JOSHUA 6:23 - KA BAIBL

²³ Kumta, kita ki samla kiba la long nongsyntiat ki la rung, bad ki la wallam ruh ïa ka Rahab, bad ïa u kpa jong ka bad ïa ka kmie jong ka, bad ïa ki para jong ka, bad ïa baroh ba ka don, bad ki la wallam ïa ki kur jong ka baroh; bad ki la iehnoh ïa ki habar ka dara ki Israel.

Khasi CL Bible (BSI)

²³ Kumta ki leit bad wan ïalam ïa ka Rahab, lem bad ïa u kpa bad ka kmie jong ka, ki hynmen ki para jong ka, bad ki ba-ha-ïing ha-sem jong ka kiba dang sah. Ki shim ïa ki baroh, ki longïing longsem bad ki mraw, sha ka jaka bashngain hajan ka jaka shong dara ki Israel.

JOSHUA 6:23 ပူးပေါင်းရင်းမြစ်များ

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

JENESIS 18:24

Hynrei, lehse don sanphew ki bahok hapoh kata ka nongbah; shisha men pynduh bad men ym pynim ïa ka jaka na ka bynta ki sanphew ki riewhok kiba lah ban don ha ka?

JENESIS 19:29

Hynrei, U Blei, mynba u la pynduh thiaw ïa kita ki nongbah jong ka pynthor, u la kynmaw ïa u Abraham, bad u la phah noh ïa u Lot napdeng kata ka jingpynkyllon, mynba u la pynkyllon ïa kita ki nongbah ha kiba u la shong sah u Lot.

JINGKHEIÑ 31:19

Phi te phin ïashong shabar ka jaka shong dara, hynñiew sngi: jar uba la pynïap ïa u briew, bad jar uba la ktah ïa uba la ïap, to phin pynkhuid ïa lade, bad ïa kiba la kem mraw jong phi, ha ka sngi ka balai, bad ha ka sngi ka bahynñiew.

KI KAM 10:28

U la ong te ha ki, “Phi hi phi tip kumno ba ka long kaba sang ïa u briew uba long u Jiw ban ïalok lane ban ïajan bad uba na kawei pat ka jaid bynriew; pynban, U Blei u la pyni ha nga ba ngan ym ñiew uba sang lane u bymkhuid ïa uno uno u briew;

KI KAM 27:24

u da ong, ‘Ko Paul, wat sheptieng; ka dei ïa me ban ïeng ha khmat u Kaisar. Ha khmih ruh U Blei u la ai ha me ïa kito baroh kiba ïaid lieng lem bad me.’

1 KORINTH 5:12

Namar nga donkam aïu ban bishar ïa kita kiba shabar? hato ym dei kiba hapoh ba phi bishar?

EPHESOS 2:12

ba mynkata, phi la long khlem U Khrist, ba la pynlong khun sohsyiem ïa phi na ka hima Israel, bad ki nongwei na kita ki jutang ka jingkular, ki bymdon ka jingkyrmen bad kiba khlem U Blei ha ka pyrthei;

HEBRU 11:31

Da ka jingngeit, ym shym la pynjot noh ïa ka Rahab ka nuti lem bad kita ki bymkohnguh, haba ka la pdiang ïa kita ki nongsyntiat da ka jingsuk.

HEBRU 11:7

Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

JOSHUA 2:13

bad ba phin pynim ïa u kpa jong nga bad ïa ka kmie jong nga, bad ïa ki para jong nga kynthei bad shynrang, bad ïa baroh ba ki don, bad ba phin pyllait ïa ki mynsiem jong ngi na ka jingïap.”

JOSHUA 2:16

Ka la ong ruh ha ki, “Khie leit sha u lum, ïoh ba ki nongbeh kin ïashem ïa phi; buhrieh ïa lade ruh hangta lai sngi, ha ban da wan noh kita ki nongbeh; te hadien kata, phin leit ha la ka lynti.”

JOSHUA 2:18

Ha khmih, ynda ngin wan sha kane ka ri, phan teh ïa une u 'sai saw na kata ka jingkhang ïit na kaba pha la pynhiar ïa ngi: ïalum ruh ïa la u kpa bad ïa la ka kmie, bad ïa la ki para, bad ïa baroh ba dei ïa u kpa jong pha, ha pha ha kane ka ïing.

NONGBISHAR 1:25

Te ynda u la pyni ïa ki, ïa ka lynti sha shnong, ki la pom ïa kata ka shnong da ka syrti waitlam; hynrei, ki la pyllait ïa uta u briew bad ka ïing jong u baroh.