JOSHUA 6:2 - KA BAIBL

² Bad U Trai u la ong ha u Joshua, “Ha khmih, nga la ai ha ka kti jong me ïa ka Jerikho, bad ïa u syiem jong ka, bad ki rangbah bakhrawbor.

Khasi CL Bible (BSI)

² U Trai u ong ha u Joshua, “Nga buh ha ki kti jong me ïa ka Jerikho, lem bad u syiem jong ka bad ïa ki shipai bashlur jong u baroh.

JOSHUA 6:2 ပူးပေါင်းရင်းမြစ်များ

2 SAMUEL 5:19

Te u Dabid u la kylli na U Trai, u da ong, “Ngan leit kiew ne em ban ïaleh ïa ki Philistia? Men ai noh ne em ïa ki ha ka kti jong nga?” Bad U Trai u la ïathuh ha u Dabid, “Khie leit kiew; naba ngan ai noh shisha ïa kine ki Philistia ha ka kti jong me.”

NEHEMAÏAH 9:24

Kumta, ki khun jong ki, ki la leit shapoh bad ki la ïoh ïa kata ka ri, bad me la pynjop ïa ki trai-shnong kata ka ri, ki Kanaan, ha khmat jong ki, bad me la ai ïa ki ha ka kti jong ki, bad ki syiem jong ki, bad ki kynja bynriew kata ka ri, ba kin leh bad ki katba ki mon.

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 4:35

bad ïa ki briew baroh jong ka khyndew ym shym kheiñ ei ei: bad u leh katba u mon ha u paidbah jong ka bneng, bad hapdeng ki briew jong ka khyndew: bad ym don ba lah ban pynsangeh ïa ka kti jong u, lane ong ha u, ‘Me leh aïu?’

DANIEL 5:18

A me u syiem U Blei U Bahakhlieh Tam Eh u la ai ha u Nebukhadnessar u kpa jong me ïa ka hima, bad ïa ka jingkhraw, bad ïa ka burom, bad ïa ka jingdonburom:

DEUTERONOMI 7:24

Bad un aiti ïa ki syiem jong ki ruh ha ka kti jong me, bad men pynduh noh ïa ka kyrteng jong ki napoh ka bneng: ym don u briew ba lah ban ïeng ha khmat jong me, tad ynda me la pynjot noh ïa ki.

JOSHUA 12:9

u syiem ka Jerikho, uwei; u syiem ka Ai, kaba hajan Bethel, uwei;

JOSHUA 2:24

Bad ki la ong ha u Joshua, “Da shisha U Trai u la ai ha ki kti jong ngi ïa kata ka ri baroh; namar ki trai-shnong baroh ruh ha kata ka ri kim don mynsiem shuh ïa ngi.”

JOSHUA 2:9

ka la ong ruh ha kita ki briew, “Nga tip ba U Trai u la ai ha phi ïa kane ka ri, bad ba ka jingsheptieng ïa phi ka la hap halor jong ngi, bad baroh ki trai-shnong kane ka ri kim don mynsiem shuh ïa phi.

JOSHUA 20:1

Bad U Trai u la kren ha u Joshua, u da ong,

JOSHUA 6:1

(Te ïa ka Jerikho la khang khop namar ki khun Israel: ym don ba mih shabar, lane ba rung shapoh.)

JOSHUA 6:3

Bad ki paidïapom baroh phin tawiar ïa ka shnong, da kaba ïaid sawdong ïa ka shnong shi sien. Kumta men leh hynriew sngi.

JOSHUA 8:1

Bad U Trai u la ong ha u Joshua, “Wat sheptieng, lymne wat kyiuh: to shim ïa ki paidïapom baroh bad me, to ïeng ruh, khie leit kiew sha Ai: ha khmih, nga la ai ïa u syiem Ai ha ka kti jong me, bad u paid jong u, ka shnong jong u ruh, bad ka ri jong u ruh de:

NONGBISHAR 11:21

Bad U Trai, U Blei ki Israel, u la ai noh ïa u Sihon bad ki briew jong u baroh ha ka kti ki Israel, bad ki la jop ïa ki: kumta, ki Israel ki la ïoh kynti ïa ka ri ki Amor baroh, kiba long ki trai-shnong kata ka ri.

NONGBISHAR 11:24

Men ym ïoh ïa kata kaba u Khemosh, u blei jong me, u ai ïa me ban ïoh? Kumta ïano ïano ba U Trai U Blei jong ngi u la pynduh ha khmat jong ngi, ïa kita ngin ïoh keiñ.