JOSHUA 6:24 - KA BAIBL

²⁴ Bad ki la thang ïa kata ka shnong da ka ding, bad ïa baroh ba la don ha ka: tang ïa ka rupa bad ïa ka ksiar, bad ïa ki khiew ki pliang rnong bad nar, ki la buh ha ka jingkynshew ka ïing U Trai.

Khasi CL Bible (BSI)

²⁴ Nangta ki wiang ding ïa ka nongbah bad ki thang khoit ïa ka, lem bad baroh kiba don ha ka, lait noh kita kiei kiei kiba la shna da ka ksiar, ka rupa, ka rnong bad ka nar, ïa kaba ki la shim bad buh ha ka ïing jingkynshew U Trai.

JOSHUA 6:24 ပူးပေါင်းရင်းမြစ်များ

2 SAMUEL 10:5

Haba la ïathuh ïa kane ha u Dabid, u la phah tan ïa ki; naba kita ki briew ki la lehrain eh. Bad u syiem u la ong, “To sah ha Jerikho haduh ba ki la san ki 'ñiuh tmoh jong phi, hadien kata te, sa wan phai noh.”

2 SYIEM 25:9

bad u la thang ïa ka ïing U Trai, bad ïa ka ïing u syiem; bad baroh ki ïing ka Jerusalem, ka ïingbah baroh keiñ, u la thang da ka ding.

1 KHRONIKL 18:11

Ïa kine ruh, u syiem Dabid u la pynkyntang ha U Trai, ryngkat bad ka rupa bad ka ksiar kaba u la kit noh na ki jaid bynriew baroh; na Edom, bad na Moab, bad na ki khun u Ammon, bad na ki Philistia, bad na ki Amalek.

JINGKHEIÑ 31:10

Ïa ki nongbah jong ki baroh ruh ha kiba ki la ïashong sah, bad ïa ki kut skhem baroh jong ki, ki la thang da ka ding.

DEUTERONOMI 13:16

Bad to men ïalum lang ïa ka jinglute jong ka baroh hapdeng ka lynti shnong jong ka, bad men thang ruh da ka ding ïa kata ka nongbah, bad ïa ka jinglute jong ka baroh phar, ïa U Trai uba U Blei jong me: te kan long ïa kaba la iehnoh ha la ka rta, yn ym ïoh tei shuh ïa ka keiñ.

DEUTERONOMI 13:17

Te kan ym snoh ei ei ruh na kata ïa kaba la tim, ha ka kti jong me: ba U Trai un phai noh na kaba shit lep ka jingbitar jong u, bad un pyni ïa ka jingisynei ïa me, bad un isynei ïa me, bad un pynroi ruh ïa me, kumba u la smai ha ki kpa jong me;

DEUTERONOMI 20:16

Hynrei, na ki nongbah kine ki briew, kiba U Trai uba U Blei jong me u ai ha me ban long ka jingïoh pateng, men ym pynsah im ei ei ruh em ba pynhiar mynsiem:

JOSHUA 11:11

Bad ki la pom ïa ki mynsiem baroh kiba ha ka da ka syrti waitlam, ki da pynduh khoit ïa ki: ym shym pynsah shuh kawei ka mynsiem: bad u la thang ïa ka Hasor da ka ding.

JOSHUA 6:19

Hynrei, ka rupa bad ka ksiar, bad ki khiew ki pliang rnong bad nar baroh, ki long ba la kyntang ha U Trai: kita kin leit sha ka jingkynshew U Trai.”

JOSHUA 6:25

Bad u Joshua u la ri pynim ïa ka Rahab ka nuti, bad ïa ka ïing u kpa jong ka, bad ïa baroh ba ka la don; bad ka la shong ha Israel haduh kane ka sngi; namar ba ka la buhrieh ïa kita ki nonglam-ktien, ïa kiba u Joshua u la phah ban syntiat ïa ka Jerikho.

JOSHUA 8:28

Kumta, u Joshua u la thang ïa ka Ai, bad u la pynlong lymbher taid ïa ka junom, ka jaka kynjah keiñ, haduh mynta.

JINGPYNPAW 17:16

Bad kita ki shiphew ki reng ïa kiba me la ïohi, bad uta u mrad khlaw, kine kin ïashun ïa kata ka nuti, bad kin ïa-pynlong kaba marwei bad ka balyngkhuit ïa ka, bad kin ïabam duh ïa ka doh jong ka, bad kin ïathang duh ïa ka da ka ding.

JINGPYNPAW 18:8

Namar kane, kita ki jingïapthem jong ka kin ïawan ha kawei ka sngi, ka jingïap, bad ka jingsngewsih, bad ka 'nemsniew: bad yn thang duh ïa ka da ka ding; naba u bakhrawbor long U Trai uba U Blei uba bishar ïa ka.”