JOSHUA 6:5 - KA BAIBL

⁵ Te haba yn put kynsan da kita ki turoi jubili, bad haba phin ïohsngew ka jingsawa kata ka turoi, u paidbah baroh un risa da ka jingrisa bajam; te ka kynroh ka shnong kan kyllon kram, bad uta u paidbah un kiew uwei uwei baroh pyrshah beit ïa u.”

Khasi CL Bible (BSI)

⁵ Nangta ki dei ban pynsawa ïa kawei ka sur kaba jlan. Tang mar shu ïohsngew ïa kata, ki briew baroh ki dei ban risa jam, bad ki kynroh jong ka nongbah kin khyllem. Nangta ka kynhun shipai baroh kawei kan leit beit beit shapoh ka nongbah.”

JOSHUA 6:5 ပူးပေါင်းရင်းမြစ်များ

EKSODOS 19:19

Te mynba ka jingsawa ka turoi ka la slem eh, bad ka la nang kham jam nang kham jam, u Moses u la kren, bad U Blei u la phai ktien ïa u da ka ktien sawa.

ISAÏAH 25:12

Ïa ka kut baskhem ruh jong ka kut bajrong ki kynroh jong me u la pyndem, pynhiar, bad pynhap ha khyndew, haduh ka 'dewmet keiñ.

ISAÏAH 30:25

Te halor u lum bah ba san baroh, bad halor u lum bajrong baroh, yn long ki wah bad ki wah duid ki um, ha kata ka sngi ka jingpynïap bakhraw, ynda ki jingtei kut ki kyllon.

JEREMAÏAH 50:15

To kynha pyrshah ïa ka baroh sawdong; ka la pynkohnguh ïa lade; ki kynroh ïada jong ka ki la hap, ïa ki kynroh jong ka la pynkyllon: namar ka long ka jingpynhiar kput U Trai; to pynhiar kput halor jong ka; kumba ka, ka la leh, to leh ïa ka.

HEBRU 11:30

Da ka jingngeit, ki kynroh ka Jerikho ki la kyllon kram, ynda la ïaid tawiar ïa ki, hynñiew sngi.

JOSHUA 6:16

Te ha ka bahynñiew sien, haba kita ki lyngdoh ki la put da kita ki turoi, u Joshua u la ong ha uta u paidbah, “To ïarisa; namar U Trai u la ai ïa kata ka shnong ha phi.

JOSHUA 6:20

Kumta, uta u paidbah u la risa, bad kita ki lyngdoh ki la put da kita ki turoi: te haba uta u paidbah u la ïohsngew ïa ka jingsawa kata ka turoi, kumta, uta u paidbah u la risa da ka jingrisa bajam, te kata ka kynroh ka la kyllon kram, ba kumta uta u paidbah u la kiew sha shnong, uwei uwei baroh keiñ marpyrshah beit ïa u, bad ki la jop ïa kata ka shnong.

JOSHUA 6:4

Bad hynñiew ngut ki lyngdoh kin rah ha shuwa ka synduk, hynñiew tylli ki turoi jubili: bad ha ka bahynñiew ka sngi phin ïaid sawdong ïa ka shnong, hynñiew sien, bad kita ki lyngdoh kin put da kita ki turoi.

JOSHUA 6:6

Te u Joshua u khun u Nun u la khot ïa kita ki lyngdoh, bad u la ong ha ki, “To rah ïa ka synduk ka jutang, to ai ruh ba hynñiew ngut ki lyngdoh kin rah ïa ki hynñiew tylli ki turoi jubili ha shuwa ka synduk U Trai.”

NONGBISHAR 20:37

Kita kiba ker kdong te ki la pynkloi bad ki la tur ha Gibeah; bad kita kiba ker kdong ki la nang wan hajan, bad ki la pom ïa ka shnong baroh da ka syrti waitlam.

1 SAMUEL 17:20

Te u Dabid u la khie dang step, bad u la iehnoh ïa kita ki langbrot bad u nongsumar, bad u la shim, bad u la leit, kumba la hukum u Jesse ïa u; te u la poi sha kata ka jaka shong dara, katba ki paidïapom ki dang ïaleit mih sha kata ka jaka ïaleh, bad ki da ïarisa ban sa ïaleh.

1 SAMUEL 17:52

Bad ki paidbah Israel bad Judah ki la ïeng, bad ki la risa, bad ki la beh ïa ki Philistia, haduh kaba poi ha Gath, bad haduh ki khyrdop ka Ekron keiñ. Te kita ki Philistia ki la kyllon ba la pynmynsaw ïa ki ha kata ka lynti sha Shaaraim, jin haduh Gath, bad haduh Ekron de.

1 SAMUEL 4:5

Te haba ka la wan ka synduk ka jutang U Trai sha ka jaka shong dara, ki Israel baroh ki la risa da ka jingrisa kaba jam, katba ka la sawa pat ka khyndew.