JOSHUA 6:25 - KA BAIBL

²⁵ Bad u Joshua u la ri pynim ïa ka Rahab ka nuti, bad ïa ka ïing u kpa jong ka, bad ïa baroh ba ka la don; bad ka la shong ha Israel haduh kane ka sngi; namar ba ka la buhrieh ïa kita ki nonglam-ktien, ïa kiba u Joshua u la phah ban syntiat ïa ka Jerikho.

Khasi CL Bible (BSI)

²⁵ Hynrei u Joshua u la pyllait im ïa ka Rahab ka nuti bad ïa ki ba-ha-ïing ha-sem jong ka baroh, namar ba ka la pynrieh ïa ki ar ngut ki nongsyntiat kiba u la phah sha Jerikho. (Ki khun ki ksiew jong ka ki shong ki sah ha Israel haduh kane ka sngi.)

JOSHUA 6:25 ပူးပေါင်းရင်းမြစ်များ

MATHAÏOS 1:5

bad u Salmon u la pynkha ïa u Boas na ka Rahab; bad u Boas u la pynkha ïa u Obed na ka Ruth; bad u Obed u la pynkha ïa u Jesse;

KI KAM 2:21

Bad kan jia ba uno uno baroh u ban khot kyrpad ïa ka kyrteng U Trai, yn pynim ïa u.’

HEBRU 11:31

Da ka jingngeit, ym shym la pynjot noh ïa ka Rahab ka nuti lem bad kita ki bymkohnguh, haba ka la pdiang ïa kita ki nongsyntiat da ka jingsuk.

JAKOB 2:25

Kumjuh ruh de ym shym la pynksan da ki jingleh ïa ka Rahab ka nuti, mynba ka la pdiang sngewbha ïa kita ki nonglam-ktien, bad ba ka la phah noh ïa ki na kawei pat ka lynti?

JOSHUA 2:1

Te u Joshua u khun u Nun u la phah ar ngut ki briew jar jar na Shittim ban syntiat, u da ong, “Khie leit jngoh ïa ka ri, bad ïa ka Jerikho.” Te ki la leit, bad ki la poi ruh ha ka ïing kawei ka nuti kaba kyrteng “ka Rahab,” bad ki la shong basa hangta.

JOSHUA 2:18

Ha khmih, ynda ngin wan sha kane ka ri, phan teh ïa une u 'sai saw na kata ka jingkhang ïit na kaba pha la pynhiar ïa ngi: ïalum ruh ïa la u kpa bad ïa la ka kmie, bad ïa la ki para, bad ïa baroh ba dei ïa u kpa jong pha, ha pha ha kane ka ïing.

JOSHUA 2:4

Hynrei, kata ka kynthei ka la shim ïa kita ki ar ngut ki briew bad ka la buhrieh ïa ki; ka la ong ruh, “La wan kita ki briew ha nga shisha, hynrei, ngam shym tip kiba na-ei:

JOSHUA 2:6

Hynrei ka, ka la lah lam ïa ki, shalor ïing, bad ka la buhrieh ïa ki da ki dieng 'saihon, ïa kiba ka la lah thad ter ter halor ïing.

JOSHUA 4:9

Bad u Joshua u la pynïeng khat-ar tylli ki maw hapdeng ka Jordan, ha kata ka jaka ha kaba ki sla'jat kita ki lyngdoh kiba la bah ïa kata ka synduk ka jutang ki la ïeng: ki don hangta ruh, haduh kane ka sngi.