JOSHUA 6:4 - KA BAIBL

⁴ Bad hynñiew ngut ki lyngdoh kin rah ha shuwa ka synduk, hynñiew tylli ki turoi jubili: bad ha ka bahynñiew ka sngi phin ïaid sawdong ïa ka shnong, hynñiew sien, bad kita ki lyngdoh kin put da kita ki turoi.

Khasi CL Bible (BSI)

⁴ Hynñiew ngut ki lyngdoh, uwei uwei uba rah ïa ka turoi, kin ïaid ha shuwa ka Synduk ka Jutang. Ha ka sngi kaba hynñiew, ma me lem bad ki shipai jong me, men ïaid tawiar hynñiew sien ïa ka nongbah katba ki lyngdoh ki dang put ïa ki turoi.

JOSHUA 6:4 ပူးပေါင်းရင်းမြစ်များ

JENESIS 2:3

Bad U Blei u la kyrkhu ïa kata ka bahynñiew ka sngi, bad u la kyntang khuid ïa ka: naba ha kane ka sngi u la shong sngi na ka kam jong u baroh ïa kaba U Blei u la lah pynlong bad thaw.

1 SYIEM 18:43

Bad u la ong ha la u shakri, “To leit kiew, khmih shaphang ka duriaw.” Te haba u la leit kiew bad u la khmih, u ong, “Ym don ei ei.” U te u ong, “To leit pat hynñiew sien.”

2 SYIEM 5:10

U Elisha te u la phah u nonglam-ktien ha u, u da ong, “Khie leit sum ha Jordan hynñiew sien, bad ka doh jong me kan wan biang ha me, bad men long khuid.”

2 SYIEM 5:14

Ynda kumta, u la leit hiar, bad u la sum hynñiew sien ha Jordan, katba kum ka jingong u briew jong U Blei: bad ka doh jong u ka la wan biang kum ka doh u khunlung, bad u la khuid.

2 KHRONIKL 13:12

Te ha khmih, U Blei hi u long ryngkat bad ngi, ban ïalam ïa ngi, bad ki lyngdoh jong u ruh lem bad ki turoi ka jingmaham ban put ka jingmaham pyrshah ïa phi. A phi ki khun Israel, wat ïaleh pyrshah ïa U Trai, U Blei ki kpa jong phi; namar phin ym lah.”

2 KHRONIKL 20:17

Phim donkam ban ïaleh ha kane ka thma: to buh beit ïa lade, to ïeng thik, bad khmih ïa ka jingpynim U Trai bad phi, ko Judah bad Jerusalem:’ wat sheptieng, lymne khaw-eit: to khie leit lashai ban ïaleh ïa ki; namar U Trai u long lem bad phi.”

2 KHRONIKL 20:19

Bad ki Lebi, kiba na ki khun ki Kohath bad kiba na ki khun ki Korah, ki la ïeng joit ban ïaroh ïa U Trai, U Blei ki Israel, da ka ktien bajam eh.

2 KHRONIKL 20:21

Bad haba u la lah ïapyrkhat bad u paidbah, u la thung ïa kita ki ban rwai ha U Trai, bad ki ban ïaroh ïa ka jingitynnad ka jingkhuid, katba ki ïaïaid ha shuwa ki paidïapom, bad ba kin ong, “To ainguh ïa U Trai; namar ka jingisynei jong u ka neh junom.”

Ka Kitab U Job 42:8

Mynta, namar kata, to shim ha phi hynñiew tylli ki masi dab bad hynñiew tylli ki langbrot shynrang, bad leit sha u shakri jong nga u Job, bad to ainguh na ka bynta ïa lade ïa ka jingainguh thang; te u shakri jong nga u Job un duwai na ka bynta jong phi; namar ïa u ngan pdiang sngewbha, ba ngan ym leh ha phi katba kum ka jingbieit jong phi; naba phim shym kren ïa kata kaba dei shaphang jong nga, kumba u la leh u shakri jong nga u Job.”

ISAÏAH 27:13

Te kan jia ha kata ka sngi, ba yn put ïa ka ronsing bakhraw; kita ruh kin wan ki ban sa jot ha ri Assyria, bad kita ruh kiba la long nongphetwir ha ri Ijipt; te kin ïamane ïa U Trai ha u lum bakhuid ha Jerusalem.

LEBITIKOS 14:16

hadien kata, u lyngdoh un wieh ïa la ka shynriah'ti kamon ha kata ka umphniang ba don ha ka sla'ti kadiang jong u, bad un synreit na kata ka umphniang da la ka shynriah'ti, hynñiew sien, ha khmat U Trai:

LEBITIKOS 4:6

bad u lyngdoh un wieh ïa la ka shynriah'ti ha kata ka snam, bad un synreit na kata ka snam ha khmat U Trai hynñiew sien, ha khmat ka jingkah jong ka jaka kyntang.

