JOSHUA 6:27 - KA BAIBL

²⁷ Kumta U Trai u la don lem bad u Joshua; bad ka nam jong u, ka la phriang ïa ka ri baroh.

Khasi CL Bible (BSI)

²⁷ Kumta U Trai u la don ryngkat lem bad u Joshua, bad ka nam jong u ka saphriang kylleng kata ka ri.

JOSHUA 6:27 ပူးပေါင်းရင်းမြစ်များ

JENESIS 39:21

Hynrei, U Trai u la don ryngkat bad u Joseph, bad u la pyni ïa ka jingisynei ïa u, bad u la ai ha u ka jingmonbha ha khmat u nongap ïing byndi.

2 SAMUEL 7:9

Bad nga la don ryngkat bad me kat shaba me la leit, bad nga la ot noh ïa ki nongshun jong me baroh na khmat jong me; bad ngan pynlong ïa me ka nam ka bakhraw, kum ka nam jong ki bakhraw tam kiba ha ka pyrthei.

1 KHRONIKL 14:17

Bad ka nam u Dabid ka la phriang ha ki ri baroh; bad U Trai u la wallam ka jingsheptieng ïa u ha ki jaid bynriew baroh.

ESTHER 9:4

Namar u Mordekai u la long u bakhraw ha ka ïing u syiem, bad ka nam jong u ka la phriang kylleng kita ki shnat baroh: namar une u briew, u Mordekai keiñ, u la nang khraw nang khraw.

MATHAÏOS 14:1

Mynkata u Herod uba u Tetrark u la ïohsngew ïa ka jingbna shaphang U Jisu,

MATHAÏOS 18:20

Naba ha kaba don ar ngut ne lai ngut kiba la ïaseng ha ka kyrteng jong nga, hangta nga don hapdeng jong ki.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

MATHAÏOS 4:24

Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

2 KORINTH 13:14

Ka jingaiei U Jisu Khrist uba U Trai, bad ka jingieit U Blei, bad ka jingïasyllok U Mynsiem Bakhuid, to kin long lem bad phi baroh.

DEUTERONOMI 31:6

To long kiba khlaiñ bad kiba shlur, wat sngewkyiuh, lymne wat sheptieng ïa ki: namar U Trai uba U Blei jong me, ma u hi u leit ryngkat bad me; un ym iehnoh ïa me, lymne kyntait noh ïa me.”

2 TIMOTHI 4:17

Hynrei, U Trai u la ïeng hajan jong nga, bad u la ai bor ha nga; khang ba da nga yn ïoh pyndep biang ïa kata ka jingïalap, bad ba ki Jentil baroh kin ïohsngew: te la pyllait ïa nga na ka shyntur u sing.

2 TIMOTHI 4:22

U Trai un long lem bad ka mynsiem jong me. To long ka jingaiei lem bad phi: Amen.

JOSHUA 1:5

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

JOSHUA 9:1

Ka la jia ruh, haba ki syiem baroh kiba ha kane ka liang ka Jordan, ha ki lum, ha ki them, bad ha ki rud ka duriaw bah marpyrshah u Lebanon, ki Hit keiñ bad ki Amor, ki Kanaan, ki Peris, ki Hib, bad ki Jebus, ki la bna;

JOSHUA 9:3

Te haba ki nong Gibeon ki la ïohsngew ïa kaba u Joshua u la leh ïa ka Jerikho bad ïa ka Ai,

JOSHUA 9:9

Te ki la ong ha u, “Ki shakri jong me ki la wan na ka ri kaba jngai eh na ka bynta ka kyrteng U Trai uba U Blei jong me: namar ba ngi la ïohsngew ïa ka nam jong u, bad ïa baroh ba u la leh ha Ijipt,

NONGBISHAR 1:19

U Trai te u la don bad ki Judah; bad ki la jop ïa ki riewlum; naba kim lah ban beh noh ïa kiba shong ha ka ri them, namar ki la don ki kali nar.

1 SAMUEL 18:14

Te u Dabid u la ïaid leh sian ïa lade ha ki lynti jong u baroh; bad U Trai u la don lem bad u.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.