JOSHUA 6:26 - KA BAIBL

²⁶ Te u Joshua u la pynsmai ïa ki ha kata ka por, u da ong, “Long ba la tim ha khmat U Trai ïa uta u briew uba ïeng bad uba tei ïa kane ka shnong Jerikho: “Da kaba un duh ïa la u khun nyngkong un seng ïa ka nongrim jong ka, bad da kaba un duh ïa la u khun khatduh un pynïeng ïa ki khyrdop jong ka.”

Khasi CL Bible (BSI)

²⁶ Ha kata ka por, u Joshua u maham tyngeh, u da ong, “Uta uba pyrshang ban tei thymmai ïa ka nongbah Jerikho un long hapoh ka jingtim jong U Trai! “Uta uba seng ïa ka nongrim un duh noh ïa la u khun nyngkong; Uta uba tei ïa ki khyrdop un duh noh ïa la u khun khatduh!”

JOSHUA 6:26 ပူးပေါင်းရင်းမြစ်များ

1 SYIEM 16:34

Ha ki sngi jong u, u Hiel u nong Bethel u la tei ïa ka Jerikho: haba u pynshong nongrim ïa ka, u la duh noh ïa u Abiram u khun nyngkong jong u, bad haba u la pynïeng ïa ki khyrdop jong ka, u la duh noh ïa u khun khatduh jong u, u Segub, katba kum ka ktien U Trai, kaba u la kren da ka kti u Joshua u khun u Nun.

1 SYIEM 22:16

U syiem te u la ong ha u, “Katno sien ngan pynsmai ïa me ba men ym kren ha nga ei ei ruh, hynrei, tang ka jingshisha ha ka kyrteng U Trai?”

2 SYIEM 2:4

Bad u Elijah u la ong ha u, “Ko Elisha, to sah hangne, nga kyrpad ïa me; naba U Trai u la phah ïa nga sha Jerikho.” U te u la ong, “Katba im U Trai, bad katba im ka mynsiem jong me, ngan ym iehnoh ïa me.” Kumta, ki la ïapoi sha Jerikho.

MALAKHI 1:4

Namar ba ka Edom ka ong, “La shoh pynkyllon ïa ngi, hynrei, ngin phai pat bad ngin tei ïa ki jaka kynjah”; kumne u ong U Trai ki paid, “Kin tei, hynrei, nga, ngan pynkyllon: bad ki briew kin khot ïa ki ‘Ka muluk ka jingbymman’, bad ‘U paidbah ba U Trai u don ka jingbitar lep ïa ki junom.’

MATHAÏOS 26:63

Hynrei, U Jisu u la shu sngap. Te u rangbah lyngdoh u da ïathuh u la ong ha U, “Nga pynsmai ïa me ha U Blei U Ba-im, ba men ïathuh ha ngi, la me long uba U Khrist, U Khun U Blei!”

KI KAM 19:13

Hynrei, don kiba na ki Jiw kiba shang kylleng, ki nongbeh ksuid, ki la leh mynkhot halor kita kiba shong ki mynsiem bymman ïa ka kyrteng U Trai Jisu, ki da ong, “Nga pynsmai ïa phi ha uta U Jisu, ïa uba u Paul u ïalap.”

JOSHUA 16:7

bad ka la hiar na Janoah sha Ataroth, bad sha Naarah, bad ka la poi sha Jerikho, bad ka la leit mih ha Jordan.