin rah ïa ki hynñiew tylli ki turoi jubili ha shuwa ka synduk U Trai.”

Khasi CL Bible (BSI)

⁶ U Joshua u la khot ïa ki lyngdoh bad ong ha ki, “Shim ïa ka Synduk ka Jutang, bad hynñiew ngut na phi kin leit ha shuwa jong phi, da kaba kieng ïa ki turoi.”

JOSHUA 6:6 ပူးပေါင်းရင်းမြစ်များ

EKSODOS 25:14

Men buh ruh ïa kita ki dieng jingbah ha kita ki kyrwoh ha baroh ar liang kata ka synduk, ïa ka ban bah da ki ïa ka synduk.

KI KAM 9:1

Te u Saul, haba u dang pyrsad ki jingbyrngem bad ka jingpynïap ïa ki synran jong U Trai, u la leit ha u rangbah lyngdoh,

JOSHUA 24:11

Bad phi la leit sha shiliang ka Jordan, bad phi la wan ha Jerikho: te ki nong Jerikho ki la ïaleh ïa phi, ki Amor, bad ki Peris, bad ki Kanaan, bad ki Hit, bad ki Girgash, bad ki Hib, bad ki Jebus; bad nga la ai noh ïa ki ha ka kti jong phi.

JOSHUA 3:3

bad ki la hukum ïa u paidbah, ki da ong, “Haba phi ïohi ïa ka synduk ka jutang U Trai U Blei jong phi, bad ba ki lyngdoh ki Lebi ki da bah ïa ka, ynda kumta, phin ïeng na ka jaka jong phi, bad phin leit hadien jong ka.

JOSHUA 3:6

U Joshua u la kren ruh ha ki lyngdoh, u da ong, “To ïarah ïa ka synduk ka jutang, bad leit sha shiliang ha shuwa u paidbah.” Te ki la ïarah ïa ka synduk ka jutang, bad ki la leit ha shuwa u paidbah.

JOSHUA 6:13

Bad kita ki hynñiew ngut ki lyngdoh kiba rah ïa kita ki hynñiew tylli ki turoi jubili ha shuwa ka synduk U Trai ki la ïai-ïaid, bad ki la put da kita ki turoi: bad kita kiba kieng atiar ki la nang ïaid sha shuwa jong ki; hynrei, uta u paidbah bakhatduh u la bud nadien kata ka synduk U Trai, bad kita ki lyngdoh ki la nang ïaid ïa-put artad da kita ki turoi.

JOSHUA 6:5

Te haba yn put kynsan da kita ki turoi jubili, bad haba phin ïohsngew ka jingsawa kata ka turoi, u paidbah baroh un risa da ka jingrisa bajam; te ka kynroh ka shnong kan kyllon kram, bad uta u paidbah un kiew uwei uwei baroh pyrshah beit ïa u.”

JOSHUA 6:7

Bad u la ong ha uta u paidbah, “To khie leit, to ïaid sawdong ruh ïa ka shnong, bad kita kiba kieng atiar kin nang ïaid sha shuwa ka synduk U Trai.”

JOSHUA 6:8

Te haba u Joshua u la kren ha uta u paidbah kumta, kita ki hynñiew ngut ki lyngdoh kiba rah ïa kita ki hynñiew tylli ki turoi jubili ha khmat U Trai ki la nang ïaid, bad ki la put da kita ki turoi: bad kata ka synduk ka jutang U Trai ka la bud ïa ki.

1 SAMUEL 4:3

Te ynda kita ki paidbah ki la ïawan sha ka jaka shong dara, ki tymmen basan jong ki Israel ki la ïa-ong, “Balei U Trai u la shoh ïa ngi mynta ha khmat ki Philistia? Ïa ngin ïaleit shim sha ngi na Sheiloh ïa ka synduk ka jutang U Trai, ba kan wan hapdeng jong ngi, ïa ka ban pynim ïa ngi na ka kti ki nongshun jong ngi.”