SEKHARAÏAH 4:2

Bad u la ong ha nga, “Me ïohi aïu?” Te nga la ong, “Nga la ïohi, bad ha khmih, u dieng pynïeng sharak uba da ka ksiar baroh, bad la ka shata sharak halor ka kliar jong u, bad la ki hynñiew sharak halor jong u; ki don hynñiew tylli ki tyndong ïa kawei kawei na kita ki sharak kiba halor ka kliar jong u:

SEKHARAÏAH 4:6

Ynda kumta, u la ïathuh bad u la kren, u da ong, “Kane ka long ka ktien U Trai ha u Serubbabel, ka da ong, ‘Ym da u paidïapom, lymne da ka bor, hynrei, da U Mynsiem jong nga,’ ” ong U Trai ki paid.

JINGKHEIÑ 23:1

Te u Balaam u la ong ha u Balak, “To tei hynñiew tylli ki duwan ha nga hangne, to khreh ruh ha nga hangne, hynñiew tylli ki masi dab, bad hynñiew tylli ki langbrot shynrang.”

JOSHUA 6:13

Bad kita ki hynñiew ngut ki lyngdoh kiba rah ïa kita ki hynñiew tylli ki turoi jubili ha shuwa ka synduk U Trai ki la ïai-ïaid, bad ki la put da kita ki turoi: bad kita kiba kieng atiar ki la nang ïaid sha shuwa jong ki; hynrei, uta u paidbah bakhatduh u la bud nadien kata ka synduk U Trai, bad kita ki lyngdoh ki la nang ïaid ïa-put artad da kita ki turoi.

JOSHUA 6:3

Bad ki paidïapom baroh phin tawiar ïa ka shnong, da kaba ïaid sawdong ïa ka shnong shi sien. Kumta men leh hynriew sngi.

JOSHUA 6:5

Te haba yn put kynsan da kita ki turoi jubili, bad haba phin ïohsngew ka jingsawa kata ka turoi, u paidbah baroh un risa da ka jingrisa bajam; te ka kynroh ka shnong kan kyllon kram, bad uta u paidbah un kiew uwei uwei baroh pyrshah beit ïa u.”

JINGPYNPAW 1:20

ïa ka jingmaïan shaphang kita ki hynñiew ki khlur ïa kiba me la ïohi ha ka kti kamon jong nga, bad ïa kita ki hynñiew ki dieng pynïeng sharak ksiar. Kita ki hynñiew ki khlur ki long ki angel jong kita ki hynñiew balang, bad kita ki hynñiew ki dieng pynïeng sharak ki long ki hynñiew balang.

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 10:3

bad u la pyrta da ka ktien bajam, kumba kyrhuh u sing; te mynba u la pyrta, ki hynñiew ki pyrthat ki la ïalap ïa ki ktien sawa jong ki.

JINGPYNPAW 15:1

Bad nga la ïohi ïa kawei pat ka dak khyllah ha bneng, kaba khraw bad ba-iphylla, hynñiew angel kiba don hynñiew ki jingïapthem, kiba long ki bakhatduh; naba ha ki la pyndep noh ïa kata ka jingbitar U Blei.

JINGPYNPAW 15:7

Bad uwei na kita ki jingthaw ba-im u la ai ha kita ki hynñiew angel, hynñiew ki pliang ksiar ba-dap da ka jingbitar U Blei u ba-im sha ki bymjukut ki bymjukut.

JINGPYNPAW 16:1

Bad nga la ïohsngew ïa ka ktien bajam na kata ka templ, kaba ong ha kita ki hynñiew angel, “To khie leit noh phi, bad to theh noh ïa kita ki pliang ka jingbitar U Blei ha kata ka khyndew.”

JINGPYNPAW 5:1

Bad nga la ïohi ha ka kti kamon jong uta uba shong halor kata ka khet ïa ka kitab, ïa kaba la thoh shapoh bad shalor, ïa kaba la pyndait laha da ki hynñiew ki jingpyndait.

JINGPYNPAW 5:6

Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh.

JINGPYNPAW 8:2

Bad nga la ïohi ïa ki hynñiew ki angel kiba ïeng ha khmat U Blei, bad ha ki, la ai hynñiew ki turoi.

JINGPYNPAW 8:6

Bad kita ki hynñiew ki angel kiba don kita ki hynñiew ki turoi ki la ïakhreh ïa lade ban pynsawa.